¹ Baada te kalama dolde sidi teena dukur nigitu anas taani sebeyin, dukur orasul umon tinen tinen fi gidam to fi ruwa fi kila medina me fi kila bakan ab uwo bi bija ja fogo. ² Okelem noumon gali bija kun amurugumin shanba okede rasulu anas ab bija amurugu akil min shemba to. ³ Ruwa tokum: ayinu, ana gi rasul itakum je yala te kooru gidam morofoyi. ⁴ Mata kum sulu lakiba, sala kan Hema sala kan sukuta matakum selem ajol yoyote fi sika. ⁵ Me kila juwa ab itakum gi dakal fogo, abidu kum me kelem noumon gali, amani kede kun fi juwa wede. ⁶ Kan fi fogo nyereku te amani taki bija kun fuguwo; lakin kan ma yafi jede, bija arja neitakum. ⁷ Gen takum fi juwa ini ligo itakum gi akul itakum gi asurubu sokolina ab jaa wedi neitakum. Kalam ajol ab giso kazi kede wedi nowo hakki to. Okelem gali matakum Min juwa wayi dakal fi juwa taani. ⁸ Me kila medina ab ita bi rasul fogo, dukur kari bisha itakum, akul kum kila sokol ab kan wedi gidam takum. ⁹ Tibu kum ayanin ab fina, kelem kum noumon gali sultan te Rabana ja geeri meitakum. ¹⁰ Ma kila medina ab itakum bi rasul fogo dukur abu karibisha itakum, tala kum fi sika to, wu kede itakum kelem gali. ¹¹ Me vumbi te medina takum kede was kan kura teena, ina gi liju neitakum; lakin faham kum wedede ja mamlaka ta Rabana ja geeri. ¹² Ana gi kelem neitakum gali sodom bija kum me Azaab ab bija kun fogo me subra fi yom naade ligo gi sinda medina wedede. ¹³ Ligo badum me ita kalazin! Ligo badum meita Besusaida! Kalam kalama ab te gudra ab ja so neitakum ka so de fi tuulo me sidon, kan asede kalaumon taya, ligo umon gen me gumasa ab me seretu ab was kan. ¹⁴ Naye lakin tuulo me sidon mon boja kun me azabu ab bija kun me subra fi yom te makosa, sinda itakum. ¹⁵ Me ita kaperenoun, itakaman bija wedi neita heshimaladi fi jana? Bija kutu ita teteey ladi fi kabri. ¹⁶ Ajol ab gi asma itakum obi kun ligo ogi asma ana; ajol ab gi alisi itakum abija kun ogi alisi ana; me azol ab gi alisi ana abija kun ogi alisi sidi ab rasul ana. ¹⁷ Ya anas (70) mon arja me furayi ligo umon gi kelem gali sidi teena, me nas dimond mon gi asma taki. ¹⁸ Okelem noumon gali ana ayini sitan ligo ogi tala min samayi gi beenu je saga. ¹⁹ Ayinu ana wedi neitakum hukum te dusu fi deeba me agarab ab te sumu, me gudra kulu ab te adayi: maji sokol ab agder so ita kum batal sala siya. ²⁰ Lakin wede de matakum furayi fogo kalam nas jini gi asma takum me katifu fi samayi ²¹ Ya fi wakti wede dukur ofurayi fi roho ab nedif okelem gali ana gi shukuru neifa sidi tayi, sidi te samayi me arthi, kalam wede ita fa dusu min anas te agali me anas ab agara me ita fata neyala abduga,: yajede, sidi tayi; kalam ya ja rudu ma gidam taki. ²² Kila Sokol Ja wedi naana me siditayi ; mafi ajol ab arufu nyereku de namna ab uwo fi illa sidi teeno ; sala sika ab sidi teena fogo, lakin nyereku, me nyereku ab uwo aju fata noowo ²³ Dukur ogeeru wagilibuwo ne Swahaba to okelem noumon fi siri okelem noumon gali umon endisi baraka ena abigi ayinu. ²⁴ Kalam ana gi kelem neitakum gali nas ne buja milan me nas sultana mon aju ayinu a bkanitakum aju ayinu, mon maja ayinu; me kalama ab itakum gi asma umon maja asma ²⁵ Yala ayinu ajol alim Shariya Oyegifu ligo uwo gi kabas uwo ogi kelem gali malim, ama kede ana warilthi uzima abma gura kalasi. ²⁶ Okelem nowo gal Ja kafifu kefin fi shariya ita gi agara kefin? ²⁷ Warja kelem nowo gali aju Rabana taki ngelba taki kulu me gelba taki kulu; me jiran taki je namna ab ita aju neita baarraw. ²⁸ Okelem nowo gali ita arja fogo kuweesi; so jede, ita bija kun me afya. ²⁹ Lakin uwo namna ab uwo kan ma aju kede uwo weri nafsi to gal tefoo oasadu Yesu gali Jiran tayi yamun? ³⁰ Yesu aja fogo okelem gali fi ajol ab kan gi tala fi Jerusalem ligo ogi serengeto fi Yeriko dukur owaga fi adduya, mon amurugu gumasa to, mmon dugu uwo lasaya, mon ruwa mon seebu uwo ini ligo ogeeri kede mutu ³¹ Ini ligo kebirdin ligo gi seregeta fi sika wede wakti uwo ayinu uwo osiibu uwo ofutuwo. ³² Me anas ab gi arja wara kubarina te dini uwo ayinu uwo warja seebu uwo oruwa. ³³ Lakin nas Samaliya wakti gi futu oja fi bakan ab uwo kan fi fogo de wakti uwo ayinu uwo wayinu huruma to. ³⁴ Oja geeri mowo, orobutu dabara to, ligo ogi kubu fuguwo dinta me Merisa fi dabara to dukur olifu dabara de me bandage fi juwa dukur osulu jukumu to. ³⁵ Yok taanin osulu sente te silver owedi neajol te diktaari de sulu Jukumu to okelem, wakti ana arja ana bija lipa ita kan bikun ita lisa gi dayi ana. ³⁶ Asede ita gi fekeri sumu, oya yatu fi anas talata de ab kan jiran te ajol wede ab ja waga fi adiya? ³⁷ Okelem gali ajol ab ja so nowo huruma, Yesu ja kelem nowo gali ita kaman kede ruwa so jede ³⁸ Fi wakti ab kala umon giruwa odakal fi karya: Mariya ab asma to Maliza oka ribisha uwo fi bey to. ³⁹ Okan endisi aku to ab gi nadi Marryam, ab kan gi geeri fi bakan ab sidi teena gi geeru fogo dukur wasma kalam to ⁴⁰ Lakin maliza okan fi giso kazi te sokolina kulu ab kan aju kede so oja ne Yesu okelem, sidi tayi akutayi biniya seebu ana kede ana so kidima de kulu ana wayi ita ma gi fekeri kelem nouow kede uwo awn ana. ⁴¹ Lakin sidi teena arja nouwo gali Maliza, Maliza ita endisi wasi wasi ita endisi shida te kalama milan; ⁴² Lakin sokolina ab siya ya aju ya besi sokol wayi ya aju Mary kan nigitu sokol ab kan kuweesi ata ma bija sulu min uwo.