¹ Fi yom dak de saba nusuwan bi amsuku rajil wahid wa bi kelim, ''Anina bi akulu akil ta nina, wa bi libisu gumasat ta nina. Lakin kede anina shiliu isim taki ashan bi tala fadiya ta anina.'' ² Fi yom dak de fere ta Yahwah bi kun giyafa wa indu mejid, wa samar ta ard bi kun indu taam wa tamam le delin al bi naja fi Israel. ³ Bi hasil inu de al sibu fi Sahiun wa de al fadulu fi Urshelim bi nadi umon mukadasin, kulu al katibu tihit ze zol al bi geni fi Urshelim. ⁴ De bi hasil kan Rabuna kasulu wasaka ta banat ta Sahiun, wa nedifu doom ta Urshelim min nus tuo, be roho ta hukum wa roho ta nar al indu lehib. ⁵ Yala kulu safa ta jebel wa kulu mujtamaat tuo, Yahwah bi kalagu sihab wa dukhan be nahar, wa lehib ta nar be bilel; bi kun kuta le kulu mejid. ⁶ Bi kun dulu be nagar mi sakana, wa malja wa kuta min habub wa muturu.