¹ Kara lok kede yii wok itwai idiere diere wu? Kara likame iwok imit me kom, kame yii kede adulion me komu? ² Imitunu, do likame iudunu. Ineko di bobo iko mito da, do likame ikounu twero udo. Ilok di bobo iyii. Do li iudo pien likame ipenyo. ³ Ipenyo do likame iko udo, pien ikwao kirac, me wek icam gi pi mit me komi. ⁴ Wun jo adote, kara likame wun ingeounu be cweno awotin kede lobo tie kwor kede Rubanga? Ngat kame cweo awotin kede lobo etie ngakwor ka Rubanga.? ⁵ Kara in iparo be iwandik kacil yamo atatai, be cuny a Rubanga kame bedo iyi wu tie kede nyeko. ⁶ Do en emio kisa kame kalamo, en omio kop acil yamo da be, "Rubanga dagi jo kame wakere, do emio kisa kame kalamo but jo kame mwolere." ⁷ Pimano miunu komu but Rubanga. Di ikounu piem kede jwogi, di en eko ringo tenge ibut wu. ⁸ Dok iyapi kede Rubanga, me wek eda edok iyapi kede in. Lwok cingi, wun no dubo, di ikounu lonyo cuny wu, wun ko kame tam okakarun. ⁹ Bed kede cwer cuny, di iko tururo, iko kok da! Wek nyero ni lokere dok iturur, yom cuny da dok peko. ¹⁰ Mwolere inyim Rwot, me wek ekiarao wu malo. ¹¹ Kur iyami gika arac ikom ngat ocelu, imiegu. Ngat ayamo gika rac ikom omimere da di engolo ne kop udo etimo gi karac ikom iswil, di engole ne iswil kop, do kame in ingolone iswil kop, udo in itie ngat kalikame lubo iswil, do nga ngo kop. ¹² Tie ngat acel kenekene kame mio iswil kede ngolo kop. Kame tie kede twero me lako kede dubaro. In en ibedo ngai, kame ngolo kop ne ngat ocelu? ¹³ Oti do nan in ngat kame yamo be, tin arabo diki wan obino ot ibomba no, di oko mede bedo kuno pi mwaka acel, di owilo da di ocato pi udo ameda. ¹⁴ Do likame ingeo gi oyaro bedo tie iceng adiki, kuo wan obedo nyo? en ebedo yiro, ame neno ikare acecek, di eko rwenyo tenge. ¹⁵ Pimano ipore yamo be, kame Rwot opwoyo, wan obino kuo, di oko timo mane kede maca da. ¹⁶ Do nan wun ilelunu iye ewaka wii ilel dedede acal amano rac. ¹⁷ Pimano but ngat angeo timo bero, di li eko timo, ibute udo etie dub