¹ Ya jede dukur ana ayinu sidi Rabbana logo uwo yegifu fu torofu ta naari, dukur uwo wonusu gaali, "dugu rasu, babu ke rogusu, me ke umon kasulu kasulu fu raasu te anas dee kulu, me ana bii katulu me sayifu fu misho te umon mafi fu umon ab bii jere me mafi fu umon ab bii poona ata wayi. ² Salakum umon afuta dukur jeere fu kaburi, idda tayi bii amurugu umon, salakum umon ja panda fau ta fau ana bii naaga umon. ³ Salakum umon dusu umon fi gaala ta carmel, ana bii gusu umon ke ana amurugu umon mi na salakum umon dusu umon munguwa ta bahari ana bii kelem ne debiba ke adi umon mini na. ⁴ Salakum aduyi sulu sayifu ke katuulu umon mini na .me ana bii kutu ena tayi fogo umon kalam gibu ne umon batali lakin ma seme. ⁵ Me sidi Rabbana ta asikariya ab gii amsuku fu beele dukur saayi anas too kulu ab gii gaayi fogo ligo singa, beele kulu dukur fulu jje ko ta nail dukur nezil je moyo ta kooru ta misinji. ⁶ Weede ab ja abinu bayi too ab seme zayidi fu samayi, tubu to dukur gayi fu duniya, ab gi naadi moyo ta bahari, dukur uwo kubu fu duniya sidi Rabbana ya asuma to. ⁷ Sidi Rabbana gi zidu uwo logo gi kelem gaali, "itakum anas ta Israeri itakum ma jje anas ta Ethiopia ne ana? ana jja ma amurugu itakum fu beele ta misiri jje ana ja amurugu nas Bafirisuuti fu caphtor, me syrians fu kiri?" ⁸ Fu ta asili, ena ta sidi Rabbana gi ayinu sultan ta karabu. ana bii keregi dukur setetu taala fu beele lakin ana bii keregi ma kulu juwa ta Yakobo fu kalasu kulu," ya gi wonusu sidi Rabbana. ⁹ "Kalam ana bii weedi kabari. juwa ta Israeri bii yizuyizu fu beele kulu, je akili ta tiira jje gi keeyi keeyi me keyi keeyi me mafi sokli ab bii waaga falita. ¹⁰ Karabu kuulu fu anas tayi, umon bii muutu me sayifu anas kulu ab gi wonusu gaali batali bii lasuru fogo ina ma" ¹¹ "fu wakati dee ana bii arija juwa ta Dawudi ab ja waaga me ana bii aduulu bakari ab jja kasulu kasulu, dukur arija ab kan fi saaki dukur gayi jje kan fi, ¹² Ya ke umon sulu nusu ta Edom ab jja fadulu me beele kulu ab ana jja naadi ke gaayi anas taayi;" ya gi wonusu sidi Rabbana uwo bija soo sokolina dee kulu. ¹³ "Yom gi ja "ya gi wonusu sidi Rabbana "ab gii kurugu bii lasulu fu ajoli ab gii amurugu fu samba me uwo ab gi dusudusu zabibu ke lasuru fu ajooli ab gi agira tira, me gaala bii naaga mirisa ab hiiru, me gaala kulu bii saayi. Me dukur ana bii arija anas tayi ta Israeri tala fu beele yala umon bii abinu medina abujja sibu dukur umon bii gaayi foo, me umon bii agira samba ta zabibu dukur umon bii asuru bu mirisa to me umon bijja kurugu samba dukur akulu matunda too. Me ana bii agira umon fu beele ta umon me bii amuta umon ma maritani fu beele ab ana wedi ne umon ya gi wonusu sidi Rabbn