¹ Owedi noumon hadith gak gi faa neitakum womba kila yom kede itakum ma gi fatarani. ² okelem gali fi kebir te hukum wayi fi medina wayi ab ma ja kafu Rabana wu kaman uwo ma gi wedi ne ajol heshima. ³ Wu kan fi mariya wayi ab ragil to ja mutu, oja fi bakan ab uwo kan fi fogo okelem gali hukum baina teena me aduyi tayi. ⁴ Ata orudu ma lakin beden owonus min juwa gelba to gali sala kan ana ma gi kafu Rabana wu ana ma gi wedi heshima ne ajol. ⁵ Lakin kalam mariya ab ragi toode ja mutu ana bija hukum uwo okede ma arja gi ja ja naana fi taban. ⁶ Sidi teena dukur kelem gali asma kun kebir tte hukum wede ab ma endisi hidaaya de kalam ab uwo gi kelem. ⁷ Yala Rabana kaman ma bija hukum anas to ab gi koore nowo filel me mina hari. ⁸ Ana gi kelem neitakum obija hukum itakum fi gwamu lakin kan nyereku te binadum kan uwo bija obija ayinu hukum fi duniya. ⁹ Me anas taanin ab kan gi fekeri gal umon ya adil ligo umon kan gi alisi anas taanin kulu okelem noumon hadith de ligo ogi kelem gal. ¹⁰ Anas tinen dakalu fi kanisa fi womba te Falisayo tan de gi lim sente. ¹¹ Ajol te Falisayo womba uwo bara uwo asadu okelem ayi Rabana ana gi shukuru neita kalam ana magi beenu je anastaanin zzina, sala kan ajol ab gi lim sente. ¹² Ana gi sayim mara tinen fi weeki, ana wedi wayi te ashala fi kila sokol ab ana gi ligo. ¹³ Lakin ajol te lim sente de oyegif boyi oma kan aju arfa ena to fi samayi lakin dugu fi dusu okelem ayi Rabana tayi ayin huruma tayi ana ab endis batal. ¹⁴ Ana gi kelem neitakum gali wede barraw arja fi juwa to ligo wedi nowo hidaaya kede osinda ajol naaade. ¹⁵ Kalam kila ajol ab gi wedi nowo heshima arja uwo tey wu ajol ab kila gi arja uwo tey bija arja uwo falta. In ya jibu yala duga bakan ab uwo fi fogo fi womba noumon. lakin nas swahaba to wakti ayin umon dukur ja dugu noumon kelele. ¹⁶ Lakin Yesu ja nadi umon okelem gali seebu kum yala duga kede ja naana matakum aba umon. Kalam anas ab gi geenu jede mamlaka te Rabana ya toumon. ¹⁷ Ana gi kelem neitakum gali ajol yoyote ab mabi asma kalama te mamlaka te Rabana je nyereku ab sakar omabi dakalu fogo ladi siya. ¹⁸ Me ajol kebir taani asadu uwo ligo ogi kelem gali swahaba ab seme ana kede so sunu kede ana warith hayyi ab ma gi kalasu? ¹⁹ Yesu kelem gali ita gi nadi ana ley ajol ab seme ata mafi ajol ab seme illa Rabana. ²⁰ Shariya ita arufu gali mata so zina, mata katul, mata seregu mata wonus wara aku kede ita gi wedi heshima mama taki me baba. ²¹ Okelem nowo gal wede kulu ana ja amsuku min ligo ana lisa sakar. ²² Yesu wakti asma kalama dolde okelem gali ita lisa endis ebu wayi wuza kila sokol ab ita endis gesim ne miskinin yala ita ligo utajiri fi samayi ita kede ja wara ana. ²³ Wakti uwo asma wede oligo sinnga zaidi kalam uwo kan tajiri zaidi ²⁴ In ya Yesu ayinu malu te kwata ne anas dakal fi mamlaka te Rabana! ²⁵ Kalam raisi ne ngamiya dakal fi te lufra te Libra ya gura kun gow ne tajiri dakal fi mamlaka te Rabana. ²⁶ Anas ab asma mon elem gal mun ya agder ligo hidaaya? ²⁷ Okelem gali sokolina ab gow ne anas raisi ne Rabana ²⁸ Petero kelem gali ayin ina seebu kila sokol teena ina ja wara ita. ²⁹ Okelem noumon gali taasil ana gi kelem neita mafi ajol ab seebu juwa aw mariya, aw akwana, aw nas baba me mama, aw yala kalam mamlaka te Rabana fi duniya mon bija ligo omilan. ³⁰ Ajol ab ma bi wedi nowo duniya de kan ja geeru mon bija ligo maisha ab magi kalas. ³¹ Jesu sulu swahaba fi bakan wayi, okelem nowo ina gi ruwa fi Yerusalem . Kila sokol ab nas nebiya ja katifu fi nyereku te ajol bija ja taasil. ³² Obija wedi ne sabal beelana mon bija furai mowo mon bija ataku mon bija. ³³ Tubu fugu mon bija dugu uwo mon kede katul uwo fi yom te talata obija tala min ja kabri. ³⁴ Swahaba de ma ja faham sokol yoyote maana to kan dusu min umon ya fi jede umon maja faham Yesu kan gi wonusu de fi sunu. ³⁵ yesu kan kala guruwa fi Jeriko ajol ab amyan kan fi fi torofu sikaa ogi asadu. ³⁶ Ajol amyan de asma anas ligo umon garrja umon asadu sunu ya kan gi ruwa gidam. ³⁷ Mon kelem nowo Yesu te Nezareth ya gi futu. ³⁸ Ajol abamyan de naadi bara Yesu! nyereku te David, ayinu huruma tayi. ³⁹ Anas ab kan gi sulu umon wedi itakum kede umon agifu. Kelem nowo kede uwo askutu dukur kaman odugu kilele zaidi, Nyereku te David, ayn huruma tayi. ⁴⁰ Yesu dukur yegif oruwa ne ragi de wakti ragi de ja geeri Yesu wonus nowo. ⁴¹ Ita aju kede ana so sunu neeta? Yesu asadu sidi tayi ana aju ayinu ajol amyan de wedi nowo answer. ⁴² Yesu kelem nowo, ligo ayinu taki ameen taki ya tibu ita. ⁴³ Saa naade mariya wabidu ayin odukur fatiliya Yesu heshima Rabana. Ligo anas kulu ayinu umon dukur shukur ne Rabana.