¹ Ana bi wodi wosiya le intum be kalam ta ukut ta nina Fibi, al kadam fi kenisa ta Kankhariya. ² Ashan intum bi gabilu huwo fi Rabuna, ze ta kedisin. Wa saudu takum huwo be ai musada al kan huwo deir, lianu huwo saudu nas kutar, wa kaman huwo saudu ana. ³ Selim takum le Priskila wa Akila al nina al nina ishtakal ma humon sawa fi Yesuahal Mesi. ⁴ Al humon kutu haya tomon fi khatar ashan haya tai. ana wodi shukuran le humon, wa ma bes ana barau, lakin kaman kulu kanais ta nas umam. ⁵ Selimu le kenisa al fi bet tomon, selimu le Abainitus sabi tai al huwo yau awel samar ta Asiya te Mesi. ⁶ Selimu takum Mariyam, al kaman huwo ishtakal shedid ashan intum. ⁷ Selimu takum le Andronikus wa Yuniyas nesib tai, kan sijinu huwo ma ana. Rusul kulu bi aruf humon tamam, humon gidam min ana fi Mesi. ⁸ Selimu Ambiliyas sabi tai fi Rabuna. ⁹ Selimu le Urbanus al bi ishtakalsawa ma ninafi al Mesi, wa Istakiyos sabi tai. ¹⁰ Selimu Ablis al sedequhuwo fi al Mesi. Selimu takum le nas kulu al fi bet Aristobulus. ¹¹ Selimu Hirodion nesib tai, selimu nas bet ta Narkisus, al humon fi Rabuna. ¹² Selimu Trifina wa Trifosa, al humon ishtakal shedid fi Rabuna, selimu Bersis al huwo sabi tai al huwo ishtakal shedid fi Rabuna. ¹³ Selimu Rufas al Rabuna ikhtar, wa uma towo al kaman uma tai. ¹⁴ Selimu Asinkritus, Filigun, Harmas, Patrobas, Harmis, wa akuwana al ma humon. ¹⁵ Selimu Filologus wa Julia, wa Nereus ma ukut towo, wa Olimpaswa kulu al mominin al fi ma humon. ¹⁶ Selimu takum baad takum ma baad be gubla al mukadas, kulu Kanais ta al Mesibi selimu intakum. ¹⁷ Hasa biga ana bi asalu intum ya akuwana, ashan bi fekirkalam ta nas al bi jibu tefriga wa bi gofulu sika, humon bi tala bara min taalim al intum alimu, tala takum bara min umon. ¹⁸ Lianu shikil nas del humon ma bi akhdim Rabunata nina al Mesi, lakin batna tomon. be batna tomon wa kalam al kuwes, humon kabasu gulub ta nas al abriya. ¹⁹ Lakin shokol ihteram takum wa kabar takum wosulu le ai zol.ashan kida ana mokosut,min intakum, lakin ana deir intum bi kun negitin fi haja al kuwes, wa intum bi kun nedif min hajat al ta kaiya. ²⁰ Wa be sura Allah ta salam bi kasuru shitan tehet kurein takum,Kede neima ta Rabuna ta nina Yesuah al Mesi kun ma intum. ²¹ Timatayo al nina bi istakal sawa ma huwobi selimu intum wa Lokiyos, Yason, wa Sosibatres nesib tai. ²² Ana Tertius yau katibu risala de ana bi selimu intakum kulufi Rabuna. ²³ Gaius, al fadalu ana wa kaman fadalu kenisa kulu, bi selimu le intum, Arastus amin maliya ta medina kaman bi selimu le intum, sawa ma aku ta nina ma Kuwatus. ²⁴ Kede neima ta Rabuna Yesuah al Mesi geni ma intum kulu. Amin ²⁵ Wa hasa le huwo al agder ashan bi sabitu intum, hasab Injil tai, wa tebshir ta Yesuah al Mesihasab sir al beinu wa al kan hafizu min bediri. ²⁶ Lakin beinu wa amulu biga maruf hasa le kulu nas hasab kitabat ta nobuwa, be awamir ta Allah al abadiya, ashan ihteram ta iman. ²⁷ Le Allah al hakim al waid, be wasat Yesuah al Mesi, al mejid le Huwo lel abad. Amin