¹ Fi al sahar ta Nisan, fi al isirin sena ta Artaxerxes al melik, uwo iktar mosrub, wa Ana salu al mosrub wa wodi uwo le al melik. Hasa Ana kan ma hasal geni haznan fi gidam tao. ² Lakin al melik kelim le ana, ''Le usa taki biga hasnan kida? Ita ma bi beyinu le biga ayan. De lazim haznan ta gelib.'' Biga Ana tala kuaf sedid kalis. ³ Ana kelim le al melik, ''Kede al melik geni lelabad! Le biga usa tai ma bi geni hazin? Al medina, al makan turubat ta abuhat tai, biga fi damar, wa abuab tao kalas biga demiru be nar.'' ⁴ Biga al melik kelim le ana, ''Sunu ita deyiru ana bi amulu?'' Kida Ana salet le al Allah ta sama. ⁵ Ana juabu le al melik, ''Kan uwo biga kuwes le al melik, wa kan kadam taki kan amulu kuwes fi nazar taki, ita bi rasulu ana le Yahuzah, le al medina ta turubat ta abuhat tai, ashan Ana biga birija abinu uwo.'' ⁶ Al melik juabu le ana (wa al melka kan kaman bigeni jambu uwo), ''Fetera godur sunu ita biga bikun bara wa miten biga ita birija?'' Al melik kan moksut le rasulu ana zaman Ana wodi le uwo al ayom. ⁷ Biga Ana kelim le al melik, ''Kan uwo kuwes le melik, kede awurak biga wodi le ana le al hukam fi al Wulayat Beyit al Bahar kida gali umon kede asam le ana le rua abri manatic tomon fogo sika tai le Yahuzah. ⁸ Kede kaman waraga bikun le Asaph inak al haris ta gabat al melik, kida gali uwo biagder wodi le ana loho le amulu madada le al abuab ta al himaya gerib le al haikal, wa le al heta ta al medina, wa le al bet al Ana bi rua geni fogo.'' Kida ashan al ida kuwes ta Allah kan fogo ana, al melik wodi le ana talabat tai. ⁹ Ana ja le al hukam fi al Wulayat Beyit al Bahar wa wodi le umon awurak ta melik. Hasa al melik kalas rasal ma ana dubad ta al jess wa rujalhasasin. ¹⁰ Zaman kadam ta Sanballat al Horonie wa Tobiah al Ammonie sima de, umon kan ma moksutin kalis gali wahidtani kan ja al yau bi fetisu le sayidu al nas ta Israil. ¹¹ Kida Ana ja le Arselim wa kan inak talata ayom. ¹² Ana gum fi al lele, Ana wa al rujal besid ma ana. Ana kan ma wori le ayiwahid sunu Allah tai kalas kutu fijua gelba tai le amulu le Arselim. Inak kan mafi haiwan ma ana, bara min al wahid kan Ana bi sugu. ¹³ Ana mased bara be lel be Bab al Wadi, letija al Bir ta Saalab wa le al Bab Wasak, wa murur/ayinu al asuar ta Arselim, al kalas biga moksur fadi, wa al bab kasab kan demiru be nar. ¹⁴ Biga Ana rua fok le al Bab mamba/masdar wa al Sibaha ta melik. Al makan kan regeg kalis le al haiwan Ana bi sugu le dakalu jua. ¹⁵ Kida Ana rua fok lel dak be al wadi wa ayinu al heta, wa Ana rija wara wa dakalu be al Bab Wadi, wa kida rija. ¹⁶ Al hukam kan ma aruf wen Ana mased au sunu Ana amulu, wa Ana kan lisa ma kabiru la Yahudien, wele al kahana, wele al kubara, wele a; hukam, wele al bagin al amulu al sokol. ¹⁷ Ana kelim le umon, ''Itakum ayinu al mukila nina kalas fogo, kef Arselim biga fi damar wa abuab tao kalas biga demiru be nar. Halumu/Taal takum, kede nina rijaabinu al heta ta Arselim, kida nina biga ma bikun fi fadiya.'' ¹⁸ Ana wori le umon gali iden kuwes ta Allah tai kan fogo ana wa kaman an al kelimat ta melik al uwo kan wonusu le ana. Umon kelim, ''Kede nina gum fok wa abinu.'' Kida umon gowi idenat tomon le al sokol kuwes. ¹⁹ Lakin zaman Sanballat al Horonie, wa kadamTobiah al Ammonie, wa Geshem al Arabi sima an uwo, umon hagiru wa alisu nina, wa umon kelim, ''Sunu yau itakum bi amulu? Itakum biga bi merid dit al melik?'' ²⁰ Biga Ana juabu umon, ''Al Allah ta sama bi wodi le nina naja. Nina yau kadamin tao wa nina bi gum wa abinu. Lakin itakum ma indu nisba, wele hak, wa kalfia tarikia fi Arselim.''