2
Do kame di kop me i malaikan owaco oudo tie tic di bobo tice dedede areco kede me epali duc oudo itidil opoore.
3
Wan do obino bwot benyo, kame ocao kop adwong me alako ni kame Rwot ogeo yamo di bobo jo owinye da oko moko ne wa;
4
Rubanga da di jurao gi di beo, i gia anyuta kede gi aura, kede tanguni apapat kede ki gi amia me Tipo kacil, di beo imit meren.
5
En likame emio piny atie bino, kame wan otie yamo ikome, iloc me i malaikan.
6
Do ngatamoro omoko ikaramoro, dien eyamo be, "Dano obedo nyo, omio yin itamo pire? Arabo wot ka dano, komio yin i welao en?.
7
In icweo en di etie piny me, i malaikan, iko ngape kede deyo kede woro bobon iko keto tice me cingi duc i loc mere.
8
In iko keto jamini dedede i loc me piny me tiene, "me wek en eket gin duc piny me loc mere, lika tie gi kame en eweko tenge me piny me loc mere. Do nan wan pwodi oneno jame mogo likame tie piny mere.
9
Do oneno Yesu, kame oudo otimo di tie piny me i malaikan pi kare kanonok, pi neno can me too, oko ngape kede deyo, kede wor me wek en di beo ikisa a Rubanga miero ebil too pi jo dedede.
10
Piento oudo etie gi ko pore me en, ngat kame jame dedede tie pire, doko jame dedede wok i bute pi kelo idwe atot i deyo me mino nga dwong gi me yei doko ngat opoore i ber di beo i neno can katot.
11
Pien ngat kamio doko cil kede jo kame omio doko cil duc tie i cel, en komio en likame lewic make olwongo gi be imiegu.
12
Di en eyamo be, Abino tuco nyingi but imiegu na i kanisa, abino wero i pak buti.
13
bobon da, "ayaro keto gena ikomi" bobon, "neni ango i ne kede idwe kame Rubanga omia"
14
Bala, kita kame idwe tie kede ringo kede remo, amanono da Yesu da i kome oko nywako cal gi nono me wek di beo i to en edudubo ngat kame oudo tie kede twer i kom to, kame obedo jwogi.
15
Di eko lako jo kame o yei bedo i twec pi kare me kuo gi dedede pi lworo to.
16
I ateni en likame eyero bede cal kede i malaikan, do en eko yero bedo bala kodi Ibraimu.
17
Pimano, en eko maro bedo cal kede imiegu kede amiegu mege amio tetekeny ebed nga Saserodoti kame nga kisa, di egenere i jame duc kamako Rubanga, pi rucakino wad pi dub me jo.
18
Pimano Yesu kikome obeo i can me atama, me wek etwer konyo jo kame otamo.