¹ . Di ango ako waco be winyi ango akwaou okwe un jo tel me iot a Yakobo kede un anyira me iot me Isirael likame un ingeunu ngolo kop! ² . Jo kame dagi bero, do kimaro raco, jo kame puto del komgi tenge ikomgi, kede ringo komgi tenge icogo gi. ³ . Jo kame camo ringo kom jo na, di kiko camo kom gi kede tuturo cogo gi di kiko totongo cogo ie adulio bala agulu kede bala ringo kame oketo isepula adwong. ⁴ . Do gin kibino koko but Rwot, do en liame ebino winyo gi doko da en ebino kanowange kibut gi ikare no, bala kite kame gin kitimo ne kede raco. ⁵ . Ango Rwot atie yomo ikom ibanin jo kame rwenyo jona kame kakao gi kede lok gi, di kikok be, anapakin, kede jo kame liame pito gi do kiikere me ii kede. ⁶ . Pimano kiwor bino tuno neu kame liame bobo ibinunu neno kede anyut: piny bino doko col neu; kadi kono twet moro da bin bedolineu ceng bino donyo ne inabino, piny ko doko col negi. ⁷ . Dido jo kame neno lewic diko mako, kede jo tiet me angalo bino totolun: Ee gin dedede kibino umo dogi, pien odwokin i kame yai kibut Rubanga udo do li. ⁸ . Atetani ango apong kede teko kame yai kicuny a Rwot, kede me ngolo kop, kede me akarunikin me tuco ne Yakobo giareco mege, kede tuco ne isirairi dub mege. ⁹ . Akwaou be, winyunu un jo tel me iot a Yakobo kede un anyira me iot me abaka me Isirael kame naco ngolo kop ikounu pango dub kame tie kakaber. ¹⁰ . Gin kigero sioni kede remo, kede Yerusalem kede dub. ¹¹ . Jo tel gi ngolo kop pi cul. Jo sasorodot mege pwonyo ppi epera. Do inabin mege tieto tiet me abee pi sente: do gin kigomgere ikom Rwot di kiwaco be, do Rwot li idiere wa? Gimoro arac liame oyaro poto okomwa. ¹² . Pi mano sioni pi kop un kobino pur en bala poto, di Yerusalem kodo bala atuket me ameje, kede mori me ot oyaro doko bala emukura ne abum.