¹ Odakal fi kanisa ogi futu. ² Yala ayinu ajol ab gi nadi asma to Zakayo, okan kebir te nas anas ab gi lim sente wu lakin okan tajiri. ³ Ogeta agili kedi uwo ayinu yesu namna ab uwo fi; omagder kalem kawm kalam sige to okan gi sheri. ⁴ Ojere oya kun no-1 opanda fi lakata ab asma to Skamotree Okan aju ayin Yesu ab kan gi ja minna. Kalam kan uwo garafutu fi sika wede. ⁵ Wakti Yesu rasul fi bakan ab kan uwo fi fogo uwo ayinu to kalem nowo Zakayo nenzil gwam, Kalam naare gi Him naana gen ti Juwa taki. ⁶ Onenzil dukur okaribisha uwo ligo uwo furayi. ⁷ Wakti umon ayinu mon kulu abidi wonus wara uwo gal mon ogura num ne azol abendisi batal. ⁸ Zakayo dukur yegif okelem ayinu sidi tayi nusute sokolin tayi ana gi wedi ne miskinin aw kan ana ja akul zulma azol yoyote ana gi lipa uwo mara alba. ⁹ Yesu kelem gal naana hidaaya Ja fi juwa taki kalam uwo kaman nyereku te Ibrahim. ¹⁰ Kalam nyere ku te binadum Ja fi Jib hidaaya me gusu abkan weduru. ¹¹ Wakti umon asma wede ozidu okelem kalam uwo kan geeri me Yerusalem aw kan beenu gusunu jede. ¹² Ya uwo kelem fi ajol ab kebiri abu fi bele ab te boyi okede ruwa akulu bambara te sultan dukur kede uwo arja. ¹³ Onadi labi to ashara owedi noumon shilingi tinini lem gal kede umon somo byahara ladi kede ana arja? ¹⁴ Lakin rujala to zalam nowo mon kan me rasulu kede umon kelem, ina ma aju ragi wede kede kun sultan teena. ¹⁵ Yala kutu uwo sultan arja uwo fi bey dukur orasul kede nadi nowo pakasa ab kan uwo wedi noumon sente de okan aju ligo kabar aju faham sunu ya umon dakal mo. ¹⁶ tawlan de ja nowo, okelem, akwee sente taki zade me ashara ab wedede. ¹⁷ Itakum so seme pakasa tayi! sidi to answer itakum weeri haki fi sokol ab siya yafi jede ana bi kutu itakum kun hukum te ma dina ashala. ¹⁸ Pakasa te tinen de ja ne sidi to, okelem sidi tayi sente taki zidu me 5 times zayada. ¹⁹ Sidi to jibisha uwo ana bija kutu ita fi medina kamusa je kebir. ²⁰ Dukur pakasa taani ja, okelem sidi tayi yade sente taki ana chunga sente wede fi gumasi asa kari. ²¹ Ana kan ligo kwafu min ita ajol ab gowu ita gi sulu hakki ab ita ma so ita gi kutu sokol ab ita maja ajira ya ita mabilim sokol ab kan endisi toso. ²² Okelem nowo gali kasma taki gata neeta case ita ya labi abatal. Ita kan gi fekeri gal ana ajol te raisi ligo ana gi amurugu min samba sokol ab ana ma ajira. ²³ Sunu ya ja kutu ita kede ita ma wedi ne anas tebi ashara shilingi ana kan bija ja ana kan bisulu me profits to kulu? ²⁴ Okelem ne anas ab kan yegif in kulu amurugu kum min uwo sente to wedi kum ne ajol abu endisi shilingi tinini. ²⁵ Dukur kelem nowo ajol de endis shilingi tini ²⁶ Ana gi kelem neitakum, kila ajol ab endi bija wedinowo lakin ajol ab endis ma ladi ab uwo endisi de bija amurugu min uwo. ²⁷ Lakin aduga tayi? ab ma aju kede ana hukum umon. ²⁸ Jibu kum uwo ini kede itakum katul umon fi ena tayi wakti okalas we nusu kalama dolde okun Imam dukur oruwa fi Yerusalem. ²⁹ Wakti bakan tim ligo ogura rasul fi Besfarge me be saniya fi gala ab gi nadi Zaitun orasul min swahaba to tinen. ³⁰ Ligo ogi kelem gali ruwa to kum fi medina ab fi fi rasu takum: Kan itakum dakal min juwa tokum bi ayinu nyereku te punda ligo me robutu ab lisa ma ajol wayi lisa gen fogo ma. ³¹ Ajol kan bi asadu itakum galu itakum gi fiku ley? Kelem kum jede sidi teena yaju. ³² me anas ab rasul de umon ruwa mon ayinu je kan umon ligo amin de. ³³ Wakti umon gi fiku nyereku punda,saabal to kelem nowo gali itakum gi fiku te sunu nyereku te punda. ³⁴ Mon kelem gali sidi teena yaju. ³⁵ Dukur umon jibu ne Yesu mon kati fogo gumasa toumon fi nyereku te punda mon kutu fogo Yesu. ³⁶ Wakti uwo kala gi ruwa mon kutu gumasa toumon fi sika. ³⁷ Wakti uwo kala gura rasul fi kaseren geta te gala te Zaitun kawm to kulu tala umon gi abidu Rabana me sauti ab hari kalam majabu ab umon ayin. ³⁸ Ligo umon gi kelem gali oligo baraka nebi ab gi ja me heshima te sasma Rabana: Amani fi samayi, me heshima fo. ³⁹ Anas te falisayo te Kowm mon kelem gali nebi kelem ne swahaba taki. ⁴⁰ Warja fogo okelem gali kan umon bi askutu laargera bija wonusu fo. ⁴¹ Wakti uwo juru uwo geri jambu medina okore. ⁴² Ligo ogi kelem kan kan ita arufu fi kalama te wakti wede kalama ab gi jibu amaani! Lakin asede kati me ena taki. ⁴³ Kalam yom gi ja ja, aduga taki mon bija abin fugu ita juwa, mon bija lifu ita mon bija lim killa side. ⁴⁴ Mon bija jada ita falata me yala ab bija kun fi ja batna taki yala umon ma bija agder seebu neita larger bada larger kalama ita maja arufu muda ab ja dooru fogo mo neita. ⁴⁵ Odakal fi kanisa oturuja anas ab kan gi tunda. ⁴⁶ Ligo ogi kelem gali ja katifu gali juwa tayi bija kun juwa te abudu ana itakum gi tumiya je lufura te bakan te anas te nyakama. ⁴⁷ In ya uwo abidu alim fi kanisa kila yom lakin nas kubarina te dini me anas ab gi katifu mon gata agili te katul uwo. ⁴⁸ Mon m ayinu sunu, ya umon biso kalam anas kulu kutu fugu wo Balzaidi ligo umon gi asma uwo.