¹ Tchapiteko momutenha wotchachapalo, Yesu nkhu matetekana mepi liotiliku ya ovalongua vae nkhu mavateya omapungu, okutetula nomavoko ya otcho mavali oyonphulu. ² Ya pae ovafalicheu vamu avatia: Ongapi onue mamuningi otchipuka tchei hatchiningua motchachapalo? ³ Yesu evtavele okutia: Kumuyatanga tcheinha Ndjiavity nkhu aninga tchei nkhu ovanthu nae venontchala? ⁴ É ahiti mondjuwo ya Huku, akuata ombolo endji nkhu yanhemba ku Huku ali ya apawo ombenha nkhu venae. Ya ovatuita ovopé nkhu vatokala okulia ombolo endjo. ⁵ Ya Yesu atia: Onde Yomuzhiu Ótate Kulu Yotchachapalo. ⁶ Ya tchapiteko kotchochapalo otchikuawo, Yesu aende té kochinangonga ya alongegefha ovanthu. Ya pueinha nkh pena omuzhiu umu engu okuwoko kuae okulimioko kualemana. ⁷ Ya ovakilipa novafhalicheu avatale Yesu popei, vatale okutia É nkhe nge mahakula omunthu motchitenha tchotchachapolo mokonda nkhu mavayeve omahitilo okumunamikila. ⁸ Mokonda Yesu nkhu ei tcheinha owo nkhu mavatutu, ahele omuzhiu engo alemana okuwoko okutia: Kulama ya ka pokati kaomba avehe, ya pae omuzhiu akulama ya aka akulama. ⁹ Pae Yesu atia: Ami mimupula: Motchachapalo tchaviuka okuninga otchiwa ine tchaviuka okuninga otchivi? Okuyovola omunhu umu ine okuleka? ¹⁰ Yesu atala komba nkhu vepontheyae ya ahele momuzhiu okutia nhanumuna okuokokoe. E etchiningi ya okuoko kuae akuka nawa. ¹¹ Ya tcho atchiveningi navi, ya avatefha onkhango poluawo tcheinha nkhu nge mavaningi Yesu. ¹² Tchapiteko kovitenha embinha, Yesu aende konphunda ekelikuambele. otchituiki atchihe, É atuatuako nokulikuambelea ku Huku. ¹³ Tchikuatcha , É aifhana ovalongua vae evepa ena liovapostolos. ¹⁴ Omana ovapostolos nkhu atiwa: Simau, engu É emupa ena lia petulu, ya omuangowae Andele, Tiaku, Ndjuau, Filipi, Batolomeu, ¹⁵ Mateus, Tome, Tiaku onde yaufeu, Simau engu nkhu aliwa Zelote, ¹⁶ Junda, onde ya Tiaku eya na Junda Iscaliota, engu akatchituka otchita. ¹⁷ Pae Yesu apundu nawo komphunda ya avaka pua patundumana nawa, pua nkhu pena ovanthu ovengi wovalongua vae, ya novanthu wokochundeya nokocheluchale, nowokotilu ya nowodon. ¹⁸ Owo vezhile okuaya okutelela Yesu ya nokuya okuhakulua komauvela awo. Ovanthu omba nkhu vahitua noyonpphepo oyombi nawo avauhakulua. ¹⁹ Ya ovanthu avehe nkhu vahanda okuvizha Yesu mokonda Mue nkhu mamulu oyonkhono ya É nkhu mahakula avehe. ²⁰ Ya pae Yesu aleuke kovalongua atia: Ovapopiwa nawa onue omba muli ovahepi mokonda otcheni Oumbala wa Huku. ²¹ Ovapopiwa nawa onue omba pahe munundjala mukonda mamukekuta. ovapopiwa nawa onue omba mamulili mokonda mamukayola. ²² Mamukapopiwa nawa pua ovanthu mavakaela otchita ya nokumuifhapo, ya nokukemutoya ya nokukahatavela ena lieni ngotchivi, mokonda Yonde Yomuzhiu. ²³ Lemueni kotchitenha tchatcho tcho ya topokeni nehambo, otchatchili onue mamukaninga ofheto imu onene keulu, mokonda ovakulu vavo nawo otcho vaninge gatchi oyopolofeta. ²⁴ Pae otchiho tchikonue omba pahe muli omalombe! Mokonda muatambula kaya ouhona weni. ²⁵ Otchiho tchikonue onue omba pahe muekuta! Mokonda mamukakondja nondjala. Otchiho tchikonue omba mamuyolo pahe. Mokonda Mukaka moyohali ya mamukalila. ²⁶ Otchiho tchikonue omba pahe mamupopiwa nawa! Mokonda ovakulu vavo nawo otcho vaninge ngatcho oyopolofeta ozhonkhu. ²⁷ Ami mimuhe teleleni: holeni ovitavieni ya ningeni nawa ombenha havemule. ²⁸ Vepeni okano ombua ya likumbeli kombenha vemunamikila. ²⁹ Umu ngekuvete olupanda lumu, Mupa vali lumu, Umu ngatchindi ngatchindi okopayoe imu, homulapele otunika. ³⁰ Umu nge kukumbu otchipuka mupa. Umu ngantchindi tchi tchanhemba kove nge hotia vali ngatchiye. ^{34 31} Tchi muahanda mutchinigue, tchiningeni ovakueni. Ngamuhahole pe ombenha vemuhole otchiwa patchi mamukapewa? Hinde novaningi vanavi vahole pe omba vevehole. ³² Ngamuningi pe otchiwa kombenha vemuniga otchiwa, otchiwa patchi tchi mamukapewa? Hinde noviningi vanavi nawo otcho vaniinga. ³³ Ngamulevafha pe kombenha mutchi okutia mnge metutchunifhile, eló patchi mamukapewa? Hinde novaningi vanavi valevalefha kovaningi vanavi ya vakevela okupakueapo lumu ngaimbhi alevalefhe. ³⁵ Pae holeni ovitavieni, viningeni nawa ya veandjeleni ya homukevele vali okutchunifhilua, ya ofheto yemi maikela vali onene. ya mamukaela oyondele wa Huku, mokonda nokovaningi vanavi nokovaningi vanawa É omuwa. ³⁶ Ningeni onkhenda, ngatchi ho yeni nae enonkhenda. ³⁷ Hamukeyefha, naónue opo hamukakoyefhua. Hmuiki naónue opo hamukaikua, eveleni naónue mamukavelua. ³⁸ Andjeni naónue ya naónue mamukapewa. Mamukatambu onkhenda, ombua tchi tchayela nawa matchieta oulombe. Mokonda pueinha mamupe ovakueni naónue opo mamukapevelua. ³⁹ Pae Yesu evele omuheti okutia: Omupotchui nge matchindi omupotchui omukuavo? Okutia ngetchiningi avehe nge kawa metoto? ⁴⁰ Omulongua umu hamunene komulongefhe wae, ya pua alongefhua nawa uka ngomulongefhi wae. ⁴¹ Ya palatchi umuna otchitozhi tchi tchimeho liomukueni, ya ohomumuno tchi tchimeho lior? ⁴² Ongapi nge mupopi omuanguoe: Muangu wange ndjikuifhe otchitozhi tchi tchimeholior, pua ove lumu homumunu otchitozhi tchi tchimeholioe? mulivelelefhi! Poupe ifhapo otchitozhi tchi tchimeholior, pó mumunuko nawa otchitozhi tchi tchimezho liomuango woe. ⁴³ Kutupu omuti omuwa nge mauningi ounhango omuvi, kutupu omuti omuvi nge mauningi ounhango omuwa. ⁴⁴ mokonda omuti uzhimbukilua kounhango wawo. Kutupu engu nge manhanga omahipua komuti womakete, pamu ouva kochacha. ⁴⁵ Omuzhiu omuwa, kutcheinha tchi mombungo uifhamo otchiwa, ya pae otchivi tcheinha tchi mombungo yae tchieta tcheinha eli otchivi kokuti; Mokonda otchinhu tchipopia tcheinha tcheyula ombungo. ⁴⁶ Ya omgapi mundjifhana okutia Tate kulu Tate kulu ya kamute tcheinha ami mimuhele? ⁴⁷ Avehe ombenha veya kuami ya avatelele oyondaka zhange aveitezha, Ami mikemuhela tcheinha akala: ⁴⁸ é otcho otchongo muzhiu engu pokutunga odjuwo yae, wafhula okuhitifha kohi nolichechi kombanda omawe. omande avete noyonkhono mondjuwo, oyo ahamaiteka mokonda yatungua nawa. ⁴⁹ Ya pae inguinha atelela ondaka yange ya ehemeitezha, otcho muzhiu umu atunga ondjuwo kohi, haina olicheche. Tchi omande eya omphupa avete unene mondjuwo, ya aitunguluka unene.