¹ Fi wakti dolde kan fi nas ab fi ina ab ja kelem nowo gali Pirato kalabtu noumon doomu toumon. ² Itakum gi fekeri gali anas te Gahlaaya de umon karaba futu anas te Gahlaaya kulu kalam umon taabu umon jede? ³ Ana gi kelem neitakum gali maya jede kan itakum ma bi so tawba itakum bi keregi jede. ⁴ Aw ana 14 abu juwa waga fi rasu toumon dukur umon mutu itakum gi fikeri gali umon ya anas abu batal sinda anas kulu ab fi Jerusalem? ⁵ Ana gi kelem neitakum ma jede lakin kan itakum maso tawba itakum bija keregi jede. ⁶ Me ajol ab gi wonusu hadith wede fi ajol ab kan endis zaitun ab kan fi samba wakti uwo ruwa kede uwo ligo fawakih min uwo oligo ma sokol yoyote ⁷ Oruwa ne ragi ab sulu jukunu te fawakih okelem, sana talata saade ana kan gi ja kede ana ligo fawalah min seder wede ley gi karabu tura te saki. ⁸ Sidi tayi seebu uwo fi sana wede kede ana kutu fogo kara bagara. ⁹ Kan bijidu fawakih, seme; lakin kan ma jede te bija gata. ¹⁰ Fi yom sebit okan gi alim kawm wadi. ¹¹ Ya jede, ayinu, mariya ab kan kala ja ayan jini sana(18), ligo uwo kongosi ata uwo ma agder agilib uwo sala sakar. ¹² In ya wakti Yesu ayinu uwo onaadi mariya de fi kita ayan taki, ¹³ Okutu fuguwo ida dukur okun seme wabudu Rabana. ¹⁴ Lakin kebir te kawm wakti jalam kalam Yesu poyesha ajol yom sebit warja fogo okelem ne kowm gali fi yom sita kum fi yom taanin de lakin ma yom sebi. ¹⁵ Lakin sidi teena Yesu kelem nowo gali dolde muna fi quin kila ajol wayi min itakum ma gi amurugu lam gaba to min mura, ogi sulu kede ruwa asurubu moyo? ¹⁶ Ya wedede nyereku te Ibrahim ab satan ja go tul uwo, sana(18) otaa ma amurugu uwo min jela wede yom sebi. ¹⁷ Wakti okan gi wonusu kalama dolde aduya to kulu ligo haya: me kawm kulu furayi me kalama ab uwo so ab te hesima. ¹⁸ Ya okelem mamlaka te Rabana gi beenu kefin? Anas bi dugu picha to me sunu. ¹⁹ Gi Yesu ja ena(Haidar) ajol ab kan bi jada fi shamba to dukur raba ja gen laata teeran tefo dukur gi gen foo to. ²⁰ Ya fi jede okelem noumon mamlaka te Rabana ana bi fanana me sunu? ²¹ Gi beenu je sokol ab gi furu mariya ab sulu okutu fi kikapu. ²² Omasi fi medina me medina ligo ogi alim ligo ogi ruwa fi Jerusalem. ²³ Ajol dukur kelem nowo sidi tayi deya anas ab siya ab gi ja hadi umon. ²⁴ Dusman kum zaidi futu fi babu ab deiga kalam ana gi kelem neitakum gali ana milan bija aju dakal lakin umon ma bija arja. ²⁵ Sidu juwa kan kala gum osidu babu dukur itakum yegifu bara me dugu babu ligo itakum gi kelem sidi teena fata neena obija arja noumon ana ma arufu sika ab itakum tala fogo. ²⁶ Dukur kan kala itakum bija kelem ina akul ina asurub fi gidam ita alim fi sika teena. ²⁷ Yala obija kelem neitakum gali ana gi kelem neitakum ana ma arufu sika ab itakum tala: tala kum jambu ana killa ajol ab gi so kalama ab ma nedifu. ²⁸ Na bija kun koore me adi kasma itakum kan bija ayinu Ibrahim me Ishaaka me Yakub fi mamlaka te Rabana, me itakum ligo jada itakum bara. ²⁹ Mon bija ja ligo umon gi tala min to ne min tey me kila sido kulumon bija gen fi mamlaka te Rabana. ³⁰ Ayinu fi anas ab te mwisho abija kun tawlan wu kaman fi anas ab ye mwisho ab bija kun tawlan. ³¹ Fi wakti naade ya nas Falisayo ja umon kelem nowo wasa in ruwa kalam Kerode aju katul ita. ³² Okelem noumon ruwa kum kelem bosom wede ayinu ana gi turuji jini ana gi ponyesha anas naare me saba me yom larba ana bija rasul fi kalam ta yide. ³³ Lakin gifa naana kede ana masi naare me saba me yom talata kalam ata ma agder ne nebbi kereji bara te Yerusalem. ³⁴ Ita Yerusalem, Yerusalem, ita gi katul nebiya ita gi dugu lager anas ab gi rasulu neeta marakam ya ana bilim tala taki, je namna ab gida gi lim yala to fi tete abati to lakin itokum abba? ³⁵ Ayinu juwa takm seebu ligo fogo anas ma ana gi kelem neetakum itakum mabija ayin ana ladi itakumbija kelem gal ajol ab wedi nowo baraka ya ajol ab wedi nowo baraka.