¹ Ja fi zaman ma baad Melik ta nas ta Ammon maat , wa Hanun weled towo ja tala Melik fi mahal towo. ² Daud kelim ,”Ana bi wori hanan le Hanun weled ta Nahash , ze abu wori le ana hanan “yala Daud rasulu kadamiin ashan wodi taaziya le Hanun ashan Abu . kadamiin towo dakalu fi ardi ta nas Ammon. ³ Lakin al kiayadad ta nas ta Ammon kelim le Hanun said tomon ,” ita fekiry hagiga gal Daud gi iktaram Abu taki ashan huwo rasulu rujal ashan azi ita ? “ sei Daud ma rasulu kadamiin towo ashan ja ainu wa itjasus medina de ashan gelibu ? ⁴ Biga Hanun shilu kadamiin ta Daud ,gata dikiin tomon kulu nus ,gata jalabiat tomon lahaidi fi jabat wa rasulu humon bara. ⁵ Wokit humon ashra de le Daud huwo rasulu ashan limu ma humon lakin rujal del kan Malian ma fadiha ,Al Melik kelim “ geni takum hini lahaidi dikin takum rabah tani yala taalu.” ⁶ wokit nas ta Ammon ainu humon biga batal le Daud , Nas ta Ammon rasulu kadamiin wa ajiru Arameans ta beth Rehob wa Zobah ,isriin alf musha ,wa Melik ta Maakah ma alf rujal , wa rujal ta Tob ma ethnashar alf rujal . ⁷ Wokit Daud asuma kida ,huwo rasulu joab wa kulu jesh ⁸ Al Ammonitiin amulu kat ta harib le madkal ta baab medina tomon ,biga Arameans ta Zobah wa Rehob ,wa rujal ta Top wa Maakah ,wogif ma nufusum fi midan alfadi . ⁹ Wokit Joab ainu al kaat ta harib fi kulu haja gidam wa wara, huwo azilu juzu min kuwat ta Israel al aksen fi harib wa jahisum did Arameans. ¹⁰ Al bagiya huwo kutu fi yeden ta Abishai aku, wa Huwo rasulu fi tija ashan shakil jesh ta Ammon. ¹¹ Joab gal “ iza al Arameans gowiin le ana ,yala ita ,Abishai , bi alagu ana .lakin iza Jesh ta Ammon yau gowiin ana bi alagu ita ¹² kelikum gowiin wa keli na wori nufustena gowiin le nas tena wa medina ta Allah tena ,le Yahweh huwo bi amulu shunu al kuwes le hadaf towo “ ¹³ Yal Joab wa junut gedim le harib did Arameans, al kowimu wa jere min gidam jesh ta Israel. ¹⁴ Wokit kuwat ta Ammon ainu gal Arameans jere, humon kaman jere min Abishai wa raja fi medina. Biga Joab raja min nas ta Ammon wa ruah wara le Orshelim. ¹⁵ Wokit al Arameans ainu gal humon gelibu ma Israel ,humon limu nufushum sawa. ¹⁶ yala Hadarezer rasulu le jesh ta Aramean begadi le bahar Euphrates .humon ja fi Helam,wa Shobak,al kaaid ta jesh ta Hadarezer, ruah gidamum. ¹⁷ Wokit wori le Daud de, Huwo limu kulu jesh ta Israel sawa ,gata bahar ta ordon, wa wosulu fi Helam. Arameans jahizu nufusum le mashakil wa shakil Daud. ¹⁸ al Arameans jere min Israel wa Daud katulu subumiya rujal al gi sugu karlo wa arbein alf rujal al gi sugu hasin Shobak alkaaid ta jesh tomon awugu wa mutu hinak. ¹⁹ wokit kulu al muluk al kudam ta Hadarezer ainu gal gelibu humon ma Israel ,Humon amulu salam ma Israel wa biga humon tala hadaf. yala Arameans gi kafu ashan saidu nas ta Ammon tani mara .