¹ Fi wakti 15 fi wakti te teberi yo kaisaari pointiyo pirato fi wakti ab kan uwo ya kebir te bele te yudaaya me Kerode waktti kan uwo ya gi hukum gali baya me Philip akuto wakti kan uwo ya gi hukum fi turiya me bebele ab ginadi Tirzkoniti me lusaniya wakti kan uwo ya gi hukum bele te abilleeni. ² Me ana me kayafa wakti kan umon ya kubarin te din an kubari kalam te Rabana ja ne Yokana nyereku te Zakariya fi bakan ab pengele. ³ Oja fi duniya kulu ab geeri me Jordan ligo ogi kelem kalam te batiga ab te taya te amurugu min ita batal. ⁴ Je namna ab ja katifu fi kitab te nebbi Isaaya gali Sauti te ajol wede ab gi wonusu me sauti fo fi bakan ab pengele gali adul to kum sika te Rabana adul kum sika to. ⁵ Kali bakan ab tte kaserengeta me kila gala me yala te gala bija adul ab bija meelu bija midin, me sika ab lisa ma adulu bija adulu. ⁶ Me anas ab endisi gildu mon bijja ayinu hidaaya te Rabana. ⁷ Hiya okelem ne kawm ab kan tala fi batiza uwo gali itakum yala te debiba munu ya ja kelem neitakum jere gelba hari ab gi ja ja? ⁸ Yala isabu kum fawa kihab faa kede ita kum faa kede lipa ab gi faa taya mata kum abidu wonus min juwa gelba takum gali ina endisi jidi teena Ibrahim kalam ana gi kelem neitakum gali Rabana agder laarger wede geeru nr Ibrahim yala. ⁹ Ladi fi wakti wede lufas kutu fi latata kila lakata ab ma gi weledu fawa kili ab kuweesi gi gata gi jada fi naari. ¹⁰ Malaika dukur kelem noumon mata kum kafu kalam ana gi jibu neita kum kalama ab kuwesin ab te furayi milan ab bija kun ne anas kulu. ¹¹ Kalam naare weledu uwo ne itakum hidaaya fi bele te Daudi ya christo sidi teena. ¹² Wede ya alama ne itakum tokum bija ayinu nyereku ab sakar ligo kati uwo fi gumasa te nyereku ab dugu ligo kutu uwo fi sokol ab bagara gi akul fogo. ¹³ Fi gwam zaidi kan fi malaika ab kan wayi min askeriya te samayi ligo umon gi sifa Rabana umon gi kelem gali. ¹⁴ Heshima kede kun ne Rabana ab te heshima me fi belana kede amani kun ne anas ab ja arfa tow Rabana bija heshima umon. ¹⁵ Wakti bakan tim nas malaika ja tala min bakan ab kan umon fogo fi ruwa fi samayi anas ab gi chunga dukur umon wonusu umon kelem gali yala kede ina ruwa fi Bethelehem kede ina ruwa ayinu kalama ab kan Rabana gi kelem neena. ¹⁶ Mon ja gwam mon ayinu Mariyam me Yusufu me nyereku akar ligo kutu uwo fi bakan ab bagara gi akul fogo. ¹⁷ Ini bakan umon ayinu mon dukur sulu te hakki kalama ab ja kelem noumon fi nyereku wedede. ¹⁸ Anas kulu ab ja asma mon ja hairu anas ab gi chunga kalama ab ja kelem noumon . ¹⁹ Lakin Mariyam chunga uwo min kalama dilde kulu ligo uwo gi fekeri fogo uwo baraw. ²⁰ In ya anas ab gi chunga umon arja ligo umon gi sifa umon gi wedi heshima ne Rabana min kalama kulu ab umon ja asma, ab umon ayinu je namna ab ja wonusu fogo. ²¹ Bakan tim yom tamaniyaa ligo yom te taaru uwo dukur kutu nowo asma to Yesu yom te saba ya taaru uwo dukur yom te tamaniya ya kutu nowo asma to Yesu ab kan ja wonusu uwo me malaika ligo umon lisa fi fi batna. ²² Yom wakti tim te nedifu umon ja shariya te Musa kan fi dukur sulu uwo sulu uwo fi Yerusalem ligo guruwa wedi uwo ne Rabana. ²³ Je namna ab ja katifu fi shariya te Rabana je kila ragi ab bi weledu awlan bija naadi uwo nedifu ne Rabana. ²⁴ Me wedi sadaga je namna ab ja wonusu fi shariya te Rabana gala teerana tinen aw hamam tinen. ²⁵ Ayinu kan fi ragi wayi fi Yerusalem asma to Simon ajol wede okan nedifu okan gi kafu Rabana ligo ogi stenu furayi te Israel me roho ab nedifu fi fugu uwo. ²⁶ Uwo ya fata nowo roho ab nedifu gal ama bija ayinu fi mutu ligo uwo ma lisa ayinu fi christo te Rabana. ²⁷ Oja fi roho min juwa kanisa, wazze to ya dakal nyereku Yesu kede tau uwo je namna ab shariya aju mo. ²⁸ In ya uwo amsuku uwo fi ida t dukur oshukur ne Rabana ligo ogi kelem gali. ²⁹ Sidi tayi asede so welaba ne labi taki fi amani je namna ab kalam taki kan fi. ³⁰ Kalam ena tayi ayinu hidaaya taki. ³¹ Ab kan ita kan adul fi ena te anas kulu. ³² Keede kun semsi ab kede wala fi belana me kun te heshima ne anas te Israel. ³³ Baba to me mama to mon hairu fi kalama dolde ab ja wonusu. ³⁴ In ya Simon ja womba noumon baraka okelem ne Mariyam gali ayinu wede kutu uwo ne anas milan fi Israel kede umon gi waaga, mon kede yegifu kede umon kun alama ab te shatama. ³⁵ Ya akwe sokol dusman bija atanu ita fi gelba fikra te gelba ab milan dukur kede ja fata. ³⁶ In kan fi ana nebbi ab mariya biniya te fanweeli ab te famiy te asere okan kala kalas muda towil ogen me ragi to sana aba min fi sakar to. ³⁷ Okan ragi to mutu ligo okan kalas sana talata tamatim okan magi tala min kanisa ligo ogi so ibada me sayimu me waga waga ne Rabana filel me minihar. ³⁸ Wakti oja ja oshukur ne Rabana dukur okelem kalama to ne anas kulu anas ab kan gistenu amsuku te Yerusalem. ³⁹ Wakti umon kala timiza shariya te Rabana mon arja fi Galilaya fi medina te Naareth. ⁴⁰ Nyereku dukur raba zidu nowo gudra zidu nowo agili huruma te Rabana dukur kun fugu uwo. ⁴¹ Ini ya wazze to kan gi ruwa fi Yerusalem fi jooju te futu fogo. ⁴² Wakti okala tim sana 12 mon panda fi ruwa je namna ya adabu te jooju. ⁴³ Wakti umon tim yom toumon mon kan gi arja nyereku wede Yesu fadul fi Yelusalem me wazze to ma faham. ⁴⁴ Umob wakti faham gali uwo giben mfi fi anas ab fi safari toumon, mon masi safari te yom wayi dukur gusu uwo min akwama to me sabijan to. ⁴⁵ Wakti ab ma ayinu uwo mon arja fi Yerusalem ligo umon gi gusu gusu uwo. ⁴⁶ Wakti yom futu talata mon ligo uwo fi kanisa ligo uwo gen fustu te anas abu uwo gi alim. ⁴⁷ Anas kulu ab asma uwo mon hairu fi agil to me arja fogo to. ⁴⁸ Umon wakto ayinu uwo umon hairu mama to klem nowo nyereku tayi sunu ya kutu kede ita so ina jede? ayinu baba taki me ana ne gi gusu ita ligo ina kulu endisi singa. ⁴⁹ Tokum gi gusu sumu fi ana tokum ma ja arfu gali kede ana gi gen fi kalama te sidi tayi. ⁵⁰ Mon maja faham kalam ab umon ja kelem noumon. ⁵¹ Oserengeta moumon oruwa fi Nazareth otaya moumon mama de dukur chunga kalama dolde kulu fi gelba to. ⁵² In ya Yesu zidu nowo agili me raba, me fi huruma ne Rabana me anas.