1
. Do kop me ceng kede kare, imiegu kede Amiegu, oudo kony mere li me ango wandiko ne wu.
2
. Pien wun ikomu ingeunu iber twatwal be ceng ka Rubanga me dwogo oyaro bedo bala akuwo kame bino iwor.
3
. Pien gin kibino waco be, Anapakin kede mulem on kame peko angoole angoola bino kede ikom gi bala aramo ne dako me nyalo atin, di gin likame iko bwot.
4
. Do wun, Imiegu kede amiegu na likame itie nu icolo, me wek ceng no kur ngole ne wu bala ngakuwo.
5
. Pien wun dedede ibedu nu idwe me lere kede idwe me iceng, wan likame otie me iwor amotoko me colo.
6
. Do pi mano kur oninunu, bala kite ajo apat timo kede do obedunu di oneno di wi wa nek.
7
. Pien jo kame nino, kinino iwor, di jo amito bedo me amera gin ki mer iwor.
8
. Do poore wan kame tie me iceng, bed di onek di ongapo ebuku me yei kede amara, di angapo ocoro, obedo gen me alako.
9
. Pien Rubanga likame oyero wan pi neno can, do pi udo alako kame yai ibut Rwot Yesu Kristo.
10
. Kame oto pirwa akadi ka wan oneno arabo onino, wan opoore bedo karacel kede en.
11
. Pimano diunu cunyu karacel di igenunu kuo me ngat acelacel, bala kite anan itimunu kede.
12
. Di wan obako dog wa butu, imiegu kede Amiegu, pi ngi eno jo kame tie tic idiere wu, di kitelo wu ki Rwot, di kicoro wu.
13
. Di imiunu gi amara amalo twatwal pi tic kame giu itimo, di itienu kede mulem idiere wu.
14
. Nan wan okwa wu, imiegu kede Amiegu, corunu gi jo kame likawinyo kop, diunu cuny jo kame cuny gi odoko ngap, konyunu jo agoro, bedunu kede dire but jo dedede.
15
. Nenunube kur ngatamoro cul raco kede raco but dano moro ni, do nakanaka opoore lubo gikame ber, kibuti wun kenukenu karacel kede jo dedede.
16
. Lelunu nakanaka.
17
. Legunu abongo weko.
18
. Pi gi dedede miunu Rubanga pwoc. Pien mane en mic ka Rubanga Iyesu Kristo pi wun.
19
. Kur igengunu tipo kacil.
20
. Kur icaunu kop me inabin.
21
. Pimunu kop nogo dedede, di ikonu moko iya ber mere.
22
. Wekunu tic arceo dedede me jwogi.
23
. Di Rubanga acel nono me mulem elonyu dedede di alego Rubanga be, egwok tipo wu, kede cunyu di egwoko konu kiber abongo ingungur moro ikomu paka tuno kede dwogo a Rwot wa Yesu Kristo.
24
. Yei kadwong en ame ngat kolwongo wu kame en bobo ebino timmo.
25
. Imiegu kede Amiegu, Legunu ne wa.
26
. Motunu imiegu kede Amiegu kede amot me notere kacil.
27
. Aciko wu inying Rwot be gia Somani poore me asoma but Imiegu kede Amiegu kopoore.
28
. Kisa ka Rwot wa Yesu Kristo bed but wu.