¹ Hasa asuma takum le haja al Yahwah bi wunuso, Guma wa gedimu kalam taki gidam ta jubal; kede murtafaat asuma sout taki. ² Asuma takum le mukasama ta Yahwah, intakum ya jubal, wa intakum ya asasaat ta ard. Lanu Yahwah indu mukasama ma shaab tuo, wa huwo bi hakimu Israel.'' ³ Shaab tai, Ana amulu le intakum shunu? Ana tabanu intakum be shunu? Shahidu takum did an! ⁴ Ashan Ana tala intakum bara min masir wa angizu intakum min idda ta abudia. Ana rasulu Mosa, Haron, wa Mariam le intakum. ⁵ Shaab tai, zekir takum haja al Balak melik ta Moab katitu did intakum, wa kef Balaam weled ta Baor juwabu huwo ze intakum ruwa min Shetim le Jiljal, ashan intakum bi arufu shukul bir ta Yahwah.'' ⁶ Shunu yao ana bi jibu le Yahwah, ze ana bi dengir tihit le Allah al fuk kalis? Hal ana bi ja be tegdimat, be bagarat sukerin ta umor sena wahid? ⁷ Hal Yahwah bi tala murtah be alaf ta kurfan, aw be ashara alaf anhar ta zeat? Hal ana be wedi bikir tai min ajili katiya tai, samar ta jisim tai le katiya tai? ⁸ Huwo weri le in takum, ya insan, shunu yao kues, wa haja al Yahwah deru min inta: Amulu adala, hibu takum amulu kues, wa kun fi tawadu ma Allah taki. ⁹ Sout ta Yahwah bi wedi elaan le medina - hata hasa hikima arufu isim taki: ''Kutu takum bala le asaya, le zol al kutu fi mahal tuo. ¹⁰ Fi shukul ganian fi biut ta ashrar wa de adam karama, wa mawazin ta kidib al ta sher. ¹¹ Hal kede Ana ayinu zol al bi amulu mawazin ta sher de ze zol al bar? ¹² Nas al ganianin malianin be zulum, wa sukan tumon bi wunuso kizib, wa lisan tumon juwa kashmat tumon malian ma kizib. ¹³ Ashan kida Ana be durubu intakum ma juruh al ma indu ilaj, wa Ana bi kutu intakum karbanin be sabab katiya takum. ¹⁴ Intakum bi akulu lakin ma bi saban; shukul jian takum bi fadulu juwa intakum. Intakum bi kazinu buda lakin ma bi kun fi aman Ana bi wedi le sef. ¹⁵ Intakum bi zara lakin ma bi ligu netija tuo; intakum bi asuru zeat ta zeaton lakin ma bi masa ma badun takum; intakum be safa asir ta inab lakin ma bi ashurub kumr tuo. ¹⁶ Bi hafisu nizam ta Omri, wa kuklu amail ta bet ta Akab. Intakum bi ish be nesiha tumon. Yala Ana bi kutu intakum, medina, mahal al karabu, wa sukan tuo bi kun ze haja ta taalis, wa intakum bi arfa fadiya ta shaab tai.''