¹ Fi yom dolde anas te kawm ab milan wakti umon lim ligo umon gi dusu umon furas aku uwo abidu ne nas swahaba to okelem, chunguu itakum fi sokolina ab gi furu ab te nas Falisaayo, yakun munafik. ² Lakin mafi sokol ab kati ab ma bifata; sala kan ab kan kutu te haya ab mabija faham. ³ yala kalama kulu ab kan itakum ja wonus fi dulunma bija faham fi semsi me kalama kulu ab kan itakum ja wonus fi adan fi kujura bija wonus fi ras te juwa. ⁴ Ana gi kelem neitakum, sabiyana tayi, mata kum kafu dolde ab gi katul kalama taanin. ⁵ Lakin ana bija weri neitakum jol ab itakum bija kafu: kafu tokum uwo, kan uwo kalas ktul wendis gudra te jada fi Jahannam, ya fi jede aba gi kelem neitakum uwo ya aju kede itakum gi kafu uwo. ⁶ Teeran kamsa seyi ma agder tunda fogo Jarara tinen? lakin ata mafi wayi min umon ab agder nesitu gidam te Rabana. ⁷ Lakin ladi suras takum kulu bija isabu kulu matakum kafu. Itakum gi sinda teeran ab milan. ⁸ Ana gi kelemneitakum gali ajol kulu ab bija nati kasma tayi gidam te anas wede nyereku te binadum bija weri uwo gidam te malaikaka te Rabana. ⁹ Lakin ajol ab bija aba ana gidam te anas bija aba uwo gidam te malaika te Rabana. ¹⁰ Kila ajol ab gura wonus fi nyereku te binadum bija sama ita ajol yoyote ab wonus fi Roho takatifu abatal bija sama uwo. ¹¹ Ya jede kan bi jibu umon fi hafla, kubarina me anas ab endisi hukum matakum hairu yegif fi nafsi takum aw sunu te kelem. ¹² Roho ab nedif bija alim itakum saa naade sunu te kelem. ¹³ Ajol wayi ab kan fi hafla wonus ne Yesu malim, okelem, kelem ne akutayi kede uwo gesimu sokolina te farmily me ana. ¹⁴ Yesu arja fogo sabi, munu ya kutu ana sidu hukum aw ajol ab te gata kalam Baina teena? ¹⁵ Dukur okelem noumon, fata ena! gen fi chuga taki ayinu kum, chunga itakum min tamani kulu; Kalam uzima tebinadum maya sokolina milan ab uwo gi fi mo ¹⁶ Oweri noumon hadith okelem gali fi ajol ab tajiri samba to weledu akili. ¹⁷ Ofeker min juwa to ligo ogi kelem ana biso kefin,kalam ana ma endisi bakan te lim fawakili tayi? ¹⁸ Okelem gali ana bija so jede: ana kasuru bakan ab, ana gi kutu fogo sente tayi dukur ana abinu ab kebir; ana lim fogo akili tayi ab abisi me sokolina tayi. ¹⁹ Ana bija kelem ne Roho tayi, Roho tayi, ita endisi sokolina milan ab ita ja chungu ab te muda towil, amla safa, kede ita akul kede ita asurub, kede ita furai. ²⁰ Lakin Rabana kelem ne Roho tayi, Roho tayi, ita endisi sokolina milan ab ita ja chunga ab te muda towil, amlasafa, kede ita akul kede ita asurub, kede ita furai. ²¹ Ya jede okan fi jede ajol ab bi haki itu nowo utajiri, lakin ligo uwo me tajiri ne Rabana. ²² Okelem ne swahaba to matakum gi kun me wasi wasi fi hayi takum, sokol akul takum; sala kan gildu takum sokol lebisi. ²³ Kalam hayi gi sinda akili, me gildu gi sinda gumasi. ²⁴ Feker kum fi teeran mon al ma gi ajira wu kaman umon magi amurugu min samba; mon ma endisi bakan te hafith fogo mali toumon wala samba; lakin Rabana gi wedi noumon sokol akul iitakum ma gi shindateeran mara milan? ²⁵ Munu min itakum ab itakum gi kafu ab agder zidu fi gudra to ida way? ²⁶ Ita ma agder so sokol ab siya naade ley ita gi ligo wasi wasi fi kalama taanin? ²⁷ Abur ayin kum gesi ab gi lifu je gibeenu ata umon magiso kazi wala adul gumasa; lakin ana gi kelem neita kum Sulaiman me heshima to kulu oma agder sida lebisi sala wayi min dolde. ²⁸ Lakin Rabana namna abu uwo gi lebisi mo gesi ab fi gaba ab gi kun naare saba gi jada fi naari; oma agder sinda lebisi akum ab endisi Iman siya? ²⁹ Takum kaman ma kazi takum te gusu sokol akul wala asurub, matakum kum kun me gelba ab te wasi wasi. ³⁰ Kalam kalama dolde kulu gi kutu anas ab ma endisi Rabana fi gelba toumon umon jere warato wu kaman Rabana taki arufu je ita kan bi aju umon. ³¹ Lakin gusu kum mamlakz to me sokolina dolde bija zidu neitakum. ³² Mata kafu ita ajol ab endisi gudrs siya kalam sidi takum aju wedi neitakum mamlaka. ³³ Wuza kum kulu ab itakum fimo wedi ne anas ab miskin, keetu kum hakkiba ab ma agder ja gedim, hafiz kum utajiri fi samayi; harami namna ab uwo ma agder seregu me ab jindi agder makul. ³⁴ Kalam utajiri takum sika ab fi fogo, me gelba takum ya gi gen naa. ³⁵ Kum ligo te lebis wu kaman ita kman taya fi so kazi, kutu kum taa kede wala. ³⁶ Kun ja pakasa ab gisteenu bosstoumon kede uwo arja min joju. Kan uwo bija odugu babu, mon bija fata babu noumon mara wayi ³⁷ Mon endis baraka ladi dolde sidi toumon kan bija ja obija ligo umon ligo umon lisa gi ayinu; taasil ana gi kelem neitakum ajol al bija robutu uwo dukur okutu umon gen fi akil ojja wedi noumon kazi. ³⁸ Okan bija ja bada te gum te tineni aw te talata, oja ligo itakum jede mon endis baraka labi dolde. ³⁹ Lakin faham tokum wede ligo sidu juwa bija arufu wakti saa ab harami gi ja okan bi kun ligo ena to gi ayinu oma kan agder seebu juwa te kede afta. ⁴⁰ Itakum kaman adul itakum: kalam nyereku te binadum ogi ja fi wakti ab ita ma arufu. ⁴¹ Petero dukur okelem nowo gali sidi teena, hadith wede teena wala tenas munu? ⁴² Sidi teena dukur kelem gali, ajol yatu wede ab endis mu wamini fu te chunga sente teena sidi to ab uwo bija okede ja gesim noumon akili fi wakti to. ⁴³ Owedisi baraka labi wede, sidi to yom bija oja ligo ogiso jede. ⁴⁴ Taasil ana gi kelem neitakum ajol ab bija warith killa kalama ab uwo endis. ⁴⁵ Lakin labi wede kan obija wonus fi gelba to sidi tayi aba ja: dukur wabidu dugu labija me kadima, me akulu me asurubu me sakaran; ⁴⁶ Yala sidi te labi wede obija ja fi yomab uwo ma kan endis gelba fuguwo me fu wakti ab uwo ma arufu obija gata gata uwo obija wedi nowo kiyas to ab uwo rudu. ⁴⁷ Me kaman labi abija faham labi to sokol ab uwo aju, dukur ata uwo me kutu fi lim kalama al kan uwo aju bija duguwo zaidi. ⁴⁸ Ajol yoyote ab maja arufu dukur oso kidima al faa kede dugu uwo bija duguwo siya me kila ajol ab wedi nowo milan bija gusu min woo milan.Me wede ab wedi noouwo milan bija asadu uwo milan ⁴⁹ Ana ja fi jada naari fi duniya; kan saade kala gi wala ana aju sunu? ⁵⁰ Lakin ana endis batiza ab bija batiza ana ligo biligo shida ladi wakti ab ana bija ligo hidaya. ⁵¹ Tokum gi fekeri ja ana ja jibu raha fi duniya ana gi kelem neitakum ata illa ferteku besi. ⁵² Kalam fata kalam de sade bija kum anas kamsa fi juwa ligo umon magi wafiki anatalata me tinen anas tinen me talata. ⁵³ Mon bija ferteku Baba to me nyereku to, nyereku me baba, mama me biniya wu kaman biniya me mama, mariya ab gi weledu meita mariya me martu nyereku to me nyereku te mariya me mafu nyereku to. ⁵⁴ Okelem ne kawm gali itakum kan bija ayinu matara, gisoso fi itakum fgi kelem matara gura waga yagifi jede. ⁵⁵ Kanitakum bi ayinu segete gi tala(NW) itakum gi kelem gali wede gura kun lata lari; yagi fi jede. ⁵⁶ Muna fiki dolde itakum arufu taman picha te duniya meta samayi; lakin sunu yagi kutu kede itakum ma arufu deke wede. ⁵⁷ Wu itakum kaman sunu ya gi kutu kede ita kum ma agder gata kalama? ⁵⁸ Kalam kan ita guruwa dukur asikita nehukuma, kede ita gusu agil kulu so maslah me ajol al gi kelem gal ita zulum uwo, ita kan ma bio jede ajol de bi sulu ita ladi ne hukuma hukuma bija sulu ita ne keya dukur keya de bija jada ita fi jella. ⁵⁹ Ana i kelem neitakum itakum ma bitala bara ladi ita bija lipa sente ab kebir.