¹ Biga al rujal wa nusuwan tomon gam be kore sedid dit akuwana tomon Yahudien. ² Lianu inak kan juzu al kelim, '''Ma awulat ta nina wa banat nina biga ketir. Kida kede nina ligo dura ashan nina bi akulu wa geni hai.'' ³ Inak kan kaman juzu al kelim, ''Nina bi waadu mahal zara tanina, ginana ta nina, wa biut ta nina le ligo dura fi zaman al maja/jian.'' ⁴ Juzu kaman kelim, ''Nina kalas dayinu gurus le dafa daraib al melik fogo mahal zarat ta nina wa ginanat ta nina. ⁵ Lisa hasa gisim ta nina wa dom yau sawa ze akuwana ta nina, wa iyal ta nina yau sawa ze iyal tomon .Assuru nina kalas le biu awulat ta nina wa banat ta nina le bi geni abit. Juzu ta banat ta nina kalas biga amulu abit. Lakin uwo yau ma fi guwa ta nina le sayidu ashan rujal tanin hasa meliku mahal zarat ta nina wa ginanat ta nina.'' ⁶ Ana kan zalan sedid zaman Ana asma kore tomon wa kalamat delin. ⁷ Biga Ana fekir fogo, wa jabu ugubat dit al musakafin wa muwozifin. Ana kelim le umon, ''Itakum kalas kutu niya/rakba, wahid min aku tao bes.'' Ana amulu al jemeiya kebir dit umon ⁸ wa kelim le umon, ''Nina, ze ketir ze nina biga bi agder, kalas biu/isteru wara min abudiya akuwana ta nina Yahudien al kan biga biu le al umam, lakin itakum kaman biu akuwana takum gali umon biga bi biu wara le nina!'' Umon kan askut wa ma ligo kelima le wonusu. ⁹ Kaman Ana kelim, ''Sunu itakum bi amulu uwo ma kuwes. Itakum ma bi agder dowuru fi al kafu ta Allah takum le hami al asuwat ta al umam al yau aada ta nina? ¹⁰ Ana wa akuwana tai wa kadamin tai bi wodi deyin le umon gururs wa dura. Lakin nina lazim wogif kutu ribeh fogo dyun delin. ¹¹ Rijau le umon fi yom ta alela mahal zarat tomon, ginanat tomon, ginanat asjar zetun, wa biut tomon wa al nisba ta al gurus, al dura, al mosurub jedid, wa al zet al itakum silu min umon'' ¹² Biga umon kelim, ''Nina bi rija sunu nina salu min umon, wa ma asalu ayi haja min umon. Nina bi amulu ze ita kelim.'' Biga Ana nadi al kahana, wa amulu umon alifu le amulu ze umon kan waadu. ¹³ Ana nafatu bara jeba ta jalabia tai wa kelim, ''Kida kede Allah nofutu bara min bet tao wa mumtalakat ayi rajil al biga ma hafisu waad tao. Kida kede uwo biga nafutu bara wa fadi.'' Kulu al jameiya kelim, ''Amen,'' wa umon shukuru/sabihu Yahuah wa al nas amulu ze umon kalas waadu. ¹⁴ Kida min al zaman Ana kan iktaru/ayinu le bi hakim tomon fi al art ta Yahuzah, min al isirin senawat lakadi al itnii-teletin sena ta Artaxerxes al melik, itnasar senawat, wele Ana la akuwana tai akal al akil wodi le al hakim. ¹⁵ Lakim al hukam bediri al kan gabli ana kutu tegila kebir fok al nas, wa salu min umon arbain kilo ta fida le akil tomon yomi wa mosurub. Hata kadamin tomon bi assuru al nas. Lakin Ana ma amulu kida ashan be kafu ta Allah. ¹⁶ Ana kaman istemir le sokol fogo al heta, wa nina ma biu ard, wa kulu kadamin tai kan limu inak le al sokol. ¹⁷ Fogo terbeza tai kan al Yahudien wa al muwozifin, 150 rujal, bara min delin al ja le nina min wasat al ummam al kan hawuli nina. ¹⁸ Hasa sunu kan jahizu kulu yom kan wahid bgar/tor, sita korufan iktaru, wa kaman tiur, wa ayi asara ayom kulu sikili ta mosurub fi kifaya, lisa le kulu de ana kan ma asalu/talabu al musaada/hafis ta akil ta al hakim/wali, ashan al talabat kan tegil kalis fogo al nas. ¹⁹ Zekiru ana fi fikra taki, Allah tai, le kuwes, ashan be kulu al Ana kalas amulu le nas de.