¹ Tani, kelima ta Yahwa ja le ana, gal, ² Jena ta insaan, naba ded anbia al bi nabau fi Israel, wa kelim le del al bi nabau bara khial tomon, 'Asuma le kelima ta Yahwa. ³ Rabuna Yahwa kelim keda: Wayl le anbia al beliteen al bi tabe roho tomon, lakin al ma ayenu haja! ⁴ Israel, anbia taki kan ze jena ta awaa fi ard al karaban. ⁵ Inta am ruwa ashan kasuru fi hawili al heita bet ta Israel ashan bi salau, ashan bi qawimu fi harib fi yom ta Yahwa. ⁶ Nas indu ruya kazib wa amulu tawaqqueat kazib, del al kelim, ''Ze de wa ze de elan ta Yahwa. ''Yahwa ma rasulu humon, lakin humon kutu raja le nas inu risala tomon bi ja hagiga. ⁷ Hal inta ma asuma ruya kazib wa amulu tawaqqueat kazib, inta al kelim, ''De wa dak lhuwo elan ta Yawha''zaman nefsa tai ma wonusu>?' ⁸ Ashan keda Yahwa gal keda, 'Leanu inta indu asuma ruya kazib wa wonus akhazib__ashan keda de huwo elan ta Yahwa ded inta: ⁹ Yadan tai bi kun ded inta al nabi al indu ruya ta kedib wa al amulu tawaqqueat kazin. Humon ma bi kun fi jameia ta nas tai, aw bi sajilu fi sajjil ta bet ta Israel; humon ma bi ruwa le al ard ta Israel. Leanu inta bi arufu inu ana Rabuna Yahwa! ¹⁰ Ashan kea, wa ashan humon woduru nas tai wa kelim, ''Salam''' zaman mafi salam, humon bi abinu heita al humon bi rasim ma tabria. ¹¹ Kelim le del al dahn al heita, wa huwo bi waga tihit; hinak bi kun matru ketir, wa ana bi rasulu huja ta barad ashan waga tihit, wa hawa shedid ashan kasuru huwo tihit. ¹² Ayenu, al heita bi waga tihit. Hal tanin ma kelim le inta, '''Wenu huwo tabria al inta kutu fogo huwo?'' ¹³ Ashan keda Rabuna Yahwa kelim keda: Ana bi jibu hawa shedid fi zalan tai, wa hinak bi kun fayadanat ta matru fi zalan tai! Hujar ta barad fi zalan tai bi demiru huwo kulu kulu. ¹⁴ Leanu ana bi sheretu al heita al inta khati ma tabria, wa ana bi kasuru huwo fi ard wa bi kutu asas tou kashif. Fa huwo bi waga, wa inta bi demiru fi nus tou kulu. Yala inta bi arufu inu ana Yahwa. ¹⁵ Leanu ana bi demiru fi zalan tai heita wa del al tabria tou. Ana bi kelim le inta, ''Al heita ma maju tani, wele nas al ta tabria tou__ ¹⁶ al anbia ta Israel al naba ann Uruselim wa al indu ruya ta salam le heya. Lakin mafi salam__de yau elan ta Yahwa.''' ¹⁷ Fa inta, jena ta insaan, jahizu wosa taki ded banat ta nas taki al naba bara min fekira tomon, wa naba ded humon. ¹⁸ Kelim, 'Rabuna Yahwa gal keda: Wayl le nasawiin al kaitu sahar fi kulu juzu ta yada tomon wa bi amulu alhijab fi ras tomon min kulu magas, istamilu ashan sayd nas. Hal inta sayd nas tai lakin kalisu haya taki? ¹⁹ Inta khalifu ana fi nus nas tai leanu gabda ta shaeir wa fatat ta kubaz, ashan katulu nas al ma bi mutu, wa shan bihafizu haya ta del al am bi istemir fi haya, ashan kedib taki le nas tai al asuma inta. ²⁰ Ashan keda Rabuna Yahwa gal keda: Ana ded al sahar alinta bi istamilu ashan bi wagau ma haya nas fi sharak ze humon tiyur. hagiga, Ana bi sheretu humon min yadan taki; wa nas al inta wagau fi sharak ze tiyur__Ana bi sibu humon ruwa. ²¹ Ana bi sheretu bara alhijab wa alagu nas tai min yadan taki, ashan humon ma bi tani waga fi sharak fi yadan taki. Inta bi arufu inu ana Yahwa. ²² Leanu inta manau gelba ta shyakhs al salih ma kedib, hata wa lo ana ma indu nia fi mana tou, wa leanu inta manau huwo lakin amayiel ta shykhs al sharir fa inu huwo ma rija min sika tou ashan bi kalisu haya tou__ ²³ ashan keda inta ma bi ruya ta kedib aw istemir fi tawaqqueat al beled, leanu ana bi alagu nas tai bara min yadan taki Inta bi arufu inu ana Yahwa.''''