¹ Wakti bakan tim omasi fi medina me medina ligo ogi kelem ogi nadi injil md mamlaka te Rabana ligo anas 12 ligo umon fi mouwo. ² Me nuswana ab poneyesha umon diamonds me ayan Mariyam ab kan uwo gi nadi manga de lena ab tala min uwo diamond saba. ³ Me Yowana mariya te kuuza ab kan gi chunga sente te Kerode me Suzana me taanin milan ab kan gi wedi noumon sokolina ab kan umon endisi. ⁴ In ya kawm kebiri wakti lim me anas kulu ab ja tala min kila medina wakti umon ja nouwo dukur waadul ijja majako gali. ⁵ Ajol te ajira tala kede uwo ruwa ajira tira to wakti kan uwo gi ajira taani in dukur waga fi torufu sika dukur dusu dusu teeran te laabu akul umon. ⁶ Taani waga fi laager wakti kala gumu dukur mutu kalam te moyo. ⁷ Taani waga fi so dukur so raba bakan wayi moumon dukur sidu gaba. ⁸ Taanin dukur waga fi tura ab kuwesi dukur raba kutu fogo akil kila tira 100 wakti kala uwo wonusu kalama dolde owonusu me sauti to gali ajol ab endisi adan te asuma kede uwo asma. ⁹ In ya swahaba to asadu gali sunu? ¹⁰ Okelem noumon gali wedi ne etakum siri te Rabana lakin taanin fi ijja majako anas ab ayinu kede umon ma arja ayinu wu kan tokum ayinu kede itakum ma faham. ¹¹ Ijja majako de ya wede tira ya kalama te Rabana. ¹² Anas ab fi torofu sika ya gi asma sitaani dukur ja seregu kalama min gelba toumon kede umon ma ja rudu me ligo hidaaya. ¹³ Me anas ab fi fi laager mon ya gi asma kalam umon gi rudu me furayi lakin umon ma endisi siri mon gi rudu fogo wakti me fi wakti te ligo imtihan. ¹⁴ Me ab waga fi so mon ya gi asma mon kan gi ruwa gi abusu umon fi kun me wasi wasi me utajiri me furayi te duniya wede mon ma gi ligo muda te raba akili, me kaman. ¹⁵ Te tura ab kuwesi mon ya gi asma kalama min gelba ab nedifu ab kuwesi mon gi amsuku me gudra dukur umon raba akili me subra. ¹⁶ Ma fi ajol ab gi wala taa dukur okutu fi kikapo aw tete bakan nnum, lakin ogi kutu fi kura sida anas ab gi dakal fogo kede ayinu je gi wala. ¹⁷ Kalam mafi kalam ab me dusu ab ma bija beenu, sala kan ab kan dusu ab kan ma bija ayinu bija beenu fi fadi. ¹⁸ Yala chunga itakum kan itakum bija asma kalam kila ajol ab endisi bija wedi nowo wu kila ajol ab ma endisi me wede ab kan uwo gi fekeri gali de to bija sulu min uwo. ¹⁹ Ini ya mama to me akwana to mon ja nouwo mon ma agder rasul nouwo kalam kawm. ²⁰ Kelem nowo gali mama taki me akwana taki umon yegifu bara umon aju ayinu ita. ²¹ Uwo arja fogo okelem mama tayi me akwaana tayi mon ya gi asma kalama te Rabana umon dukur giso. ²² Wakti bakan tim fi yom wayi min dolde opanda fi fuluka uwo me swahaba to okelem noumon kede ina ruwa fi torofu te bahari mon ruwa. ²³ Wati uwo kan fi safari num sulu uwo loobu milan dukur yizu bahari moyo kan aju amla fi fuluka mon dukur kun fi shida. ²⁴ Mon ja nowo tooru uwo mon kelem sidi teena sidi teena! ina gi mutu ogum oja hari ne lobu me namna te moyoddukur arja fi namna to ab nesiya. ²⁵ Ya uwo kelem noumon rudu takum fi teewen? Mon kafu mon hairu mon wonusu umon baraw asede wede munu kalam moyo me loobbu uwo gi wedi noumon amri. ²⁶ In ya umon rasul fi bele tenas geseren ab gi ruwa fi Galilaaya. ²⁷ Wakti uwo rasul bara oligo ajol ab gi tala min medina ab kan endisi diamond ligo okalas yom milan omagi lebisi gumasi me fi juwa omagi gen fogo lakin uwo ge gen fi kebri. ²⁸ Wakti uwo ayinu Yesu owonusu me sauti osujudu gidam to owonusu sauti to gali ita gi hukum ana sunu? Yesu nebi te Rabana ab fi fow zaidi ana gi waga neeta mata azabu ana. ²⁹ Kalam uwo amrisha dimond kede wasa min ajol wede kalam kan uwo kalas muda towil ligo amsuku uwo robutu uwo fi laabill me fi gaba ligo gi chunga uwo ogata sokolina ab kan robutu uwo mo diamond dukur oturuju uwo fi bakan ab pengele. ³⁰ Yesu asadu uwo gali asma taki ya munu? Okelem gali region kalam diamond milan ab dakaku fugu uwo. ³¹ Mon waga waga nowo gali kede uwo ma amrisha uwo fi tala min uwo tala min uwo ruwa fi lufura. ³² Ini kan fi number to hinzir milan ligo gi akul fi gala mon waga waga nouwo kede uwo amrisha uwo kede uwo dakal fogo oweri noumon. ³³ Ini ya diamond tala min ajol mon dakal fi hinzir ya milan to tala min loobu waga fi bahari dukur mutu moyo. ³⁴ In ya anas ab gi chunga wakti ayinu kalama ab kan fi mon jere mon ruwa fi medinna me karya. ³⁵ Ini ya anas tala kede umon ja ayinu sunu ya kan fi mon ja ne Yesu mon kede ja ayinu ajol ab tal fogo diamond kede umon ja ayinu kura te Yesu ligo olebisi gumasi me fikra to kan arja nouwom kafu ³⁶ Me anas dolde ab ayinu mon kelem nowo je namna ab so nowo ab kan amsuku uwo nas diamond. ³⁷ Me anas kulu te geselen ab jiran touwon mon waga nowo kede uwo tala min umon kalam tala bari kan amsuku umon dukur otooru fuluka uwo arja. ³⁸ Lakin ajol ab tala fogo diamond owaga waga nowo kede uwo gen mowo oso, nowo weraba ligo ogi kelem gali. ³⁹ Aeja juwa taki kede ita kelem kalama ab Rabana so neeta je namna ab kebiri mo oruwa ligo ogi kelem ne anas te medina kulu me kalama ab kubarin ab Yesu ja so nowo. ⁴⁰ In wakti Yesu arja kawm furayi nowo kalam umon kulu kan gisteenu uwo. ⁴¹ Ayinu ajol ab asma to Yayilo kebiri te kawm, oja owaga tete kura ta Yesu owaga waga nowo kede uwo dakal fi juwa to. ⁴² Kalam kan uwo kan endisi biniya to ab ja weledu uwo baraw ligo okalas sana 12 okan gi ruwa mutu wakti okan gi ruwa kawm dukur asuru uwo. ⁴³ Mariya ab kan gi tala min uwo doom milan sana iknaashar ab ja wedi ne dictara sokolina to kulu ata mafi ajol ab agder awun uwo yoyote. ⁴⁴ Otala min uwo min wara okoma fi gumas to gwam to dom to yegifu. ⁴⁵ Yesu kelem munu ya agifu ana? Wakti umon kulu aba umon Petero me akwana to mon kulu kelem sidi tena kwam lifu ita umon gi asuru ita. ⁴⁶ Yesu kelem nowo gali ajol amsuku fugu ana kalam ana asma je gudra kalas naana. ⁴⁷ In ya wakti mariya de ayinu je ata dusu uwo ma oja ligo ogi rogusu ochocho do okelem gidam anas kulu je namna ab kila sokol fimo ab amsuku uwo fogo me namna ab uwo pona mo. ⁴⁸ Okelem nowo nyereku tayi amin taki awun ita ruwa me amaani. ⁴⁹ Wakti kan lisa uwo gi wonusu ya ja ragi wayi min juwa te kebir te kawm ogi kelem gali biniya taki mutu mata taban ita fi alim uwo. ⁵⁰ Yesu wakti asma okelem mata katu rudu me rudu obija kun hayi. ⁵¹ Wakti orasul fi juwa oma rudu ajol yoyote fi dakal lakin Petero meYokana me Yakobo me baba te nyereku me mama. ⁵² Wakti umon kan gi koore umon kulu okelem nouwon gali mata kum koore gali omutu onum me num. ⁵³ Ataku uwo ligo gi kelem gali uwo mutu. ⁵⁴ Uwo amsuku uwo fi ida to ligo ogi kelem gali biniya gum. ⁵⁵ Roho to arja oyegifu gwam mara wayi uwo amrisha kede wedi nouwo sokol akul wazze to dukur hairu. ⁵⁶ Wazze to dukur hairu lakin uwo to kede ma kelem ne aol yoyote sunu ya kan fi.