¹ Biga Eliashib al rais kahana gam fok ma akuwana tao kahana, wa umon abinu Bab Korfan. Umon kerisu uwo wa kutu abuab tao fi makan. Umon kerisu uwo ze abaad ze al buruj ta al miya wa ze abaad ze al Buruj ta Hanael. ² Gerib le uwo al rujal ta Jericho/Ariha istakal, wa gerib le umon Zaccur welet ta Imri istakal. ³ Al awulat ta Hassenaah abinu al Bab Samak. Umon amulu madadad le uwo, wa kutu abuab tao, giflat tao, wa hadait tao. ⁴ Meremoth amulu siyana fi al juzu tani. Uwo yau al welet ta Uriah welet ta Hakkoz. Gerib le umon Meshullam amulu siyana. Uwo yau al welet ta Berechiah welet ta Meshezabel. Gerib le umon Zadok amulu siyana. Uwo yau al welet ta Baana. ⁵ Gerib le umon al Tekoites amulu siyana, lakin kiadad tomon aba le amulu al sokol kelimu be musirifin tomon. ⁶ Joiada welet ta Paseah wa Meshullam welet ta Besodeiah amulu siyana al Bab Gedim. Umon amulu madadad le uwo, wa kutu abuab, gifilat tao, wa hadait tao. ⁷ Gerib le umon Melatiah al Gibeonie wa Jadon al Meronothie, umon kan rujal min Gibeon wa Mizpah, amulu siyana fogo al juzu wen al hakim ta al Wulaya Beyit al Bahar bi geni. ⁸ Gerib le uwo Uzziel welet ta Harhaiah, wahid ta al sokoldahab, amulu siyana, wa gerib le uwo kan Hananiah, al bi sala ariyah. Umon rijaabinu Arselim ze abaad ze al Heta Wase. ⁹ Gerib le umon Rephaiah welet ta Hur amulu siyana. Uwo kan al dabit idari kebir ta nus al mahaliya ta Arselim. ¹⁰ Gerib le umon Jedaiah welet ta Harumaph amulu siyana gerib le bet tao. Gerib le uwo Hattush welet ta Hashabneiah amulu siyana. ¹¹ Malkijah welet ta Harim wa Hasshub welet ta Pahath-Moab amulu siyana fogo taraf tani sawa ma al Buruj ta al Furun. ¹² Gerib le umon Shallum welet ta Hallohesh, al kait ta nus al mahaliya ta Arselim, amulu siyana, sawa ma banat tao. ¹³ Hanun wa al sukan ta Zanoah amulu siyana al Bab Wadi. Umon rijaabinu uwo wa kutu abuab tao, gifilat tao wa hadait tao. Umon amulu siyana fi alfi mitirat ze abaad ze al Bab Wasak. ¹⁴ Malkijah welet ta Recab, al mosul ta al mahaliya ta Beth Hakkerem, amulu siyana le al Bab Wasak. Uwo abinu uwo wa kutu abuab tao, gifilat wa hadayit tao. ¹⁵ Shallun welet ta Kol-Hozeh, al mosul ta al mahaliya ta Mizpah, rija-abinu al Bab Masdar/Mamba. Uwo abinu uwo, wa kutu gifla fogo uwo wa kutu abuab tao, giflat,wa hadayit tao. Uwo kaman rija-abinu al heta ta al Bir ta Siloam be ginenat al melik, ze beyit ze al gidam sutu tehet min al medina ta Daud. ¹⁶ Nehemiah welet ta Azbuk, al mosul ta nua al mahaliya ta Beth Zur, amulu siyana le al makan hawuli min al turubat ta Daud, le al bir- amulu ma zol, wa le al bet ta al rujal azim. ¹⁷ Baat uwo al Lawien amulu siyana, kamanfogo Rehum welet ta Bani wa gerib le uwo, Hashabiah, al mosul ta nus al mahaliya ta Keilah, le mahaliya tao. ¹⁸ Baat uwo rujalbelet tomon amulu siyana, kamanfogo Binnui welet ta Henadad, al mosul ta nus al mahaliya ta Keilah. ¹⁹ Gerib le uwo, Ezra welet ta Jeshua, al mosul ta Mizpah, amulu siyana fi tija tani al gidam le al korokon fi al rokon al heta. ²⁰ Baat uwo Baruch welet ta Zabbai bejidiya amulu siyana fogo tija tani, min al rokon ta al heta le al bab ta al bet ta Eliashib al rais kahana. ²¹ Baat uwo Meremoth welet ta Uriah welet ta Hakkoz amulu siyana tija tani, min al bab ta al bet ta Eliashib le al nihaya ta al bet ta Eliashib. ²² Jabu uwo al kahana, al rujal min al mantika hawuli Arselim, amulu siyana. ²³ Bat umon Benjamin wa Hasshub salau gidam biut tomon. Bat umon Azariah welet ta Maaseiah welet ta Ananiah salau gerib le bet tao. ²⁴ Bat uwo Binnui welet ta Henadad salau juzu tani, min al bet ta Azariah le al zawiya ta heta. ²⁵ Palal welet ta Uzai amulu siyana fogo gidam al rokon ta al heta wa al buruj al be fok min al bet ta al melik fi al makan ta al huras. Baat uwo Pedaiah welet ta Parosh amulu siyana. ²⁶ Hasa kudam al haikal bi geni fi Ophel/Gasur amulu siyana le al nukta aks al Bab Mayo fok al sherik wa al atuwal buruj. ²⁷ Baat uwo al Tekoites amulu siyana tija tani al kan aks al buruj azim ze abaat ze al heta ta Ophel/Gasur. ²⁸ Al kahana amulu siyanat be fok al Bab Husan, kulu wahid aks/be gidam bet tao. ²⁹ Baat umon Zadok welet ta Immer amulu siyana fi al tija gidam bet tao. Biga baat uwo Shemaiah welet ta Shecaniah, al haris ta al bab sherik, amulu siyana. ³⁰ Baat uwo Hananiah welet ta Shelemiah, wa Hanun al welet nimra sita ta Zalaph, amulu siyana tija tani. Baat uwo Meshullam welet ta Berechiah amulu siyana gidam diwanat/mahalat ta geni tao. ³¹ Baat uwo Melkijah, wahid min al sakalin fi dahab, amulu siyana le al bet ta kudam al haikal wa al tujar al kan be gidam al Bab Mugabalat wa al dawawin ta geni al be fok fogo al rokon. ³² Al nas sakalin fi dahab wa al tujar amulu siyanat finus al diwan be fok ta al rokon wa al Bab Korufan.