¹ Okelem ne swahaba to gali agder ma kutu kalama ab te haairu kede ma ja, lakin ligo badum me ajol ab agijib. ² Yala kan kede robutu murukaka fi ragabtu to dukur jada uwo fi bahari min kede uwo jibu ebu ne yala duga. ³ Chungu itakum: aku taki kan karabu kelem nowo fogo; okan biso tawba sama uwo. ⁴ Okan so makoso neita mara saba fi yom wayi, owu jali ja mara saba ligo ogi womba musama; ita lazima endis te sama uwo. ⁵ Mursalin dukur kelem ne sidi teena gali zidu neena Iman. ⁶ Sidi teena dukur kelem neena gali kan ita bi kun me Iman siya sala je ena hardaali tokum kan bi kelem gal lata kede robutu fi bahari wu kan bi asma. ⁷ Munu min itakum ab endisi labi uwo gi kuruju uwo gi sara lam gaba okan dakal ligo ogi dakal fi samba matooke ajol ab bi kelem nowo gali taali akul akil. ⁸ Ajol ab ma bi kelem neita gali amurugu akil kede ana akul robutu ita kede ita midu naana kede ana akul me asurubu, dukur kede ita akul wu kede ita asurubu? ⁹ Ogi shukur labi wedede kalam wedi so kala ab kelem nowo? ¹⁰ Ya fi jede kan kala itakum so kalama ja kelem kede ita so kelem kum gali: Kede ina so ya ina so. ¹¹ Wakti zaman tim ligo umon gi ruwa fi jeru salem okan gi futu fustu te sama liya gali laaya. ¹² In ya waakti uwo kan gi dakal fi medina wayi oligo badum me anas ab ida tow mon nusu ab yegifu boyi. ¹³ Mon wonusu me sauti fo mon kelem gali Yesu sidi teena ayinu huruma teena. ¹⁴ Wakti uwo ayinu umo okelem ruwa kum weeri itakum ne kubarina te ddin wakti zaman tim ligo umon easulu dukur ponyesha umon. ¹⁵ Wayin min umon wakti uwo ayinu gali opona warja owomba me shukur ne Rabana. ¹⁶ Osujud bakan ab fogo kura to ligo ogi shukur uwo kan Musamaliya. ¹⁷ Yesu arja fogo ligo ogi kelem gal anas ashara kulu ma adul umon? Lakin anas tisa naade umon fuweri? ¹⁸ Mon ma beenu anas ab kan faa kede umon ja abudu Rabana. Lakin di ffan wedede? ¹⁹ Okelem nowo gal gum, kede ita ruwa kalam Iman taki rudu mo badum, ²⁰ Wakti asadu uwo me nas Falisayo gali mamlaka te Rabana gija miten? Warja fogo okelem gali mamlaka te Rabana mabija ligo oweri uwo. ²¹ Ma bija kelem gali ayinu, fi ini! aw gal fi ina! Kalam ayinu mamlaka te Rabana fi min juwa itakum. ²² Okelem neswahaba to gali yom gija tim ab itakum bija taman ab itakum bija taman ayinu yom min yoma te nyereku te binadum, ata itakum ma bija ayin. ²³ Yala bija kelem noumon gali ayin na! ayin, ini! matakum gi ruwa, wu matakum gi fatiya wara umon. ²⁴ Kalamm wala wala kan bi wala fi ida wayi ab te samayi, je namna ab kaman wala wala fi jihat taani ab te samayi ya fi jede nyereku te binadum bija kun fi yom te mutu to. ²⁵ Lakin tawlan gi faa kede uwo gidam ezabu uwo zaidi me aba uwo yala te karni wedede. ²⁶ Ya ja kan fi fi wakti te Noah ya bija ja kun jede fi wakti te nyereku te binadum. ²⁷ Mon kan fi akulu ligo umon go asurubu ligo umon gi jooju badum ladinyom ab Noah dakal fi fuluka, matara ja dukur katul umon kulu. ²⁸ Ya je namna ab kan ja kun fi zaman te Luuti umon kan gi akul asurub, turuda umon kan gi ajira umon kan gi abin. ²⁹ Lakin fi yom naade Luuti wakti tala min Sodom nari me kibinti tala min fo katul umon kulu. ³⁰ Ya bija kun jede ne nyereku te binadum yom ab bija fata nowo. ³¹ Fi yom naade ajol ab bija kun fo te juwa me sokolina to ligo fi fi juwa kede uwo ma nenzil gal kede uwo amurugu bara me ajol ab fi fi samba kede uwo ma arja fi be. ³² Kum buka kum ariya te Luuti. ³³ Kila ajol ab gi gusu hidaaya te nafsi to obija woduru, lakin ajol yoyote ab bija woduru obija ponyesha uwo. ³⁴ Ana gi kellem neitakum fi filelwedede anas ti nen bija kun fi sida wayi, wayi bija sulu uwo wu taani bija seebu uwo. ³⁵ Nuswana tinen mon bija kun umon num fi sida wayi, wayi min umon bija sulu faani de bija sulu uwo. ³⁶ Anas tinen bija kun fi samba, wayi min umon bija sulu ajol wayi bija sulu uwo. ³⁷ Arja asadu uwo gali weeri, sidi teena? Okelem noumon sika bikun meita ya teeran al gi akul meita ya gi lim