¹ Yala Roho arufa ana fok wa jibu ana le bab al sharqi ta bet ta Yahwa,mugabil le shariq, wa ayenu, fi sika ta bab hinak kan fi kamsa ishiriin rijal. Ana ayenu Jaazaniah jena ta Azurwa Pelatiah jena ta , Benaiah, ruasa ta nas fi nus tomon. ² Allah kelim le ana, Jena ta insaan, del yau rijal al kashifu iithm, wa alkariru khata sharir fi medina de. ³ Humon kelim, 'Zaman ta abinu biyuut ma hasa; medina de huwo guruma, wa ana yau lahm. ⁴ ashan keda nabau ded humon, Nubua, jena ta insaan.''' ⁵ Yala Roho ta Yahwa waga fogo ana wa kelim le ashan bi kelim: De yau haja al Yahwa kelim, ''De yau haja al inta bi kelim, bet ta Israel; leanu ana arufu ahaja al bi ruwa fi min fekira taki. ⁶ Inta zidu nas inta katulu fi medina wa malau sshawarie tou ma humon. ⁷ Ashan keda, Rabuna Yahwa kelim keda: Nas al inta katulu, al gesim tomon inta kutu fi nus ta Uruselim, yau lahm, wa medina de yau guruma. Lakin bi uwa jibu inta bara min nus ta medina de. ⁸ Ita kafu al safe, fa ana bi jibu al safe fogo inta__de elan ta Rabuna Yahwa. ⁹ Ana bi tala inta bara min nus ta medina, wa kutu fi ard ta ajanib, leanu ana bi jibu hukum ded inta. ¹⁰ Inta bi waga bi wasat safe. Ana bi hukum inta fi hudud ta Israel fa inta bi arufu inu ana Yahwa. ¹¹ Medina de ma bi kun guruma taki ta rakabu, wele inta bi kun lahm fi nus tou. Ana bi hukum inta fi hudud ta Israel. ¹² Yala inta bi aufu inu ana Yahwa, al qawanin tou intum ma dowuru fogo wa al kararat tou intkum ma nefizu. Lakin, intum nefizu kararat ta umam al hawili intum.'' ¹³ Huwo ja hasil ze ma ana kan bi naba, Pelatiah jena ta Benaiah, mutu. Fa ana waga fogo wosa ti wa kore ma sawt fok wa kelim, ''Laa, Rabuna Yahwa, hal inta kulu demiru bagi ta Israel?'' ¹⁴ Al kelima ta Yahwa ja le ana, gal, ¹⁵ Jena ta insaan, akuwana taki! Rijal ta gabila taki wa kulu bet ta Israel! Humob kulu del al kelimu bi wasat del al bi geni fi Uruselim, ''Humon beid min Yahwa! Ard de kan wodi le anina ze malikia tanina. ¹⁶ Ashan keda kelim, 'Rabuna Yahwa kelim keda: Hata lo ana agela humon beid min nus ta umam, wa hata lo ana shetetu humon fi nus ta ard, lisa ana haykal le hum le zaman guse fi ard al humon ruwa. ¹⁷ Ashan keda kelim, Rabuna Yahwa kelim keda: Ana bi limu inta min nas, wa jamau intum min al ard al shetetu intum fogo, wa ana bi wodi le intum ard ta Israel. ¹⁸ Yala humon bi ruwa hinak wa agela aye haja al affin wa fagarat min mahal dak. ¹⁹ Ana bi wodi le humob gelba wahid, wa ana bi kutu roho jedid fi juwa humon. Ana bi shilu bara gelba al hajar min lahm tomon wa wodi le humon gelba al lahm, ²⁰ ashan humon bi dowuru fi qawanin tai, humon bi nefizu kararat tai wa bi amulu humon. Yala humon bi kun nas tai, wa ana bi kun Allah tomon. ²¹ Lakin le del al dowuru ma atifa tija hajat tomon al affin wa fagarat tomon, Ana bi jibu suluk tomon fi ras tomon__elan ta Rabuna Yahwa.'' ²² Arufau malaiyka fok jinaat tomon wa al ajila al kan bijani tomon, wa al mejid ta Allag ta Israel kan ali fog le humon. ²³ Yala al mejid ta Yahwa ruwa fok min juwa nus ta medina wa wogif fogo jebel le shariq ta medina. ²⁴ Yala Roho arufa ana fok wa jibu ana fi Kildaniiyin, le mughtaribin, fi al ruwa min Roho ta Allah, wa ruwa al ana kan ayenu wokit ruwa fok min ana. ²⁵ Yala ana alinu le mughtaribin kulu hajat ta Yawha al ana ayenu.