¹ Hasa nina al gowin kede ihtemil dof ta na al deifin, wa kede nina ma hibu le anfusina. ² Kede kulu wahid min nina amulu jeran towo farhan, le hajat al kuwes, ashan bi abinu huwo. ³ Lianu Yesuah kan ma hibu nefsa towo lakin kan bes ze ma katibu, Sitima ta nas al bi Sitimu inta bi waga le ana. ⁴ Lianu ai haja al kan katibu, katibu ashan bi alimu nina, ashan be wasat ta sobur wa be wasat ta teshjii ta kutub nina bi indu raja. ⁵ Hasa kede Allah ta sobur wa ta teshjii kede kutu inta kede geni fi nefsa fikira ma kulu baad takum ma baa hasab alMesi Yesuah. ⁶ Kede huwo amulu de, ashan bi wahid fikira intum bi shukuru aw bi mejidu Allah al Abu ta rahma ta ina Yesuah al Mesi. ⁷ Ashan kida gabilu takum baad ma baad, ze ma al Mesi gabilu intum le mejidu Allah. ⁸ Wa ana bi kelimu gali Yesuah amulu kadam ta khitan ashan hagiga ta Allah, ashan bi asbit waad al wodi le aba. ⁹ Wa le nas umam kede humon mejidu Allah, ashan rahma towo ze ma katibu; ashan kede ana bi shukuru isim taki fi wasat ta umam wa bi guna wa mejidu isim taki. ¹⁰ Kaman tani mara kelima, ya umam kede intum afrahu ma nas towo. ¹¹ Wa kaman tani mara, mejidu Rabuna intum kulu ya umam. Kede nas kulu shukuru aw mejidu huwo. ¹² Tani mara Isaiah kelimu; Juzur ta Yesibi ja, zol al huwo arfa ashan bi hukum al umam, bi indu raja fi huwo. ¹³ Hasa kede Allah al ta raja mala intum be kulu farah wa salam fi iman. Ashan be guwa ta roho al kudus intum bi indu raja. ¹⁴ Ana be nefsa tai ana arufu intum, ya akuwana tai wa arufu kaman gali intum be nefsa takum maliyanin ma hajat al kuwes. maliyanin ma farah, ana arufu kaman gali intum bi agder sheja baad takum ma baad. ¹⁵ Lakin ana bi katibu le intum aktar bi sheja hajat ashan bi zekiru intum tani mara. ashan neima ta Allah wodi le ana. ¹⁶ Hadiya de huwo ashan ana bi kun kadam ta Yesuah al Mesi al rasulu le umam, ashan bi kun ze kahin ta beshiru injil ta Allah, ana lazim bi amulu de, ashan zebiha ta nas umam bi kun mukadas wa mogbul be Roho al kudus. ¹⁷ Ana bi dala fi al Mesi esuah ashan kidma tai le Allah. ¹⁸ Lianu ana ma bi wonusu ai haja, ile haja al Mesi kamilu be wasat tai le ihteram ta umam. De hajat al amulu be kalam wa amal. ¹⁹ Be wasat guwa ta mojizat wa ajayib, wa be wasat ta guwa ta Roho al kudus. De ashan hata ana min Orshelim wa haulOrshelim wa lahadi Elirikun ana lazim bi kamilu beshiru Injil ta al Mesi. ²⁰ Wa be teriga de, niya tai kan ashan bi beshiru Injil. lakin ma fi mahal al arufu Yesuah be isim, ashan kede ana ma abinu fi asas ta zol tani. ²¹ Huwo ze ma huwo moktub; Le nas al ma wori kabara towo le humon, wa nas al ma asuma bi fahim. ²² Lianu abusu ana ashan kede ma ja le intum ketir marat, ²³ Lakin hasa ana biga ma indu mahal fi beled de, wa ana bi fekiru shedid wa le Samawat ashan bi ja le intum. ²⁴ Ana kan deir ashan bi aynu intum kan ana bi ruwa fi Ispaniya. wa ashan intum bi saudu ana fi momoriya tai le hinak, ze ma kan ana bi genima intum shuwiya. ²⁵ Lakin hasa de bi ruwa le Orshelimashan bi ligo musaada le mominin. ²⁶ Ashan kan nas ta Makadoniya wa Akhaiya haja al kuwes humon limu toburuwat le nas al masakin wa mominin al kan fi Orshelim. ²⁷ Naam de kan farah tomon, wa bel hagiga de duyun tomon, lianu kan umam limu sawa fi hajat tomon ta Roho, bi kun kuwes shedid kan humon kaman limu sawa fi hajat tomon al ta jisim. ²⁸ Ashan kida ana kalasu shokol de, wa ana mutuakid gali humon istelimu haja al kan limu de, ana bi selimu intum fi sika kan ana bi ruwa fi Ispaniya. ²⁹ Ana arufu gali kan ana ja le intum ana bi ja maliyan be barakat ta al Mesi. ³⁰ Fa ana bi asalu intum, ya akuwana tai, be wasat Rabuna Yesuah al Mesi, wa be muhaba ta Roho al kudus, kede intum jahidu sawa ma ana fi salawat min ajil ana, le Allah. ³¹ Seli takum ashan Allah bi saudu ana min nas al ma mominin al fi Yahudiya. Ashan kede kidma tai fi Orshelim bi kun mogbulle nas al ma mominin fi Yahudiya wa ashan kidma tai fi Orshelim bi kun mogbul le mominin. ³² Seli takum ashan be wasat irada ta Allah ana bi ja le intum be farah, wa ashan ana sawa ma intum bi ligo raha. ³³ Kede Allah ta salam geni ma intum kulu . Amin.