¹ De haja al Rabuna Yahwah zahiru le ana. Gufa ta fawakih ta saef! ² Huwo kelim, ''Inta bi ayinu shunu, ya Amos?'' Ana kelim, ''Gufa ta fawakih ta saef.'' Yala Yahwah kelim le ana, ''Nihaya wusulo le shaab tai Israel; Ana ma bi arham umon tani mara. ³ Gunat ta ken isa bi kun kure fi yom dak de elaan ta Rabuna Yahwah jisim ta nas maitin ketir, jadau jadau fi ayi mahal! Soukut!'' ⁴ Asuma takum le kalam de, intakum al bi dusu al muhtaj wa bi turuju al miskin min beled. ⁵ Umon bi wunuso, ''Biten shahar al jedid de bi intaha, ashan anina bi tebiu gemeh tani? Biten yom Sebit bi kalasu, ashan anina boi tebiu hintta? Anina bi kutu mizan suker wa bi zidu gurush, ze anina bi kabasu fi mezan. ⁶ De ashan anina bi tebiu hintta al kaab, anina bi ishteri nas al daifin be fidda, wa al muhtajin be sifinjat.'' ⁷ Yahwah halifu be shukul dala ta Yagub, ''Be kulu takid ana ma bi nesitu ayi haja al umon ayi amail tumon.'' ⁸ Hala wata ma bi kafu min de, wa ayi zol al bi geni fugu bi kure? Uwu kulu bi gum ze Naha al neel, wa bi dufugu ze Naha ta Masir. ⁹ ''Wa bi kun fi yom dak - de elaan ta Rabuna Yahwah - inu ana bi sibu shemish waga be nahar, wa bi sibu wata tala duluma fi yom ta nur. ¹⁰ Ana bi hawilu ihtifalat takum le kuer wa gunat takum kulu le moyo ena. Ana bi sibu intakum kulu libisu gumash ta huzun wa sala fi kulu ras. Ana bi sibu kun ze kure ta jena al wehid, wa akir tuo bi kun yom mur. ¹¹ Ayinu takum ayamat bi ja - de elaan ta Rabuna Yahwah - wekit al Ana bi rasulu jian fi beled, ma jian ta akil, wele ta atash moyo, lakin le asuma kalam ta Yahwah. ¹² Umon bi durur min Bahar le bahar; umon bi jere min shamal le sherik ashan bi fetishu kelima ta Yahwah, lakin umon ma bi ligu. ¹³ Fi yom dak azra al giafin wa shabab bi waga min atash. ¹⁴ Delin al bi halifu be katiya ta Samira wa bi wunuso, 'Ze inta rabuna Dan hai,' wa 'Ze sika le Beersaba lisa fi'- umon bi waga wa ma bi gum tani mara.''