¹ Imiegu na kur ibedunu jo tel katot, pi pore ingeunu be ngol bino geere kibut jo tel. ² Pien tien katot wan obedo jo kame wango yi jo wot wa dedede, do kame tie ngat kalikame timo kamanono ikope epone nono, udo ebedo dano opore a twero kome dedede. ³ Neni wan oketo mwola idog asigira me wek ewiny wa, di oko twero loko kuo mere lung iye epone ka wan omito ne. ⁴ Neni ngo kong Emeri da, gikame pire tek yamo katitidi en kame miye eoto, doko nga dwanye da twero miye eoto tetung kame en emito kitunge katitidi. ⁵ Amanono da, leb tie gi ka titidi do etimo jamini kadongo dongo. Doko mac atitidi da wango twon itela. ⁶ Do leb tie mac, lobo me bal amanano da leb tie adul atitidi i kom wa do eduparo kom wa dedede di oko cwinyo igeana. ⁷ Pien epone me leini, kede winy, kede twole, kede jamini kame tie iyi nam bedo iloc me dano. ⁸ Do leb likame tie ngat kame twero gwoko. Etie gikame lika twero pugere me bal, epong kede yat aneko jo (dano). ⁹ Wan opore tic kede leb wa pi mino winyo but Rubanga Papa wa, weko me lamo jo wot wa, kame ocweo kical ka Rubanga. ¹⁰ Iye epone nono da dog wa opore mino kede winyo weko lamo kede jo wot wa. Magi likame pore timere kibut wa. ¹¹ Wang kulo acel kere twero kelo pi ka mit kede akec icel? ¹² Yat efigi, imiegu na, kere twero nyako olibeti? ara olok, ara olok twero nyako efigi.? Kamanono da wang kulo acel likame karuno molo pi arac kede aber icel. ¹³ Ngai ino dano kame riek di li edire kede niang idiere u? Me wek enyut oko anyim nan kaber me tice mege kimwolere me rieko. ¹⁴ Do kame etie kede onyanga kame kec di bit icunye, deyo lii do kur engali tamo kop me ateni. ¹⁵ Man rieko ni likame wok ki malo. Do, ki lobo kan, kibut sitani. ¹⁶ Pien kakame onyanga kede bito me gimoro tii ye atotolun kede cuny moro me tice ka sitani tie iye. ¹⁷ Do rieko kame wok ki malo, me agege ecil, bobo etie kede kwei, emwol, bobon eyoyot tic kede ika bedo me kica, kede anyakini kabeco abongo apoka poka, kede cuny me kwere mogo lii iye amoto acae - acae. ¹⁸ Do anyakini me poro ocuo iyi mulem i but jogo kame timo mulem.