¹ . Imieguna kur ibedunu kede yei karwotwa Yesu Kristo, Rwot me deyo kede apokapoka. ² . Pien kame dano moro obino ikacokereu di engapo engape ameny me sabu kame ber, di bobo ngat kongapo engape kareco da kobino. ³ . di do wun ikounu mino woro but ngato kongapo igoen ka beco di kounu waco ne be bed kan ikabedo kaber, di ikounu waconenu nga can be cung kuno ara be bed kan iye abanya me tienu. ⁴ . Liya do nan un itienu kede apokapoka idiereu? di ikounu doko jo ngol kop me tam kareco? ⁵ . Winyunu, imieguna kede amieguna kame amaro, likame Rubanga omio jo can me loboni, abara kii yei kede imusikan me ajakanut kame kociko but jo kame mare? ⁶ . Do un icacinu jo can. Benyo, likame jo ko baro en kame diyou apaka di kiko lero u inyim kom me ngolo kop? ⁷ . Benyo likame gin en kame kinywara nying me wel kame kolwongou kede? ⁸ . kame icobunu iswalia me ajakanut bala kame iwandik waco kede be; mar nyakioni bala kame imaro kede komi keni; udo itimo kiber. ⁹ . Do kame ipokopokunu jo, udo itimunu gi karac, udo kongolo neu kop me turo iswil. ¹⁰ . Pien ngat kame bino gwoko iswil dedede di eko turo acel udo eturo gi dedede. ¹¹ . Pien ngat kame owaco be, kur itim adote, en kame eaco be, kur ineki. Nan do kame in liki timo adote di iko neko wudo ituro iswil. ¹² . Nando yamunu di ikounu timo bala jo kame koyaro ngolo ne gi kop kie iswil me gonyere. ¹³ . Pien koyaro ngoloneu kop kabongo kisa, ne ngat kalikame otimo kisa, dokon kisa lelo ikom ngolo kop. ¹⁴ . Ud nyo do imieguna, kame dano waco ne en etie kede yei do di eli kede tic? Benyo, yei tero laake? ¹⁵ . Kame omin arabo amin tie nono, abongo giangapa, abongo cam me ceng dedede. ¹⁶ . Di ngat acel ikomu ko waco ne gi be; ootunu kede anapakin, ootunu di kom u momor di iyengunu; di likame ikounu miino gi jamini korem kii kom gi; ameda nyo en kame un iudunu? ¹⁷ . Kame nono da yei kame di tice li ki ye udo etoo pien etie kene. ¹⁸ . Eebo dano twero waco be, yin itie kede yei, do ango atie kede tic, nyutu yei ni bongo tice ni di ango yei na kede tice na. ¹⁹ . In iyei be Rubanga tie acel, in itimo ber iwogi da yei kamano kome nyel. ²⁰ . Do in yaro nge ano okwe dano adano, imito ngeno be yei nono abongo ice otoo? ²¹ . Benyo, Iburaimu papawa bin likame komaro be ekite mere ber pi tice. kakame emiyo kede wode isaka iye alutari? ²² . Mam inenunu kite kame yei ocobere kede pi tice pi tice en komio yei odoko ber odocon. ²³ . Nando iwandik kacil oko cobere kame waco be, Iburaimu oyei Rubanga, di oko mare bedo dano kopoore di oko iwonga be dyeru me Rubanga. ²⁴ . Nenunu do ber kite kame ko maro kede dano be ekite mere ber pi tice dodi likame pi yei kenekene. ²⁵ . Likame kamanono da Rakab kame oudo obedo malaya kopwonye be iponeso mge beco pi tice kame etimo me gamo jo ter kope di eko cwano gi iyo apat? ²⁶ . Bala kame kom abongo tipo tie kede gi ko too, aso kamanono da, yei kabongo tic da otoo.