¹ Ya okelem ne swahaba togali fi tajiri ab kan endisi ajol ab gi chunga feather to wasiki uwo ligo uwo gi setetu sokolina to. ² Onadi uwo okelem nowo gali sunu ya ana gi asma fugu ita esabu kiyas te sente taki kalam ata ita ma agder kun ajol ab gi chungu sente te anas. ³ Dukur ajol ab gi hafith nowo sente to okelem min juwa to ana biso kefin kalam sidi tayi amurugu min ana kazi tayi ana ma agder kurugu.Me kaman asada asada ita gi asma haya. ⁴ Ana arufu sunu ya ana biso kan bi turuju ana min kazi tayi, kede umon juru ana fi juwa tayi. ⁵ Onadi kila ajol ab endisi banja te sidi to okelem ne ajol te awlan uwo asadu uwo sidi tayi gi banya ita sunu? ⁶ Ogi banja ana 900 gali anas te Olive oil dukur uwo arja fogo sidu de dukur asadu uwo kebir te kazi de kelem noouwo sulu kiyas ab gi banja ita gen falata gwam geeru kede kun 450 gallons. ⁷ Dukut okelem ne ajol taani me ita gi dayi sunu? okelem gali kilo 1000 te ngano okelem nowo kede uwo sulu waraga to kede okatif 80kg. ⁸ In ya sidi to furayi nowo ajol ab gi dunga mali lakin ab zulum kalam oso kalama te agili: Kalam yala te wakti wede mon negi fi Raha toumon mon gi shinda yala te semsi. ⁹ Ana kaman gi kelem neitakum gali kun tokum mesabiyan takum ab endisi fu sente kalam kan umon wedi bara itakum bija karibisha itakum fu juwa ab te mun juwa. ¹⁰ Ajol ab kan bi kun te hakki fi sokolina ab duga obija kun te hakki fi kalama ab kubaari: Ajol ab kan me endisi hakki fi sokolina ab duga obija kun te hakki ma fi kalama ab kubari. ¹¹ Ita kan ma bikun te hakki sokolina ab te duniya, ita bagder kefin kede wedi neita amana ab te duniya ab kebiri. ¹² Ita kan ma kun te hakki me sokol yoyote ab te ajol taani, munu ya bijib neita hakki ab taki. ¹³ Mafi pakasa ab bi kun pakasa te anas tinen pakasa je dolde umon bija karaha ajol wayi obija aju ajol taani aw uwo bija kun kuwesi ne wayi dukur obi haya taani de.Ita ma agder sazi ne Rabana, me kaman sente. ¹⁴ Me nas Falisayo ab kan aju zaidi sente mon asma dolde kulu mon ataku umon kulu. ¹⁵ Okelem noumon gali itakum al gali gi sulu itakum gal itakum adili ti ena tenas; lakin Rabana arufu gelba takum; Kalam sokol ab gi wedi nowo heshima fi ena te anas ata ruduwo ma fi gidam ta Rabana. ¹⁶ Shariya ladi nebiya kan fi min wakti te Yokana min wakti naade injil ab te Rabana kan gi kelem ne anas wu kila ajol gi dakal fogo me gudra. ¹⁷ Lakin gwamu ne samayi me arthi kalasu gi sinda harfu wayi ab te shariya kalasu. ¹⁸ Kila ajol ab bi turuju mariya to deker ojooju taani ligo oso(zina) wu ajol ab bi jooju mariya ab turuju me ragi to ligo oso(zina). ¹⁹ Kan fi ajol ab tajiri ab lebis lubas te fulungu me gumasi ogi furayi kila yom fi kun fi Raha. ²⁰ Kan fi ajol wayi ab miskin asma to Lazaro olebis uwo me juru bani al kan gi hibu jibu uwo babu te ajol ab tajir. ²¹ Ligo ogi endisi mahaba te akul ab gi waga min meeza te ajol ab tajiri.Kan ladi keli gija gi alasu kura to. ²² Ajol ab miskin de mutu dukur arfa uwo me malaika kede uwo ruwa gen fi torofu te abrahim fi jooju fi samayi ajol ab tajiri de mutu dofun uwo. ²³ Uwo arfa ena to min juwa te kabri ligo ofifi waja uwo ayinu Ibrahim boyi me Lazaaro Ligo fi dusu te Ibrahim. ²⁴ Owonusu me sauti okelem baba tayi Ibrahim awun ana, rasul Lazaaro kede uwo dakal ida to fi moyo okede masa masa fi lisan tayi kalam ana fi waja min nari. ²⁵ Lakin Ibrahim kelem nowo nyereku tayi kambuka je kila sokol ab kan ita aju ligo ita hayyi wedi neita, Lazaaro kaman ligo batal lakin asade fi furaisha uwo ita gi ligo waja . ²⁶ Fi kila sokol kulu fustu teena fi mpaka abu kutu fusutu teena anas aju ja neena wede umon taban wu kaman kede ligo taabu te ja jambu ina. ²⁷ Okelem gali yala ana waga waga neita baba tayi rasul fi juwa te baba tayi. ²⁸ Kalam ana endisi akwana kansa okede kellem noumon kede umon ma ja fi bakan wede ab fogo azab. ²⁹ Lakin Ibrahim kelem noumon gali mon tima nas Musa me nebiya kede anas asma umon dolde. ³⁰ Okelem gali ya jede ma baba tayi Ibrahim wayi min meyitin kan bija ruwa fi bakan ab umon fi fogo mon bija so tawba. ³¹ Okelem noumon gali je namna ab umon aba asma Musa me nebiya sala kan fi ajol alja mutu dukur ogum mon ma bi amin.