¹ Daud kelim,” Hal fi aiya wahid fadulu min usra ta Shaul al ana bi wori lehuwo hiniya ashan Yonatan?” ² Hinak kan fi usra ta Shaul kadam al ismu Ziba, wa humon nadi huwo le Daud. Al melik kelim le huwo ,” Hal inta Ziba?” Huwo juwabu “Naam .Ana kadam taki “ ³ Al melik kelim, “Hal fi aiya al fadulu fi fi usra ta shaul al ana bi wori le huwo kuwes ta Allah? Ziba juwabu le Melik,” Jena ta Yonatan lisa fi ,al abu kereng.’’ ⁴ Al Melik kelim le huwo, “wenu huwo?” Ziba juwabu le Melik, Huwo fi fi bed ta Makir weled ta Ammiel fi lo Debar.” ⁵ Yala Melik Daud rasulu ashan kede jibu huwo min bed ta Makir weled ta Ammiel min lo Debar. ⁶ Biga Mephibosheth weled ta Yonatan weled ta Shaul ,ja le Daud wa dengiri wusa towo tehed fi wata le iktiram le melik Daud.Daud kelim,Mephiboseth.“ Huwo juwabu,” shuf ,Ana kadam taki ! ⁷ Daud kelim le huwo, Mata kafu ,ana gi wori shokol kuwes ashan abu taki Yonatan wa ana bi wodi kulu aradi ta jidu taki shaul ,wa ita daiman bi akulu fi tarbeza tai.” ⁸ Mephibosheth dengiri wa kelim,” kadam taki de yau munu ali ita bi ainu ma ena ta rahma le kelib al mayid ze ana?” ⁹ Biga Melik nadi Ziba ,kadam ta Shaul wa kelim loo , “kulu de altaabi le Shaul ana wodi le weled ta weled towo. ¹⁰ Inta ma aulat taki wa kadamiin taki lazim be kuruju lo wa intakum bi hasidu al zira de ashan weled ta said takum bi indu akil ashan akulu. Le Mephiboseth, weled ta kebir takum ,lazim bi akulu fi tarbeza tai “Hasa ziba indu kamistashar aulat wa isriin kadamiin ¹¹ Biga Ziba kelim le Melik, “ Kadam taki ya Melik bi amulu kulu haja al said al Melik amiru le Kadam “ al Melik zidu,” ze le Mephiboseth huwo bi akulu fi tarbeza ze wahid min aulat ta Melik “ ¹² Mephiboseth indu weled suker al isim towo Mika. Al kulu gaidin fi bed ta Ziba kan Kadamiin ta Mephiboseth. ¹³ biga Mephiboseth ish fi orshelim, wa huwo daiman bi akulu fi tarbeza ta Melik, hata lokan huwo abu kereng fi kulu ethnen kura