^{2 1} Asuma kum anas ta israeri klama ta singa ab gi amsuku fogo itakum. "Israeri ab vagin waga falita arija guma ma maritan sibu uwo me ajoli ab gi kutu uwo gi gumu." ³ Ya gi wonusu sidi Rabbana gali, "medina ab gi wede dusumana elifu miya fu ruwa fu dusumani bi fadulu me miya bara, me ab gi ligu miya bi arija ashara bara!" ⁴ Ya gi wonusu sidi Rabbana fu juwa ta Israeri gai, "gusukum ana yala itakum bi kun hayi. ⁵ Matakum gusani fu besheni me matakum ruwa fu Gilgaali salakun ruwa fu Belsheba. kalam anas Gilgaali bi sulu umon fu gela me Belsheli bi kalasu. ⁶ Gu sukum Rabbana itakum bi gayi hayi ke uwo ma faga je naari fu juwa ta Yusuf, bi aragu uwo logo mari ajoli te katulu fu Besheri. ⁷ Itakum anas ta Israeri ab gi geru adil fu kuni ma logo itakum gi taban nedif. ⁸ Umon ab ja soo seme ab fi fu nezima ab gi wala je ebizugirizi me ab gi geru duluma fu gayi minsubu me ab gi geru yom fu tala fu semusi fu arija fuleli, uwo gi naadi moyo ta bahari dukur kubu fu bele je matara, sidi Rabbana ya asuma too. ⁹ Gata ena me fata uwo gi gibu keregi ta gudra me uwo gi katulu medina ab fogo gate. ¹⁰ Itakum gi aba anas ta gata kesi te adil me itakum gi alis anas ab gi wonus kalam b adil. ¹¹ Ita bii gi dusudusu misikin dukur ita gi asuru fu wedi neeta akil je musolo. salakum itakum abinu ne itakum juwa ta lageri, itakum bi gayi fogo ma; me salakun itakun agira saba ta zabibu ab seme, itakum bi asuru fu wayini too. ¹² Karabu takum ana arufu je milan dukur ta shanga. itakum gi asuru anas ab nedif dukur itakum gi akulu banja misikini itakum ma gi gata case fu adil. ¹³ Furas je kila ajoli ab endis agili bi asukuru me asukutu fu yom je dee kalam yom wakati batali. ¹⁴ Gusukum soo seme mati batali itakum bi kunu hayi! ya gede sidi Rabbana ta askariya bi kunu usaidi takum je kila yom ab itakum gi nadi uwo. ¹⁵ Aba ku batali, me bakan ta gata case ke gayi me adil awuma sidi Rabbana askariya bi amsuku singa fu anas dee ab ja fadulu fu Yusuf. ¹⁶ Furas jede ya gi wonus sidi Rabbana ta askariya gali, "bija kunu mwawu mivu fu sika me kolu fu kila duula ta medina. me anas ab gi kurugu bi nadi ke umon kole, me anas ab gi dofunu ke dugu keleleta fau. ¹⁷ Bija kulu kole fu kila samba ta zabibu kalam ana gija futu fu usutu takum" ¹⁸ Ligo itakum anas ab gi sitenu yom ta sidi Rabbana? yom dee bi gayi duluma lakin ma semisi. ¹⁹ Yom dee bi gayi je ragi ab gi jere simba dukur ligo edubu (bear) awo kan kani uwo gi dakali fu juwa dukur amsuku tubu, dukur deba adi uwo. ²⁰ Yom ta sidi Rabbana bi kunu ma duluma logo fogo ma semisi atta siya je duluma ab amsuku zaidi? ²¹ Ana gi aba me ana gi alisi gozu takum me gozu takum ta dini me ana gi furayi ma fu limu badu takum. ²² Ya je salakun itakum wedi nana sadaka takum ab me aragu me sadaka takum ab ta akil ta tira, ana bi rudu ma, salakun itakum jibu sadaka takum ta raha ab singa fu seme ana bi rudu ma. ²³ Amurugu kum guna takum ta sifa ana bi asuma ma rungara takum. ²⁴ Sokoli ab ana aju ayinu ya adil me asil ogo gi kubu je moyo, me nedif takum logo gi kubu je kolu ta gudra. ²⁵ "Itakum ja jibu ne ana sadaka me sokoli wedi fu pengele sana kulu arubeyin ita juwa ta Israeri. ²⁶ Itakum aligu si kuyich sultan takum, me chuini Rabbana takum me nezima Rabbana takun ab itakum ja soo ne itakum. ²⁷ Yaa kutu ana bi ligu itakum u jela futu Damasiko," ya gi wonusu sidi Rabbana ab gi nadi ab agi deeri kulu.