¹ Wede ya sidi Rabbana ja weri ne ana .uwo kan gi adulu komuta nsenene ku barin (nzige) fu katulu solina fu samba ab ja kurugu, ya logo umon. lisa amurugu solina ta samba ab milan, sultan sika gi ligo kogo musolo. ² Enzige saa ab ja akulu kila akili ab kan fu samba ab haayi, dukur ana kole gaali, "sidi Rabban, sama anas taki ana gi asadu musaama Yakobu bi yegifu kefin logo uwo sakari" ³ Sidi Rabbana bakan ab uwo ja asuma koredde dukur geru fikira to dukur uwo kelem gaali, "wede bi gaayi ma." ⁴ Wede ya sidi Rabbana zidu uwo fu weeri ne ana uwo kan gii aduulu fu karabu anas me naari. ja akulu bahari ab kan fi falita ta duniya ladi kalasu fu duniya. ⁵ Dukur ana koore gaali, "ayi sidi Rabbana tayi ana gi asadu musama ke ita amsuku singa fu anas taki! Yakobu bi agider kefin fu fadulu? mali uwo sakari zaidi!" ⁶ Bakande saa ab sidi Rabbana asuma kore dee, dukur geru fikira too. dukur uwo kelem gaali, "me weedi bi kuutu ma" ⁷ Dukur sidi Rabbana weri ne ana faata tan. dukur ana ayinu sidi Rabbana logo yegifu fu tubu ab abinu seme logo adu uwo me logo sidi Rabbana amsuku birigi fu idda too. ⁸ Sidi Rabbana dukur asadu ana gaali "Amos, ita gi ayinu suunu?" dukur ana arija fogo gaali, ana gi ayinu birigi sidi Rabbana dukur kelem ne ana gaali, "ayinu ana kutu birigi fusutuanas tayi Israeri ana bi arija ma geru fikira tayi fu adabu umon. ⁹ "Bakan ab ta muhimu ta isaaka bi keregi me bakan ta israeri a nedif bi arija saaki(matongo), me juwa ta Jerobowamu ana bi dusuman mo me swayiru(ekitara)" ¹⁰ Bakande Amaziya rasulu ta Bethel ligu ne sultan ta Israeri, Jerobowamu, kabari logo uwo gi kelem gaali, amose gi jaribu gata ne ita kalam fusutu ta Israeri asili. bele weza ma rudu kalama too" ¹¹ JJe ya Amos gi wonusugaali, 'Jerobowamu bi mutu me sayifu (kitara), me israeri bi sulu umon fu jela ke umon taala fu bele ta umon" ¹² Bakande Amaziya dukur weeri ne amos gaali, "taala ite ajooli te ayinu. arija fu bele ta Yuda ya ke ita weedi na nabbi, ke ita ligo na musaaa taaki. ¹³ mata wedi nabbi, ini fu Bethel mantan kalam wedi bakan ta sultan me bakan te abudu nas. ¹⁴ Amos dukur kelem ne uwo gaali, "ana kan ma nabbi awo nyereku te nabbi ana kan gi ruda koru me kan gi ayinu wara laata syramore. ¹⁵ Lakin sidi rabbana ja amurugu ana fu kurunda kooru dukur kelem ne ana gaali "ruwa weedi nabbi fu anas ta israeri" ^{16 17} "Sidi Rabbana ya kutu uwo arija ne ita gaali "mariya taaki bi arija malaya fu medina me yala taaki baana me weele bi katulu me sayifu(kitera). tura taaki bi gesimu dukur weedi ne anas tan ita kaman bi mutu fu beele ab nedif ma me anas ta Israeri bi sulu umo fu geera ke amurugu umon fu beele ta umon