¹ Fi wakti ab Yesu amla Roho ab nedif dukur warja ligo uwo gi arju min Jordan Roho dukur sulu uwo fi bakan ab Pengele. ² Okalas na yom 40 ligo sitan gi jaribu uwo. Lakin uwo ma akul sokol yayate fi wakti naade, baakan wakti de kalas ji yan dukur abidu so uwo. ³ Sitani dukur kelem nowo gali jaa katifu min zaman, gal ajol ma agder kun hayyi me akil baraw. ⁴ Yesu dukur kelem nowo gali jaa katifu min zaman, gal ajol ma agder kun hayi me akil baraw. ⁵ Okutu kede uwo panda gala oweeri nowo mamlaka to te duniya ab te wakti siya te duniya. ⁶ Sitani dukur kelem nowo ana bi wedi neeta we ezo de kulu me heshima to kulu kalam ja wedi naana ana gi wedi ne kila ajol ab ana aju. ⁷ Kan ita bi abudu fi gidam tayi sokolina dolde kulu bija kun taki. ⁸ Yesu arja noowu okelem gali jaa katifu gali kede ita gi abudu Rabana taki ligo ita gi so noowo bara. ⁹ Osulu uwo fi Yerusalem okutu uwo fi kututi te kanisa okelem noowo kan ita nyereku te rabana yala kede ana sulu ita fi ras juwa te kanisa kan taasil ita nyereku te Rabana yala dusman kede ita waga min fo ladi falata. ¹⁰ Kalam ja katifu gali ajol ab bija weri neeta malaika to kede uwo chunga ita marawayi. ¹¹ Yala gali bija arfa ita fi ida towmon kede ita maja adaku kura taki fi laarger. ¹² Ja wonusu gali mata jaibu Rabana taki. ¹³ Wakti sitaani kalas kila fitna dukur osibu uwo wakti siya ¹⁴ ini ya Yesu tala min Galilaya me Gudra te Roho me arufu uwo dukur abidu fi ruwa fi torofu te duniya kulu ab fi geeri moowo. ¹⁵ Waalim umon fi bakan ab umon gi lim umon fogo mon kulu ligo umon gi wonusu asma. ¹⁶ Dukur oja fi Nazareth fi bakan ab uwo ja raba fogo fi yom sebit odakal fi hafla ja kan kun adab to oyegifu ligo ogi agara. ¹⁷ Wedi nowo kittab te nabbi Isaaya ofata kitab de uwo ayinu bakan ab katifu gali. ¹⁸ Roho te Rabana fi fugu ana kalam uwo ja kuba fugu ana di kinta kede ana gi kelem ne miskinin kalama ab kuwesi orasul ana kede ana ja awum anas ab kan nyakamu umon ligo umon kan fi jela, me fata ena te anas ab amyaanin kede sibu anas ab azibu zaidi. ¹⁹ Me tala khabar te yom te Rabana te amin moowo. ²⁰ Okati kitab to dukur uwo arja ne ajol ab gi awun uwo dukur ogen anas kulu ab kan fi hafla mon kutu ena towmon fi uwo ab kan fi kanisa. ²¹ Dukur uwo abidu kelem noumon gali naare kalama ab ja katifu de rasul fi adan takum. ²² Mon kulu dukur abidu ayinu uwo mon hayiru me kalama ab te huruma ab tala min kasma to mon dukur kelem gali wedede ma, ya nyereku te Yusuf? ²³ Okelem noumon gali tokum ma agder ma nesita kelem naana ija majako wede gali,daktari aw tabib kede wedi matibabu noowo sidu kalama kulu abu ina ja asma ligo giso fi Kaperenown kaman kede sowo ini fi karya ab ja weledu ita fogo. ²⁴ Okelem noumon gali fi hakki ana gi kelem ne etakum gali, mafi nebi ab abija wedi nowo heshima fi karya ab we ledu uwo fogo ²⁵ Lakin fi hakki ana gi kelem neetakum gali fi nuswaana milan an rujala toumon mutu ab fi fi Israel fi wakti te eriya samayi ligo goful sana talata me shaar sita ligo Jiyan milan ab waga fi duniya kulu. ²⁶ Eliya maja rasul uwo ne zjol wayi min umon ill Zelefaasi fi bele te Sidon ne mariya ab ragi to ja mutu. ²⁷ Kan fi anas milan ab ida toumon nusu nusu fi Israel fi wakti ta Erisa nebbi makan wayi min umon ab aduju uwo Ela Nayaman bara ab te Suuri ²⁸ Mon amla zalan umon kulu ab kan fi hafla anas ab kan fi fi hafla wakti umon asma kalama dolde. ²⁹ Mon kulu gum fo mon liju uwo bara te medina dukur sulu uwo fi bakan ab ya umon abinu fogo medina toumon kede jada uwo falata. ³⁰ Ofutu fi ustu toumon dukur oruwa. ³¹ Dukur oserengeta fi Kaperenoun medina te Galilaaya uwo alim umon fi yom te Sabbit. ³² Mon kulu hairu fi namna te taalim to kalam kalama to endisi gudra. ³³ Fi hafla kan fi ajol ab kan endisi dimond okore me sauti ab kebiri. ³⁴ Gali yaaye ita gi hukum ina me sunu Yesu te Nazareth ita ja kede ita ja keregi ina zana arufu ita ja kede ajol ab nedif te Rabana. ³⁵ Yesu ja hari ligo ogi kelem askutu wasa min uwo dimond wakti jada uwo fi ustu owasa min uwo. ³⁶ Anas ab kan fi fi hafla umon kulu hairu amsuku umon mon abidu asadu umon kulu wayi me wayi ligo mon gi asadu kalam wede yatu jede de kalam ogi amrisha me gudra ladi diomond wasa min umon. ³⁷ Dukur arufu to sidu fi kila bakan te duniya. ³⁸ Ogum owasa min hafla odakal fi juwa te Simon ldukur mama te mariya te Simon ligo musuja amsuku uwo zaidi mon asadu noumon ligo umon gi dugu rukuba nowo. ³⁹ Oyegifu fi bakan ab Yesu kan fi fogo otala sawti ne musujja dukur tala min uwo gwam marawayi ogum wabidu so noumon kazi. ⁴⁰ Fi wakti ab semsi kala gi kati anas kulu ab kan endisi ayanin ab te namna baraw baraw jibu noumon kila wayi min umon okutu ida to fi ra to oponesha umon. ⁴¹ Me nas Dimond tala min umon kulu milan ligo umon gi koore gali ita nebi te Rabana otala sauti oma aju kede umon wonusu kalam umon ja faham ja uwo ya Kristo ⁴² Wakti ata saba otala oruwa fi bakan ab ma fogo anas kawm dukur gusu uwo mon kulu ja jambu uwo mon ma aju kede uwo wasa min uwo. ⁴³ Uwo kelem noumon gali gifaa naana wonusu wa athi te Rabana me fi beelana taanin kalam ya sababu ab rasul ana fogo. ⁴⁴ Ini ya uwo abidu gi alim fi killa hafla te Galilaaya.