¹ Imiegu kede amiegu, kame dano moro ikom wu dub obwone di eko poto, wun jo kame cuny telo wu dwokunu epone me dano nono kede cuny me mwolo di i gwokunu komu wek kur atama nono mak uda. ² Konyerenu kenu kede yec wu, manono udo i cobunu iswil ka Kristo. ³ Kame dano moro paro kene be en pire tek do di likame pire tek udo engalo kome kene. ⁴ Ngat acel acel pore moko tice mege en ikome di eko bedo kede ilel ikome kene do likame i kom dano ace. ⁵ Pi ngat acel acel oyaro yeno yec mere. ⁶ Wek ngat kame opwonyo kede kop, nywak jamini abeco kede ngat ka pwonye. ⁷ Kur ngal wu Rubanga likame onywaro, pien gikame dano cuo gi nono en kame ekao. ⁸ Pien dano kame cuo kede kome, eyaro kaano mot me kom, do ngat kame cuo icuny ekao kuo kaliatiek, di beo icuny kame en ecuo nono. ⁹ Kur oolunu kede timo tice abeco pien i kare opore obinunu kac kame di li owekunu timo tice abeco. ¹⁰ Bala kitekame pwodi otienu kede winyo, opore nu timo bero ne jo dedede. Do twatwal mere but jo kame tie i ot me yei. ¹¹ Wun i inenunu baluwa alac kame ango a wandiko neu kede cinga ikome. ¹² Bala kame jo atot mito nyuto kede anen me kom, gin idiyo wu bedo jo okepere gin otimo Kamanono kenekene pien kur kinen can pi musalaba ka Kristo. ¹³ Pien gida kikom gi jo kame okepo likame ki lubo iswil do gin kitio ne wun kepere pi udo deyo ikomu. ¹⁴ Do Rubanga ogenga udo deyo, kwanyo kenekene i musalaba ka Rwot wa Yesu Kristo pien i bute lobo ogure pira, ango da ogura pi lobo. ¹⁵ Pien kibut Kristo Yesu, bedo ngat kame okepo amoto ngat kalikame okepo kony mere li, do gikame pire tek en bedo giacwea anyen. ¹⁶ Bala kitakame jo atot tie ot kede pug noni mulem kede kisa bed ikom gi kede ikom Isirael ka Rubanga. ¹⁷ Cako nataman kur bobo dano moro lola piem atieko keto alama ka Rwot Yesu ikoma. ¹⁸ Imiegu kede amiegu kisa ka Rwot Yesu Kristo bed kede wu. Amen!