¹ Hasa zaman Sanballat sima nina bi abinu al heta, biga haragu fijua uwo, wa uwo kan furu be zalan, wa uwo alisu/hagiru al Yahudien. Fi ² al gidam ta akuwana tao wa al jess ta Samiria, uwo kelim, ''Sunu yau Yahudien tabanin delin bi amulu? Umon bi agder rijau al medina de le nefsatomon? Hal umon bi gedim zebihat? Hal umon bi kalasu al sokol fi yom? Hal umon bi jibu hujar le haya min al komat/gondurat ta kusa baat umon kan haragu? ³ Tobiah al Ammonie kan ma uwo, wa uwo kelim, ''Kan bes al saalab arkab fok fogo sunu umon kalas abinu, uwo bi kasuru tehet heta hujar tomon de!'' ⁴ Asma, Allah tanina, lianu nina kalas alisu. Rijau wara asuwat tomon fogo ruus nefsa tomon wa wodi umon kede nyakamuagilau bara fi al art al umon bi kun masajin. ⁵ Ma ta kati ala zunub tomon wa ma ta masa katiya tomon min gidam taki, lianu umon kalas amulu al banayin biga zalan. ⁶ Kida nina abinu al heta wa kulu al heta kan limu sawa le nus tul tao, lianu al nas indu ragba/niya le sokol. ⁷ Lakin zaman Sanballat, Tobiah, al Arabi, al Ammonie, wa al Ashdodie sima gali al sokol ta siyana al hetat ta Arselim kan bi rua gidam, wa gali al makanat al moksur fi al heta kalas biga gofulu fok, zalan kebir haragu fijua umon. ⁸ Umon kulu itjasau sawa, wa umon ja le sakila dit Arselim wa le amulu lakabata fogo. ⁹ Lakin nina seli le Allah wa kutu huras ze himaya umon nahar wa bilel ashan le tahadid tomon. ¹⁰ Biga al nas ta Yahuzah kelm, ''Al guwa ta delin al boi arfa al tegilat biga bi sagit. Inak biga fi wasaka ketir, wa nina biga ma bi agder le abinu al heta.'' ¹¹ Adu tanina kelim, ''Umon biga ma bi aruf au ayinu lakadi nina ja wasat umon wa katulu umon, wa wogif al sokol.'' ¹² Fi al zaman dak al Yahudien al bi geni gerib le umon ja min kulu tijahat wa wonusu le nina asara marat, anziru nina an al muamara umon kan amulu dit nina. ¹³ Kida Ana wazau nas fi al ajiza tehet ta al heta fi makanat al fadi. Ana kutu ayi usura ma siuf tomon, luharbat, wa dangat. ¹⁴ Biga Ana ayinu, wa wogif fok, wa Ana kelim le al musakafin, wa le al mosulin, wa le al bagi ta al nas, ''Ma ta kun biga kafu min umon. Zekiru fi fikra takum Rabuna, al yau kebir wa ajib. Sakila le usar takum, awulat takum wa banat takum, nusuwan takum, wa biut takum.'' ¹⁵ Biga ja zaman inu aada tanina sima gali kutat tomon kan arufu le nina, wa Allah habitu kutat tomon, nina kulu biga rija le al heta, ayi wahid le sokol tao. ¹⁶ Kida min zaman dak nus ta kadamin tai istakal bes fogo rijau-abinu al heta, wa nus ta umon amsuku luhabat, daragat, dangat, wa hajat ta sakila, zema al kiadat wogifin wara kulu al nas ta Yahuzah. ¹⁷ Al nefsa umal al bi abinu al heta wa sakalin tulba kan kaman bi harisu makanat romon. Kuluwahid sakal ma wahid ida, wa ma al ida tani amsuku silah tao. ¹⁸ Kulu bina labis sef tao fogo tija tao wa de yau kef uwo sakal. Al wahid/zol al bi afuku al turumbeta bi geni gerib ma ana. ¹⁹ Ana kelim le al musakafin wa le al muwazifin wa le al bagi ta al nas, ''Al sokol biga kebir wa wasi, wa nina biga musetetin fogo al heta, bayit min bat ta nina. ²⁰ Kede itakum lazim jere be sura le al makan al itakum asama al sort ta turumbeta wa jamao inak. Allah ta nina bi sakila le nina.'' ²¹ Kida nina kan amulu al sokol. Nus ta umon kan bi amsuku luharbat min al giam ta semis ta al sabah lakadi al ja ta nujum le bara. ²² Ana kaman kelim le al nas fi zaman dak, ''Kede ayi rajil ma kadam tao geni bilel fi al wasat ta Arselim, kida umon bi kun le nina huras be bilel wa umal fi al nahar.'' ²³ Kida wele Ana, hata akuwana tai, mafi wahid min nina geyeru gumasat ta nina, wa ayi wahid min nina arfa silah tao, hata kan nina rua le moyo.