¹ Ligo itakum anas ab gi fekeri ma fu Sayuni, me anas ab gii asuma raha fu gala ta samaliya. itakum lujala ab ta hisima ab ta bele ta amuri, anas ta Israeri ab gi gileseegu fogo. ² Ruwa kum ayinu calmeh; talakum me ruwa kum fu hamatih ab ta gudra kaman negil kum fu mdina ta Bafirisuuti ta gazi. umon gi singa sultan takum ab tinin? bele ta umon gi singa bele takum fu kebil? ³ Ligo itakum ana ab gi kutu yom ab batali booyi dukur jibu bambara ab ta amuri batali, ⁴ Itakum gi teki itakum fu sida ab ja soo me masanga dukur amula safa fu bambara leeyini logo itakum gi akulu laamu ta kolu me nyereku lamu ta bagara ta dikin ⁵ Dugu kum ne rungara je Dawudi ja dugu, dukur gusu guna lungara. ⁶ Itakum gi asulub waini, dukur masa dikin ab seme, lakin itakum gi kole ma taban ta Yusuf. Furas jede itakum ya bi abidu ruwa ⁷ Anas jede itakum ya bi abidu ruwa fu jela me jooza taaku me amula saafa takum bi kooma. ⁸ Sidi Rabbana te askariya alifu, sidi Rabbana ab agidere kulu gi kelem gali, "ana fataran me sakaran ta Yakobu ana gi aba gate to me ana gija wede medina me kila sokoli ab fogo ne aduuyi too." ⁹ Me kan kan lujaala ashara faduulu fu juwa kulu kan bi muutu. ¹⁰ Me kan kan ajoli ta bay ab gii soo fu kalama ta dofunu, uwo bi kuunu logo uwo gii tala laduru dukur asadu awo kan fi ajaoli ab dusu uwo fi juwa, awo logo uwo fi ajooli ab uwo dusu uwo me uwo, dukur uwo arija fogo gaali, "naata" bakandi ajol ab gi dofunu bi komesha uwo logo uwo gi wonusu gaali "asukur ne kema wonusu fu asuuma ta Rabbana" ¹¹ Ayinu sidi Rabbana kelem, juwa ab kebil me sakari kulu bi kasuulu kasuulu. ¹² Agider uwo faras fu jere fu lageeri? saayi kan fi ajooli ab gi kuruju fu lageeri me muloodo ab gi juru me bagara? lakin asili itakum arija je dawa katulu me matunda ta nedif dukur itakum arija je muru. ¹³ Itakum gi sifa itakum ta saaki gaali itakum ta gudra kalam itakum jja sulu medina lode bari itakum gi wonusu gaali "ina ma ja sulu karaium me gudra teina" ¹⁴ Sidi Rabbana te askariya gi te kelem gaali, "ana bi ligu ne itakum ke rumba itakum itakum juwa ta israeli! bi alisi itakum yom kulu tala fu lebo haman lasuru fu medina ta arabah"