1
. Idwena awandiko wu gigi me wek kur idububu. Do ka ngata moro odubi. Otie kede nga cungo pirwa but papa en Yesu Kristo kopere.
2
. En nono kene me etie gi kame koseso pi dub wa: Do di likame pi dub wan kene kene do pi dub me lobo lung
3
. Ikanoni da, wan ongeo be wan ongee ka me di ogwoko iswiliaka mege. Ngat kame yamo be an angeo do di likame egwoko iswilika mege udo etie ngangalo kede ateni udo li kiein.
4
. Do ngat kame gwoko kop mere ateteni amara ka Rubanga opong iein.
5
. En kamanono ongeo be wan otie i en.
6
. Ngat kame waco be en edong i en pore ne bala kitame en ot kede.
7
. Imiegu kede amiegu ango likame atie wandiko neu kanyin. Do kacon abin un itienu kede agege cik acon en obedo kop abin un ibedunu winyo geno.
8
. I agege dokon cik anyen ame awandiko neu kibedo me ateni kiyen kede kiyun pi colo okato do lero en katie rieny nan.
9
. Ngat kame yamo be en etie ilero, do di pwodi edagi ominere udo etie icolo paka nan.
10
. Ngat kame maro onimere dong ilero doko da likatie kare me gede li kien.
11
. Do ngat kame dagi omimere tie icolo dokon eoto ki icolo bobon likame engeo kame en eoto pien colo otie ko emo wange.
12
. Awandio neu idwe atino pien kotieko sasiro bal u pi kop me inyinge.
13
. Awandiko neu jo apapi pien itiekunu ngeno ngat kame oudo tie geno agege. Awandiko neu awobe pien itiekunu lono ngat karac awandiko neu idwe atino pien itiekunu ngeno papa.
14
. Ango atieko wandiko neun jo apapi pien itiekunu ngeno ngat kame oudo tie geno i agege. Awandiko neu awobe, pien un itek unu kede kop a Rubanga odong iyi u, do kon da ilounu ngat karac.
15
. Kur imarunu piny ni, arabo nat jamini atie iye ka ngat moro maro piny ni amara apapa udo li ki iye.
16
. Pi gi duc ame tie ipiny ni ingobel me kom, ingobel me wang kede ewaka likame yai i but papa do ebedo me piny.
17
. Pi piny ni kede ingobel mege bino kato do ngat kame timo tice ka Rubanga bino dong nakanaka.
18
. Idwe katino ebedo kera me ajikini bala kate ame iwinyunu kede be nga kwor ka Kristo oyaro bino paka nan da jo kwor ka Kristo te di tot kame da wan ongeo kede be etie kara me ajikini.
19
. Gin ki yai tenge ibut wa, do oudo gin likame gi bedo megwa pien kame koto oudo gin kibedo megwa, oudo abongo abunikin gi yaro mede kede wa: do gi ko ot taye me wek migi kineno be gin dedede oudo lika megwa.
20
. Do un itienu kede awira koyai ibut ngat kacil nan do ingeunu gidedede.
21
. Likame awandiko pi ikwianu ateni do pi ingenu pien lika me tie angalo moro iye ateni.
22
. Ngai en ame ngangalo? Do ngat en ame dagi be Yesu obedo Kristo en ebedo nga kwor Kristo kame dagi papa kede wod.
23
. Ngat kame dagi wod udo eli kede papa (do ngat kayei wod ka udo etie kede papa da).
24
. Pi mano mi kop no do dongi iyiyi ame iwinyunu i agege. Kame kop kame iwinyunu bino dong iyiu udo iyarunu mede i wod kede ipapa.
25
. Man en obedo cikire ame en ecikowan iye. En kuo apwakino.
26
. Gi kame wandiko neu gi mako gin jo kame supo u.
27
. Do awira ame iudunu odong iyi u aso likame imitunu ngat moro bobon pwonyo u. Bala kit kame awika noni pwonyou kede gigidedede, atie ateni abongo angalo iye dokoda bala kite ame epwonyo u kede udo iyarunu don iye.
28
. Aso nan idwe dongunu iyen, pi kame en ebino neno oyaro bedo kede nwang cuny di oli kede lewic inyime idwogo mere.
29
. Kame un ingeunu be en epore un ingeu nu be buli ngat kame timo gikopore udo en ebedo anywali mere.