¹ . Jo kacil karibo iwongo me imalo yerunu akwat adwong Yesu Kristo. ² . Ame oudo iworo ngat koyere bala kitame Musa oudo iwor kede. ³ . Pien oude epong kede woro lono Musa bala kite ame nga gedo oworo lono ot ame egero. ⁴ . Pi buli ot dano en agero do Rubanga en agero gi dedede. ⁵ . Musa oudo lubo isikan iot a Rubanga bala nga tic pi giabino yamere waru. ⁶ . Kristo tie won ot, do wan obedo wude nogo kame wan odire, obino bedo kede gen paka iyatiekini. ⁷ . Tipo kacil oyamo be, kame iwinyo lwongo mere. ⁸ . Kur ibed kede epali bala bin riki di pwodi itienu jo ko rwenyo. ⁹ . Di jo ka kwani u diko tama digi ko neno jamini me aura ame atimo pi mwakini. ¹⁰ . Pi manono oudo cunya ocwer kede gi ako waco be gi rwenyo i lubo cik na. ¹¹ . Aso imiegu na kur moro ikom u bed kede yei atitidi ako rwenye i lubo Rubanga kede bedo ien. ¹² . nn ¹³ . Do diunu cunyu kenukenu buli ceng di pwodi ceng iko oyuto pi kur moro ikom u ud epali me cuny kayai itice kareco. ¹⁴ . Pi otieko ribowa kede Kristo kame bin obedo kede nwang cuny tuno iatiekini. ¹⁵ . Pi bin kowaco be ka iwinyo lwongo mere kur iket epali bala bin di pwodi irwenyunu. ¹⁶ . Benyo mam jo mogo bin owinyo do gi ko keto epali do di mam Musa otelo gi tenge imisiri? ¹⁷ . Benyo alu ame oudo cunye owang kedegi? Benyo oudo bin likame gibedo jo dubo ame cogere gi odong imisiri? ¹⁸ . Benyo alu ame bin oyamo negi be likagibino udo wei na mam jo ka likabino yei? ¹⁹ . Ame nyuto kaler be, likame gi romo dongo pi lime yei gi.