¹ Dolinde ya ab sidi Rabbana jja weeri ne ana. dukur ana ayinu saada(kisero) ab fogo matunda ab nigitu. ² Sidi Rabbana dukur asadu ana gaali, "Amos, sunu ab ita gi ayinu?" dukur ana arija fogo gaali, "ana gi ayinu kasero ab fogo matunda ab negitu" sidi Rabbana dukur kelem ne ana gaali, "wakati te katuulu yaala ta Israeri lasulu. ana bi sama umon ma maritan. ³ "Fi yom dee," ya gi wonusu sidi Rabbana, "juna ta Yekalu bi arija ta singa bi ja gaayi mutu milan meyitin logo kati kulu. bi jja kunu asukutu" ⁴ Asuma kum itakum anas ab gi dusudusu anas ab agider umon ma me anas ab gi katuulu anali ab ta beele. ⁵ Logo itakum gi wonusu gaali "yom ab kebil ab ta shaari ab benu gi kalasu miteni ya ke ina kuusa akil tena ab ta tira me weki gi kalasu miten ya ke ina wuusa gano tena? "itakum gi fanisha mizan ab batali dukur itakum gi zidu sente milan me itakum gi puma mizani ab lasuru ma, ⁶ Itakum ab biyo misikini me feeza me anas misikin. itakum gi biyo umon me pairta geezima, me itakum gi wuuza wasikani fu ngano. ⁷ Sidi Rabbana alifu fu misiya ta Yakobu logo uwo gi kelem gaali, "ana ma guruwa nesitu sokolina ab umon soo. ⁸ "Bele bi rogusu ma kalamdee, me kila ajaooli bi singa ma? beele kulu bi fulu jje koru ta nail dukur negil je moyo ta koru ab ta misiri je gi soo". ⁹ Sidi Rabbana gi wonusu gaali, "fi yom dee semisi bi waaga fu semisi haari me Duniya bi kunu duluma mi naari asili. ¹⁰ Joozu takum ta dini ana bii geeru joozu ta singa me guna takum kulu bii arija ta kore. itakum kulu ana bii kuu ke itakum lebisi gumasa ab me seretu seretu me surasu takum ke itakum zenu. fi yom dee ana bii geru jje ta yom ab ta singa ta nyereku waayi ab ta yuwele bara, me misho to bii kunu muuru zayidi. ¹¹ "Wakati gii jja, "ya gi wonusu sidi Rabbana, "ab ana bi ligu jani fu beele kulu, bii kunu ma jani ta akili awo ta sokoli asurubu, lakin bii kunu jani ta kabari ta sidi Rabbana. ¹² Anas bii gusu tala fu bahari wayi arija fu bahari tan, ke umon tala fu ida sumali arija fu idda yomin logo umon gi gusu wonusu ta sidi Rabbna lakin umon bii ligo ma. ¹³ "Fu wakati dee," baana ab asasin me wele ta gudra bii kemin kalam sitan moyo. ¹⁴ Umon ab gi alifu kalama ta haaya ab ta Samaliya awo anas ab gii alifu kelem gaali, ye Rabbana taki je fi haayi, awo gaali, "je Rabbana ta Bersheba je fi haayi, umon bii waaga arija guma ma maritani"