¹ Hasa zaman Sanballat, Tobiah, wa Geshem al Arabi wa al aada ta nina tanin asma gali Ana kalas rijaabinu al heta wa gali inak kan biga mafi ayi tijahat sibu moksur fadi, hatawolu Ana kan lisa ma kutu al abuab fi al buabat, ² Sanballat wa Geshem rasal le ana kelim, ''Taal, kede nina limu sawa fi makan tani fi al wadi ta Ono.'' Lakin umon deiru le amulu haja batal le ana. ³ Ana rasal murasilin le umon, ''Ana bi amulu sokol kebir, wa Ana ma bi agder nenzil tehet. Le biga al sokol bi wogif zema Ana sibu uwo wa nenzil tehet le itakum?'' ⁴ Umon rasal le ana al nefsa risala arba marat, wa Ana juabu umon al nefsu teriga ayi zaman. ⁵ Sanballat rasal kadam tao le ana fi al nefsa teriga le kamsa marat, ma warag moftu fi ida tao. ⁶ Fogo uwo kan moktub, ''Uwo yau kabara/tagarir wasat al umam, wa Geshem kaman kelim kida, gali ita wa al Yahudien biga bi katitu le tomorut, lianu de yau kef itakum biga bi rija abinu al heta. Min sunu tagarirat/kabarat delin kelim, ita biga kalas deiru tala melik tomon. ⁷ Ita kalas kaman iktaru ambia le amulu ilan de an ita fi Arselim, kelim, 'Fi melik inak fi Yahuzah!' Ita kede kun mutakit al melik bi asma tagarirat delin. Ashankida taal, kede nina wonusu ma badun tanina.'' ⁸ Biga Ana rasulu kelima le uwo kelim, ''Mafi hajat zede hasil ze ita kelim, leanu fijua gelba taki ita yau kalagu umon.'' ⁹ Leanu umon kulu deiru le amulu nina kafu, fekir, '''Umon bi wogif idenat tomon min amulu al sokol, wa uwo biga ma bi amulu.'' Lakin hasa, Allah, malis gowi idenat tai. ¹⁰ Ana rua le al bet ta Shemaiah welet ta Delaiah welet ta Mehetabel, al kan limu fi bet tao. Uwo kelim, ''Kede nina limu sawa fi al bet ta Allah, fijua al haikal, wa kede nina gofulu al al abuab ta al haikal, leanu umon kalas bija le katulu ita. Bi lel umon biga bija le katulu ita.'' ¹¹ Ana juabu, ''Biga zol ze ana bi jere bara? Biga zol ze ana bi rua fijua al haikal bes kida uwo bi agder kalisu haya tao? Ana ma bi rua/dakalu jua!'' ¹² Ana lahisu gali uwo kan ma Allah al rasulu uwo, lakin gali uwo kan itnaba dit ana. Tobiah wa Sanballat kan ajiru uwo. ¹³ Umon ajiru uwo le amulu ana kafu, kida gali Ana bikun bi amulu sunu uwo kelim wa akta, kida umon biga bi le ana isim batal biga zede le karabu/ahinu ana. ¹⁴ Zekiru le fikira Tobiah wa Sanballat, Allah tai, wa kulu al umon amulu. Kaman zekiru le fikira al nebia Noadiah wa al bagi ta al ambia al hawil le amulu ana bi kafu. ¹⁵ Kida al heta kan kalasu fi al yom kamsa-isisrin ta al sahar ta Elul/Sita, baat itniin kamsin ayom. ¹⁶ Zaman kulu aada ta nina sima an uwo, kulu al umam hawuli nina, umon biga kafu wa umon his fi uyuun nefsa tomon. Lianu umon aruf al sokol kan amulu ma al musaada ta Allah tanina. ¹⁷ Fi zaman zede al musakafin ta Yahuzah rasal kitabat ketir le Tobiah, wa awurak ta Tobiah ja le umon. ¹⁸ Lianu inak kan ketirin fi Yahuzah kan morbutin be halifa le uwo, ashan uwo kan al welet nesif ta Shecaniah welet ta Arah. Welet tao Jehohanan kan salu ze mara tao al bit ta Meshullam welet ta Berechiah. ¹⁹ Umon kaman wonusu le ana an amail tao al kuwes wa wori kilimat tai wara le uwo. Awurak kan rasulu le ana min Tobiah le kowofu ana.