¹ . Nenunu epone me amara kame papa onyuto but wa ko mio olwongo wa be idue ka Rubanga pimano omio piny likame ngeo wan bala kitekame piny li geo ngene en kede sek. ² . Jo na kame amaro nataman wan otienu iduc ka Rubanga do pwodi liame ongeunu epone ame oyaro bed cal kede do wan ongeo be kame en eneeno wan obino bedo cal bala en pien wan obino neno cal kame en etie kede. ³ . Do dano acel acel ame tie kede epone me gen nono lonyere en kikome bala kame en ecil kede. ⁴ . Ngat kame timo dub udo eturo iswil pien dub en turo iswil. ⁵ . Pien un ingeunu be kuristo bin oneeno pi kwanyo dub wan pien dub li en. ⁶ . Pien ngat kame tie ien likame timo dub do dano kame timo dub udo pwodi kame onene amoto ngene. ⁷ . Idue na atino kur ngatamoro ngalwu ngat kame timo gi opoore udo en epoore bala kame Kuristo opoore kede. ⁸ . Ngat kame timo dub en ebedo atin ka Sitani pien Sitani ocako dubo cako iagege kop noni en komio wot ka Rubanga oneeno tetekeny edudubo tice ka Sitani. ⁹ . Dano kobedo angwan ka Rubanga liame timo dub pien kodi ka Rubanga dong ien likame etwero timo dub pien udo en ebedo anywali ka Rubanga. ¹⁰ . Manoni en epore kame idue ka Rubanga oko neeno kede kedeidue ka Sitani dano kame liatimo gi opoore udo en likame ebedo me ka Rubanga akadi ngat kalikame maro omimere. ¹¹ . Pien man en kop kame un iwinyunu cako iagege be wan oporenu marere kenwa kenwa. ¹² . Likame bala kain bin tie kede cuny karac komio en engolo omimere. Pinyo komio bin en engole? Pien tice mege en oudo reco, do tice komimere oudo opoore. ¹³ . Imiegu kede amieguna kur ibedunu kede par moro kame jo lobo dagiu. ¹⁴ . Pien wan ongeo be wan otieko do yai itoo otuno ikuo pien wan omaro imiegu kede amieguwa dano kalikame maro omimere udo pwodi en etie itoo. ¹⁵ . Dano kame dagi omimere udo en ebedo nganek pien wan ongeunu be liame tie nganek kame bino udo kuo aliatiek. ¹⁶ . Epone noni en kame wan ongeo kede amala ka Rubanga pien en ejalo kuo wa pi imiegu kedeamiegu wa. ¹⁷ . Ngat kame tie kede jamini abeco me lobo ni di eko neno omimere di tie ked emit iye do di en eko cego cuny me kisa ki but en, epone mene kame amara ka Rubanga bedo kede bute? ¹⁸ . Do idue na atino kur oketunu amara me yamo kope kede lebwa, do itic kede iateni. ¹⁹ . Manoni en komio wan ongeo be wan obedo jo me ateni di omoko cuny wa inyim en. ²⁰ . Pien kame di cuny wan ngolo ne wa kop Rubanga dwong kato cuny wadoko en engeo gigi dedede. ²¹ . Jo na kame amaro kame di cuny wan likame ngolo ne wa kop udo do wan otie kede gen ikom Rubanga. ²² . Doko gikame wan openyo wan oudo kibute en pien wan ogwoko iswiliaka mege doko otimo jamini kabeco kiwangen. ²³ . Doko man en iswil mere be wan opore yei nying wode en Yesu Kuristo di oko marere kenwa kenwa bala kame en emio wa kede iswil. ²⁴ . Do ngat kame gwoko iswiliaka mege en ngat nono bedo ien doko eda ebedo ongeo be en ebedo iwan pi cuny kacil ame en emio wan.