¹ Pimano, cungu nu i tek iye agonya kame Kristo omio wa odong di ogonyere; kur bobo oko dok tukere kede ayoko me i pason. ² Nenunu, ango Paulo ayamo ne wu be, kame i kepere, likame tie ameda moro kame in i udo i but Kristo. ³ Piento ango amio i jura bobo but ngatamoro no dedede kame keeper be, kitie kede banya me lubo iswilia dedede. ⁴ Kristo do udo konymere li i but, ngatamoro no kame oudo pore pi lubo iswil, udo do epoto tenge me kisa. ⁵ Piento wan beo i cuny, otye daro gen me poore di obeo i yei ⁶ Pien i Yesu Kristo, likame bobo a kepo konyo kede gi moro, di yei kame tio kede amara ⁷ Oudo iringunu kiber, ngai ogengo wu, me kur i yeunu kop me ateni? ⁸ Asupe ni li owok i but ngat olwongo wu. ⁹ Arup atididi mio nagano kame onyongo buuno. ¹⁰ Atie kede gen but wu beo i but Rwot, be likame iyarunu bedo kede tam a pat, do ngat atie lolo wu no, oyaro udo ngolo kop, bed bala en ebedo ngai. ¹¹ Doko ango imiegu kame ango pwodi atie tuco Ejiri me a kepo pinyo do omio ango akanyo itidil? udo do wang cuny pi kop me musalaba ojik do. ¹² Ango atie mito be, jo alolo wu go ngol gk tenge. ¹³ Piento imiegu kede amiegu, olwongo wu pi bedo agonya, kenekene kur bobo iti unu kede gonyere me udo kare me tic kede i kom, do ti unu ne ngat acel acel kede amara. ¹⁴ Piento iswilia dedede cobo kop acel en ine be i pore maro dano wad wu, bala kame imarere kede keni. ¹⁵ Do kame idonyunu kakaun kede muodere Kenu, nenunu i ber be kur i camerenu kenu kenu ikounu tiek. ¹⁶ Gi kame ango atie yamo en ine, otunu i cuny di li ikounu cobo i mue me kom. ¹⁷ Piento kom dagere kede cuny, cuny da dagere kede kom, en omio jo gi tie jo kwor but ngat ocelu kede ocelu, omio do likame in itwero timo gi kame oudo imito timo. ¹⁸ Do kame cuny en ateli, li ado in itie i dud iswil. ¹⁹ Nan do tice me kom neno kaka ler gi ige: adote, isapan, tim me emuna, caro ²⁰ Woro cal, jwok, dagere, popokun, aporapora, lilo, lok, bedo kede tam a pat, woro Rubanga iyo ali opoore. ²¹ Ingobel, neko jo, amera, yom cuny arac kede ace, acal kede magi kame atieko waco ne wu cuto, bala bobo ngoce awaco ne wu sek be, jo atimo akodi ginogi, likame ko yaro leno ajakanut ka Rubanga ²² Do anyakini me cuny kacil en; amara, yom cuny, mulem, ikanyakin, anapakin, bero, yei, ²³ Muolo, dire, magi li katie kame iswil dagi. ²⁴ Do jogo kame tie me a Kristo, otieko guro kom kede par mege kede imue. ²⁵ Kame wan okuo i cuny, o otunu da i cuny. ²⁶ Owekunu mielao deyo akony mere li, kede wango i jo ace kede ngobelo jo ace.