¹ Al kelima ta Yahwa ja le ana, gal, ² Jena ta insaan, inta ish fi nus ta bet mutamarrid al humon endu uyuun ashaan ayenu lakin humon am bi ayenu adana ashan asuma lakin humon ma bi asuma, leanu humon bet mutamarrid. ³ Ashan keda ze le ita jena ta insaan, jahizu hajat taki le munfaa, wa bada ma yom fi nazra tomon, leanu ana bi ankur inta fi nazra tomon min mahal taki le mahal tani. ammkin humon bi bada ayenu, hata wa lo humon bet ta tamarrid. ⁴ Inta bi jibu bara hajat le manfaa fi yom fi nazra tomon; ruwa bara fi ashiya fi nazra tomon fi sika al aye zol le munfaa. ⁵ Hafura hufra min heita fi nazra, wa ruwa bara min fogo. ⁶ Fin nazra tomon, Arufa fok hajat taki fogo kitfa, wa jibu humon bara le nbarria. khati wosa taki, leanu inta lazim ma bi ayenu al ard, min zaman al ana jahizu inta alama le bet ta Israel.''' ⁷ Fa ana amulu keda, bes ze ana kan amiru. Ana jibu bara hajat tai min munfaa be nahar, wa fi ashiya ana hafura min heita biwasat yadan. ana jibu hajat tai bara min duluma, wa arufu humon fok fogo kitfa tai fi nazra tomon. ⁸ Yala al kelima ta Yahwa ja le ana fi al sabah, gal, ⁹ Jena ta insaan, hal bet ta Israel, inu bet al matamarrid, ma asalu, 'Sunu yau intum bi amulu?' ¹⁰ Kelim le humon, Rabuna Yahwa gal keda: amal al nabawwi ihtimamat ta alamir fi Uruselim, wa kulu bet ta Israel humon fi nus ta munu. ¹¹ Gul, ana alama le inta. Ze ma ana amulu, fa huwo bi amulu le humon; humon bi ruwa fi munfaa wa fi sabi. ¹² Al amir al huwo fi nus tomon bi arfa fok hajat tou fi khitfa tou fi duluma, wa bi ruwa bara min heita. Humon bi hafura min al heita wa tala bara hajat tomon. Huwo bi khati wosa tou, fa huwo ma bi ayenu al ard ma uyuun tou. ¹³ Ana bi wazau bara shabaka tai fogo huwo wa huwo bi gubudu huwo fi sharak; yala ana bi jibu huwo le Babylon, al ard ta Kildaniyiin, lakin huwo ma bi ayenu. Huwo bi mutu hainak ¹⁴ Ana kaman bi shetetu fi tijahat kulu del hawili huwo al kan saadu huwo wa kulu jaysh tou, wa ana bi rasulu safe wara tomon. ¹⁵ Yala humon bi arufu inu ana Yahwa, wokit ana shetetu humon fi nus ta umam wa woduru humon fi kulu ard. ¹⁶ Lakin ana bi kutu rijal besit ezber min nus tomon min safe, majaa, wa waba, fa humon bi sejilu kulu fagarat tomon fi al ard al ana shilu humon, fa humon bi arufu inu ana Yahwa.'' ¹⁷ Kelima ta Yahwa ja le ana, gal. ¹⁸ Jena ta insaan, akulu kubaz taki ma irtijaf, wa asurubu moyo taki ma ruogusa wa kafa. ¹⁹ Yala kelim le nas ta ard, Rabuna Yahwa gal ann sukan ta Uruselim, wa al ard ta Israel, '''Humon bi akulu kubaz tomon ma irtijaf wa asurubu moyorogusa, min zaman al ard bi kun karban min malaiyan tou bi sabab ta eunf ta kulu del al bi geni hinak. ²⁰ Fa al medina sukan tou bi karabu, wa al ard bi ja ard waskan; fa inta bi arufu inu ana Yahwa.''''''' ²¹ Tani kelima ta Yahwa ja le ana, gal, ²² Jena ta insaan, de misaal yatu al inta indu fi al ard ta Israel al gal, Ayam tuwil, wa kulu ruya fashil? ²³ Ashan, keda kelim le humon, Rabuna Yahwa gal keda: Ana bi kutu nihaya le misaal de, wa nas ta Israel ma bi istamil huwo. Kelimle humob, Ayam biga gerib zaman kulu ruya bi kamilu. ²⁴ Leanu ma bikun fi aye ruya al kazib aw araffa unasib fi juwa bat ta Israel. ²⁵ Leanu ana Yahwa! Ana wonusu, wa ana nefizu kelimat al ana wonusu. haja de tani akhir. Leanu ana bi wonusu kelima de fi ayam taki, bet mutamarrid, wa ana bi nefizu huwo!__de yau elan ta Rabuna Yahwa.''' ²⁶ Tani kelima ta Yahwa ja le ana, gal, ²⁷ Jena ta insaan! Ayenu, bet ta Israel kelim, Ruya al huwo ayenu huwo le ayam ketir min hasa, wa nubau beid min zaman. ²⁸ Ashan keda kelim le humob, Rabuna Yahwa gal keda: kelimat tai ma bi akhir ketir, lakin kelima al ana wonusu bi amulu__de elan ta Rabuna Yahwa.'''