1
. Piento amito be ingeunu kite me alola adwong kame ango atie kede piru kede pi jo kame tie Laodikia kede da pi jo ka tot kalikame pwodi oneno nyima ikom.
2
. Me wek cuny gi kiarikin di kiko ribere karacel i amara di kiko bino udo abar dedede me niang kede ngec me gi ko mungere ka Rubanga kame obedo Kuristo.
3
. Kame kokano abar dedede me rieko kede me ngec bute.
4
. Pi mano ango awaco be kur ngatamoro ngal wu kede kope me abe kame winyo mit.
5
. Akadi bed bala ali kede wu ikom, do atie kede wu icuny kede ilel pi neno kite kame gidedede tie kede iyore aber kede kite kame yei wu ocungo kede di tek Ikuristo.
6
. Bala kame igamunu kede Rwot Kuristo Yesu, as ootunu do ien.
7
. Rwakunu aliasion di ikonu gedo ien di ikonu cungo kitek iyei bala kite kame bin kopwonyo wu kede; di ipongunu kede pwoc.
8
. Gwokerenu kur ngatamoro dub wu kede tam me rieko kede kop me angalo kame lubere kede itok me jo kede me tipere kame pugo piny kan, weko kibut Kuristo.
9
. Pien Rubanga itie mere lung bedo ien ical me kom.
10
. Uda itienu kede kuo kopong ien en etie wi apugan kede akarunikin dedede.
11
. Ien bin kokepo wu kede akepo kalikame cing dano en kotimo, di igonyunu tenge kom me bal manono otimere kede akepo ka Kuristo.
12
. Oiko wu kede iye ibatiso di oko yaruno wu karacel kede en di beo kiyei me twer ka Rubanga ngat kaem oyaruno en kikom jo oto.
13
. Wun jo kame bin itounu idub wu kede pien likame kokepo ringo kom wu nan do Rubanga omio wu kuo karacel kede Kuristo en esasiro wu kidub wu dedede.
14
. En ekwanyo tenge iwandik me iswilia kame oudo piemo kede wa, kame oudo likame upere kede wa di eko kwanye iyo tenge di eko gure imusalaba mere:
15
. En edudubo twer me tipere kame pugo kede me wegi akarunikin di eko mino gi ki neeno kakaler, di etelo gi iye sirit bala mabus.
16
. Pi mano kur imiunu ngatamoro ngol ne wu kop iringo, amoto giamata, akadi pi ceng adongo arabo pi por duwe amoto Sabato.
17
. Magi cal me gi koyaro bino do kom kop kikome en Kuristo.
18
. Kur iyei nenu ngatamoro ngolo kop wi wu, di ecerededo imwolere me ecuke, kede woro imalaikan di ecungo igianyuta ka Rubanga donyo yamogikame likame eneno bedo wakere itam mere me dano adana abongo tien kop maro.
19
. En likame emoko iwiye kame mio kom lung pitere karacel kibute kom lung ribere karacel pi ka riamo me cogere mege kede pi amorito mege di eko dongo iye pone kame Rubanga mie edongo kede.
20
. Ka itiekunu t karacel kede Kuristo di ikonu gonyere kikom twer kame pugo piny, pinyo komio pwodi itienu bedo bala jo me piny. Itienu lubo iswilia.
21
. (Kur imuli, kur ibili, kur imaki;
22
. Ginogi dedede dubere kame kotio kede gi, gin kibedo iswilia kede pwony me jo?
23
. Kope gi dedede nyutere bala gi me rieko iwor kame jo mito ken gi, kede mwolere, kede tidilio kom; do ginogi likame tie kede bero moro akadi acel pi gengo mit me kom.