¹ Asuma kum wede itakum bagala abuta Basan ab gi gai fu gala ta samaliya itakum nyuswana ab gi alis misikinin dukur gi asuru misikin, me umon gi kelem ne nas ragiya ta umon gali, gibu kum nena sokoli asulub" ² Fu nedif ta sidi Rabbana ab kalagu uwo alifu gali, fi wakati gija ab gija juru itakum me malobo, me anas ab bi gai ta misho fu itakum bi juru umon me malobo ab ga musuku samaga ³ Bijuru itakum tala fu juwa takum dukurjada itakum bara logo gi futu itakum fu rufula ab faga fu buggwe, gi jada itakum fu kalumon ya gi wonusu sidi Rabbana ⁴ Yala itakum nuwakum fu Beseri sokum na sokolina ab nafa ma, me ruwa kum me Girugali zidu itakum fu soo batali wedi kum sadaka takum kila min subu me( kimu kyekumi) kila sana talata. ⁵ Wedi kum sadaka ab ta shukur ab ta mukaati (egizimbulukusidwa) naba kum sadaka ab itakum anas ta israeli kalam de ya itakum aju" sidi Rabbana ab agider kulu ⁶ Ana ja jibu ne itakum jalan batalia takum dukur kun saki fu kila medina, dukur wenekum ma sokoli akulu fu kila medina, Lakin itakum zidi aba fu ja sika ana fi" ya gi wonusu sidi Rabbana. ⁷ Dukur ana aba ne itakum matara logo lisa fadulu shari talata amur sokolina fu samba ke lasur. Dukur ana kutu matara ke waga fu medina wai dukur ana ab fu tan. ja waga fu samba wai dukur fu tan waga ma kili fu samba dukur nisabu. ⁸ Anas dukur tala fu medina wayi dukur ruwa fu tan logo umon gi gusu moyo ke umon asurub, lakin wo dulu ne umon, lakin furasi jede itakm arija ma ne anas" ya gi wonusu sidi Rabbana. ⁹ mara milan akili ta samba takum me samba takum ab ta zabibu ana kutu fogo bigenge. ana jibu fogo ayan enzige kaman akulu mitin ta umon me zaituni takum, lakin itakum arija ma ne ana," ya gi wonusu sidi Rabbana. ¹⁰ Ana ligu ne itakum kawumpuli je ab ana ja ligu fu misisri wele takum ana katulu fu dusuman me ekitala bakan wai me faras takum ab itakum ja nyakum afini ta lusisira takum dukur utu zaidi lakin itakum aba arija ne ana" ya gi wonusi sidi Rabbana. ¹¹ "Ana ja keregi wai fogo itakum je ana ja soo ne sodom me gomola dukur itakum gayi je aga ab amurugu fu naari lakin itakumaba arija ne ana," ya gi wonusu sidi rabbana. ¹² Ya kutu ana bija soo ne ita jede Israeri, me ana bi zidu ne ita taban furas jedi adulu ita fu ayinu sidi Rabbana taki ita Israeri." ¹³ Kalam ayinu, uwo ab ja kalagu gala me uwo kalagu lobu me uwo gi fata fikira ta azoli ne uwo. uwo ya gi geeru munsubu fu gayi duluma me azoli ab gi dusu bakan ab ta gudura ta duniya sidi Rabbana te askariya ya asuma too.