1
. Me ajikini imiegu, wan okwao di dden obako dog wa inying Rwot Yesu be wek wuda imedenu ameda, bala kite kame igamunu kede ibut wan epone kame ipoorenu kede ot pi pwono Rubanga.
2
. Pien wun ingeunu cik go kame wan omio wu inying Rwot Yesu.
3
. Pien man en mit ka Rubanga, lonyere wu, pi ipoorenu weko caro me adote.
4
. Pi ngat acelacel ikom wu poore ngeno epone me gwoko kome kene i lonyere kede wor.
5
. Likame i mit arac, bala jo kalika obedo Iyudayan kalika ngeo Rubanga.
6
. Pi lika ngatamoro poore dino arabo ngangalo omimere i kop ni, piento Rwot en obedo ngat kanyango pi kop dedede bala mago bala kite kame wada okwenyaro we kede sek di ojurao iye.
7
. Pi Rubanga lika olwongo wa bedo me car, do i bedo kacil.
8
. Pi mano ngat kame dagi kop ni lika dagi dano, do edagi Rubanga, ngat komio wada Tipo mere kacil.
9
. Do pi kop kamako amara me imiegu kur iparunu be ango apoore wandiko newu, pien Rubanga opwonyu wun ikom wu maro ngat ocelu.
10
. Do ateteni timunu amanono but imiegu dedede kame tie i Masedonia dedede. Do wan okwao wu, Imiegu, be medenu ameda.
11
. be wuda tamunu bedo di ilingunu, di iparunu pi kop kamako wu, di, itiunu kede cing wu, kite kame wan omio kedu wu cik.
12
. Be wek ibedunu iber ibut jo atie oko, dokon di likatie gimoro oremo wu.
13
. Do ango lika amito wu bedo bongo ngec, imiegu, pi kop kamako jo onino, pi cengmoro ikonu koko bala jo ace kalika tie kede gen.
14
Pien kame wan oyei be Yesu oto di eko bobo yaruno, kamanono da Rubanga bino kelo kede en jogo kame nino i Rwot.
15
. Pi wan Oyamo newu man i kop ka Rwot, be wan jo kame kuo di odong naka tuno dwogo ka Rwot lika bino i epone moro kenekene telo jo onino.
16
. Pien Rwot ikome bino dwogo piny i malo kede mor, kede dwan me malaika adwong, kede agwara ka Rubanga. Di jo oto i Kristo ko geno yaruno.
17
. Dido wan jo akuo di odong pi riamo karacel kede gin i idoun pi riamo kede rwot iwi yamo. Di amanono okonu bedo kede Rwot nakanaka.
18
. Pimano, diunyu cuny ngat acelacel kede kope gi.