1
. Kame oyarunou kede Kirisito mounu jamini kame tie malo do liame ikom jamini ame tie ilobo.
2
. Ketunu tamu ikom jamini kame tie malo, do liame ikom jamini ame tie ilobo.
3
. Pien nu itiekunu too di oko kanere kede Kirisito ii Rubanga.
4
. Kame Kirisito ngat kobedo kuo wa bino neno uda ibinonu neno karacel kede en ideyo.
5
. Pi mano nekunu atwal mit me lobo, bala caro time enuna, bedo jo mit katek, mit kare eranga, ame cal acala kede woro cal jwogi.
6
. Pien giginogo en komio lilo ka Rubanga tie ikom idwe kalikame wore.
7
. Uda bin ibedunu kede til nogo. ikare kanu oudo pwodi itienu kede ikuo nono.
8
. Do uda nan ketutunu gigi dedede tenge gero, lilo, nyeko, acae, yamo mogo kareco wok idogu.
9
. Kur ingalerenu, kenukenu, di menunu be un itiekunu gonyo tenge dano acon kede tice mege.
10
. dikounu ngapo dano anyen kame omio odoko nyen pi ngec, pi doko cal kede ngat kocweo.
11
. Likame tie apokapoka idiere me jogurik kede iyudayan, jokame kokepo kede kalika me kokepo, jo gero kede wegi tim me asonya jo kame tie ituec kede jo ko gonyere do Kirisito en gidedede doko etie igi dedede.
12
. bala jo kame Rubanga oyere kacil kame en emaro ngapunu cuny me kisa mwolo, mwolere kitamu, dire kede ikanyakin.
13
. di ikanyakikonu kede dano acel acel di isasirunu jo ocegun kame dano moro tie kede lok kede ngat ocelu, bala kame Kirisito osasirou kede uda timunu kamanono.
14
. Do akato magi dedede ketunu amara pien amara en kame tueo gi dedede.
15
. diko nu mino mulem Karubanga en pug cunyu, en kame uda oko lwongou iye ikom acel di okunu bedo jo ame mio pwoc.
16
. miunu kop kakirisito bar iiu irieko dedede pwonyerenu di icorere nu kenukenu Isabuli kede iiw were kede were me cuny, di jwerunu kede kisa icunyu but Rwot.
17
. Do igi dedede kame itimunu u ikop Amoso itice timunu gi dedede iinying Rwot Yesu di imiunu pwoc but Rubanga papa beo ii en.
18
. 18. Mon mwolere nu but cwogu ikomu bala kita kame epere kede but Rwot.
19
. Cuo manunu monu di liakame ibedunu ger kede gi.
20
. Idwe woru jo nywalu igi dedede pien man en kame yomo cuny Rwot.
21
. Jo apapi kur jwangunu cuny idweu me wek kur cuny gi kwanyere.
22
. Ipasoi, igigi dedede di lubere kede kom worunu jo adongou, likame kede tic me wang bala jo kame yomo cuny jo do kede cuny acel me jworo Rubanga.
23
. Do igi dedede ame itienu tima timunu kede cunyu dedede bala itienu timo ne Rwot do liame ne dano.
24
. Di ingeunu be kibut Rot ibinunu udo giamia me isikai pien itio nenu Rwot Kirisito.
25
. Do ngata kame timo gi karac en bino udo mere pi gi karac ame en en etimo. pien Likame en emio wor but dano.