¹ Fi wakti 15 fi wakti te teberi yo kaisaari pointiyo pirato fi wakti ab kan uwo ya kebir te bele te yudaaya me Kerode waktti kan uwo ya gi hukum gali baya me Philip akuto wakti kan uwo ya gi hukum fi turiya me bebele ab ginadi Tirzkoniti me lusaniya wakti kan uwo ya gi hukum bele te abilleeni. ² Me ana me kayafa wakti kan umon ya kubarin te din an kubari kalam te Rabana ja ne Yokana nyereku te Zakariya fi bakan ab pengele. ³ Oja fi duniya kulu ab geeri me Jordan ligo ogi kelem kalam te batiga ab te taya te amurugu min ita batal. ⁴ Je namna ab ja katifu fi kitab te nebbi Isaaya gali Sauti te ajol wede ab gi wonusu me sauti fo fi bakan ab pengele gali adul to kum sika te Rabana adul kum sika to. ⁵ Kali bakan ab tte kaserengeta me kila gala me yala tegala bija adul ab bija meelu bija midin, me sika ab lisa ma adulu bija adulu. ⁶ Me anas ab endisi gildu mon bijja ayinu hidaaya te Rabana. ⁷ Hiya okelem ne kawm ab kan tala fi batiza uwo gali itakum yala te debiba munu ya ja kelem neitakum jere gelba hari ab gi ja ja? ⁸ Yala isabu kum fawa kihab faa kede ita kum faa kede lipa ab gi faa taya mata kum abidu wonus min juwa gelba takum gali ina endisi jidi teena Ibrahim kalam ana gi kelem neitakum gali Rabana agder laarger wede geeru nr Ibrahim yala. ⁹ Ladi fi wakti wede lufas kutu fi latata kila lakata ab ma gi weledu fawa kili ab kuweesi gi gata gi jada fi naari. ¹⁰ Kwm asadu uwo gali asede kede ina so sunu. ¹¹ Uwo arja fogo okelem gali ajol ab endisi kanzu tinen kede ita wedi ne akutaki kede uwo lebisi an endisi akili kede uwo so jede. ¹² Me anas ab gilim sente kaman umon ja kede natiza umon mon kelem nowo malim teena kede ina sosunu? ¹³ Okelem nowo gali mata kum lim sente ziyada futu je namna ab ja amrisha itakum. ¹⁴ Ini ya keya ja asadu uwo mon gi asadu ina kede so sunu? Okelem noumon gali matakum alisi ajol motakum tumiya gudra zawadi takum kede tim itakum. ¹⁵ In ya anas kan gi steenu ligo sokol ligo umon kulu kan gi fekeri kalam te Yokaana min juwa gelba toumon aw sata ya Kristo. ¹⁶ Yokaana arja fogo okelem noumon kulu gali taasil ana gi batiza umon me moyo kila ajol ab gi ja ya gi suida me godra me ana kaman ana ma gi faa fiku laabil te gezma uwo bija batiza me Roho an nedif me naari. ¹⁷ Keeke to fi ida to adul akil to me lim bakan wayi me deegi tangano min bakan ab gi kutu fogo lakin waskan ab gi tala fogo abija haragu me naari ab ma gi mutu. ¹⁸ Okelem noumon me taanin milan ogi kelem ne anas kalama ab milan. ¹⁹ Lakin Kerode kebir te bele wakti ab uwo lowm uwo fi kalama te Kerodiya mariya te aku to me kalama ab batal in kulu ab Kerode ja soo. ²⁰ Fo dolde kulu azidu fogo dolde wamsuku Yokaana okutu uwo fi jela ²¹ Wakti bakan ja tim anas kulu wakti gi batiza umon me Yesu wakti kala batiza uwo wakti oja asadu samayi dukur fata uwo. ²² Roho an nedif nengil fugu uwo fi picha te hamam me sawti ab tala min samayi gali ita ya nebi tayi ab ana aju ana furayi neeta zaidi. ²³ In ya Yesu sidu anas ab uwo abidu alim umon okan kalas sana 30 ligo uwo ya nyereku ab kan uwo feker gali uwo nyereku te Yusufu nyereku te Elly. ²⁴ Nyereku te Matati nyereku te Leevi nyereku te Malik nyereku te Yanayi nyereku te Yusufu. ²⁵ Nyereku te Matasiya nyereku te anas nyereku te nakum nyereku te Esuli nyereku te Naggayi. ²⁶ nyereku te Marsi nyereku te Matasiya nyereky te Semayini nyereku te Yosage p.t.o nyereku te Yoda. ²⁷ Nyereku te Yokanin, nyereku te Leesa nyereku te Zerubabi nyereku te seyalu teyiri nyereku te Nelly. ²⁸ Nyereku te Meliki nyereku te Addi nyereku te Kossam nyereku te Elumaddam nyereku te Elly. ²⁹ Nyereku te Yoswa nyereku te Eleza nyereku te Yorim nyereku te matati nyereku te Leevi. ³⁰ Nyereku te Simon nyereku te Yuda nyereku te Yusuf nyereku te Yonam nyereku te Elyakim. ³¹ Nyereku te Meleeya nyereku te Temena nyereku te Mataasa nyereku te nathan nyereku te Daudi. ³² Nyereku te Yesse nyereku te obedi nyereku te Bowazi nyereku te Salmon nyereku te Nakusoni. ³³ Nyereku te Aminadabu nyereku te Aron nyereku te Kezron nyereku te Perez nyereku te Yuda nyereku Yakobo. ³⁴ Nyereku te Isaac nyereku te Ibrahim nyereku te teera nyereku te Nakole. ³⁵ Nyereku te Seruji nyereku te Lewi nyereku te Pereezi nyereku te Abel nyereku te Seera nyereku te Kainani. ³⁶ Nyereku te kayinani nyereku te alu Pakusadi nyereku te Seemu nyereku te Nuwa nyereku te Lameji. ³⁷ Nyereku te Mesuseera nyereku te Enoki nyereku te Yledi nyereku te Makalalidi nyereku te kainaani. ³⁸ Nyereku te Enos nyereku kute Sezi nyereku te Adam nyereku te Simon.