¹ Bakan wakti tim ligo ogi womba, bakan okalas, min swahaba to wayi min umon kelem ayi sidi teena, alim ina asadu je kaman Yokana alim mo swahaba to. ² Okelem noumonn gali kan itakum womba kelem kun sidi teena asma taki kede arja mamlaka taki kede ja ³ Kede ita gi wedi neena akili teena te kila yom. ⁴ Wu kaman kede ita sama neena zambi teena; kalam ina kaman gi sama kila ajol ab ina kaman gi sama kila ajol ab ina gi dayi mata sulu ina fi fitna. ⁵ Okelem noumon gali munu min itakum ab endisi sabi to ab bija ruwa nowo fudtu fileli, obija kelem nowo sabi tayi deenu ana mu kati talata; ⁶ Kalam sabi tayi ja otala fi safari ana kaman ma endisi gidam uwo; ⁷ Me naade ab fi min juwa warja nowo okelem mata gi taban ana; saade baabu me sidu,Ana me yala tayi ne kalanum ana ma agder gum kede ana wedi neita? ⁸ Ana gi kelem neitakum sala kan gal uwo ma gura gum kede uwo wedi noowo kalam saabi to, lakin kalam taaru to obija gum kede uwo wedi noowo kila sokol ab uwo aju. ⁹ Ana kaman gi kelem neitakum gali asadu, kum bija wedi neitakum; gusu kum itakum. ¹⁰ Kalam kila azol ab bi asadu bija wedi nowo; me ajol ab gi gusu abija ayinu, me ajol ab gi dugu hoodi bija fata noowo ¹¹ Mun min itakum baba te ajol ab bija asadu noowo mukati dukur owedi noowo laager? aw samaya dukur owedi nowo debiba? ¹² Aw kan uwo bija asabu mayayi dukur bi wedi nowo agarab? ¹³ Yala kan itakum ab batal tokum agder wedi ne yala takum zawadi ab seme umon ma bisinga sidi takum ab fi samayi wedi neitakum Roho ab nedifu ab anas gi asadu. ¹⁴ Wakti ab kan ogi turuju jini ab awiri wakti jini de tala min uwo, abobo dukur wonusu kowm dukur hairu. ¹⁵ Anas taanin dukur kelem ogi turuju jini fi niyaba te Beruzabuli kebir te jini. ¹⁶ Me anas taanin asadu Yesu kede uwo jibu noumon alama ab gi tala min samayi. ¹⁷ Lakin wakti uwo faham umon fi kalama ab umon gi fekeri okelem noumon mamlaka yoyote ab gi dusman me nafsi to bija kalasu. Me family ab me ferteku badum toumon bija waga. ¹⁸ Kan shaitan gi dusman badum tow obija yegifu kefin mamlaka to ana kelem dolde kalam kalama ab itakum gi kelem itakum kelem gali ana gi amurugu jini me gudra te Beruzabuli.Me musaidizi te nas swahaba to gi amurugu uwo bara? ¹⁹ Kan kun ligo ana gi amurugu diamond kalam te Beruzabuli? Yala takum gi turuju fi juu temunu ya jede umon bija kun kubarina takum. ²⁰ Lakin kan ana gi turuju jini me aju taRabana yala mamlaka te Rabana rasul neitakum. ²¹ Ajol ab te gudra ligo uwo endisi sokolina te dusman okan chunga midan to sokolina to gi kun me amaani. ²² Lakin kan bija ja nowo ajol ab gi sinda uwo me gudra osinda uwo, ogi sulu min uwo sokolina to kulu ab te dusman dukur ogi gesim sokolina to. ²³ Ajol ab ma me ana ya aduyi tayi ajol alma bilim bakan wayi me ana ogi karabu milan ²⁴ Jini kan tala min ajoi, ogifutu fi bakan ab mafogo moyo ligo ogoi gusu bkan te amla safa; okan kosa ogikelem kede ana arja fijuwa tayi ab, ana tala foyo. ²⁵ Okan bya Ja og; ayimu Je kunusu dukur aliguwo. ²⁶ Yala ogiluwa og; Jibu Jini taani Sabaabu batal zaidi futu uwo, mongi dakalu umon gi gayi nai yala mwisho te ayol wede bya kun batal futu abidu to. ²⁷ Wakti tim ligo ogi wonusu wede mariya te kawm arfa ida to okelem gali endi baraka batna aba Ja welendu ita, me suduru ab ita Ja rada. ²⁸ Lakin uwo Ja kelem nowo gali mon endisi baraka anas abbiligo kalam te rabana dukur mon Ja chunga umon mo ²⁹ Wakti kawm lim badum Jambu uwo, Wa bidu gi kelem gali amani wede de amani ab batal gi gusu alama, lakin mabyawedi noumon alama illa alama te yona. ³⁰ Kalam yona Je namna aba kan uwo alama ne anas te Nineeve, ya kaman nyereku te azol bya kun Jede fi karni wede ³¹ Sultan ab mariya ab te (sw) obija wegifu gidam makosa bakan wayi me anas te karni wedede obija singa umon me case: kalam oja tala min mwisho te duniya kede uwo ja faham agil te sulainan; abur ayinu algi singa sulainan ofi in. ³² Anas te Nineevi mon bija yegifu fi makosa bakan wayi me karm wede mon bija sinda case.Kalam umon ja taya kalam nadi te Yona ayinu ab gi sinda Yona ofi in. ³³ Mafi ajol ab gi wala taa dukur ogi kutu fi hufura, aw min juwa te kikapu Ela fi laafa anas ab gi dakalu kede umon ayinu je namna ab gi wala. ³⁴ Taa te gildu taki ya ena taki; ena taki kan bi ayinu kuweesi me gildu taki kulu gi kun amla semsi, lakin kan bi kun batal me gildu taki kulu amla duluna. ³⁵ Yala chunga ita me semsi ab fi fugu ita kede ma kun duluna. ³⁶ Yala kan gildu taki kulu amla semsi ligo omendisi nusu to ab duluna kulu ya amla semsi je namna ab taa gi wala me wala to. ³⁷ Wakti ab kan uwo gi wonusu ajol te Falisaayo nadi uwo kede uwo ja akul akil fibeeyto; dukur odakal ogen fi akil. ³⁸ Ajol te Falisaayo wakti ayinu oshanga kalam ata uwo ma kasulu ida to ma kabla akul. ³⁹ Sidi feena dukur kelem nowo gali itakum nas Falisaayo itakum gi kasul min fo te kubaya me saani lakin min juwa takum amla harami me nya kama. ⁴⁰ Lakin itakum awirin, ajol ab adul min bara uwo ma ya adul min juwa. ⁴¹ Lakin ab fi min juwa kede itakum gi wedi kede gi kun huruma ayin lakin ligo kulu noumon yala kila sokol bija kun nedifu neitakum. ⁴² Ligo badum meetakum nas Falisaayo; kalam itakum gi wedi wayi te ashara min sokolina te samba takum lakin iman me aju te Rabana itakum gi futu min forofu: Wede gi faa neitakum soto, me naade kaman kede itakum deebu ma soto ⁴³ Ligo badum meetakum nas Falisaayo! Kalam itakum aju bambara te min gidam te hafla me selem itakum fisu. ⁴⁴ Ligo badum meetakum! Kalam itakum gi beenu je turuba ab ma gi beenu ab anas gi masi fogo ligo umon arufu ma ⁴⁵ In ya ajol wayi te shariya dukur kelem nowo malin, ita kan kelem jede kelem jede ita gi sitim ladi ina. ⁴⁶ Okelem gali itakum kaman anas te shariyanligo badum meetakum! kala itakum gi arfa anas me sala ab magderi arufa to, itakum sidu itakum ma agder arfa. ⁴⁷ Ligo badum meetakum! Kalam itakum gi abinu turuba te mebiya lakin ligo nas jidi jidi takum yakan ja katul umon. ⁴⁸ Ya jede itakum shahidin itakum gi rudu me kidima te nas jidi jidi takum: Kalam umon ja katul umon, asede itakum itakumgi abin turuba toumon. ⁴⁹ me agil te Rabana ya gi kelem ana bija rasulneetakum nebiya; taanin min umon bija katul itakum aw umon bija gusu wara itakum. ⁵⁰ Domu te nebiya kulu ab kubu min kalagu te duniya, bija asadu karni wede; ⁵¹ Min fi domu te abe ladi fi domu te Zakariya ab ja katul fi ustu te naari ab fi kanisa taasil ana gi kelem neitakum gali bija asadu karni wede. ⁵² Ligo badum meetakum, nas swahaba te shariya! Kalam itakum ja sulu maffa te agil itakum sidu ata dakal ma me anas ab kan aju ⁵³ Wakti uwo tala naaanas te katifu kitaba me nas Falisaayo mon abidu taban uwo zaidi me kati kasma to fi wonusu kalama ab milan. ⁵⁴ Ligo gisteenu uwo fi sika mon aju amsuku uwo fi kalam yoyote ab uwo aju kelem.