¹ . Jo dongo, miunu jo tic u gi apore di rorom di ingeunu dabe uda itie nu kede nyadwong malo. ² . Medere nu ilega, di ikiunu kede piny, kede mino pwoc. ³ . Kiye da, legunu pir wada me wek Rubanga yab ne wa ekeko me yamo, me yamo omung ka Kirisito, kame pire ango na otweo. ⁴ . Me wek ami kop ngere, bala kame pore timo kede. ⁵ . Otunu ot me rieko ibut jo me oko, di igwokunu kare. ⁶ . mi yamo u nakanaka bed kede kisa di irube kede munyo, me wek ingei epone kame ipore dwoko kede kop but dano moro no. ⁷ . Tie nango dedede taiciko bino tatamo ne u, en etie omin me amara, nyatic agenere epasoit wad wa i Rwot. ⁸ . Kame ango acwao butu, pi tyen kop acel nono, me wek engei tie u, di eko kweno cunyu. ⁹ . gin kede Onesimo, Omin me amara di etie dano agenere; kame tie acel ikomu, gin kiyaro mino ingeunu gi dedede otimere ikan. ¹⁰ . Aristaca nga mabus wad wa omoto u gin kede markus wot ami me Balnaba, kame en ebedo mino cik butu, kame ebino butu game nu: ¹¹ . Kede Yesu kame olwonge be Justo kame tie ikom jo kame okepere, jo gi kenekene tie jo tic wa wa, me Ajakanut ka Rubanga, kame bin kibedo jo kame kweo cunya. ¹² . Epapero kame tie acel ikomu, Epasoit ka Kristo, emotu u, naka naka emaro lole lego itek piru me wek tetekeny icungunu di icwinyunu, di gi oremli, i mit ka Rubanga. ¹³ . Piento amio ijura ikome, be etie kede amok butu kede jo me laedesia kede Hirepolis. ¹⁴ . Luka dano me amara, ametie Daktale kede Dema omoto u. ¹⁵ . Motunu imiegu kede Amiegu kame tie ilaodesia kede Nimpo, karacel kede kanisa kame tie ture. ¹⁶ . Kame otyeko Somo baluwa ni butu, miunu some ikanisa me ilaodesia kuno, ¹⁷ . Kede iwaco nu Arkipo be enen kiber be, tic kame Rwot omie enen be ecobo. ¹⁸ Amot kame ango Paulo awandiko ikoma yutuno kite kame otweo kede kisa bed butu Amen.