¹ Ja fi zaman fasla al rebi ta sena ,fi zaman dak wokit Muluk kal ada bi yemshi fi harib , Duad rasulu Joab kadam towo ,wa kulu junut ta Israel . Humon demiru junut ta Ammon wa hasiru Rabah .lakin Daud fi Orshelim ² yala ja zaman fi wahid min umsiya Daud gum min sirir towo wa bada dowuru fok fi ras al kasri .min hinak hasil huwo ainu Mara gi hamam ,wa mara de jamil kalis kan gi ainu . ³ biga Daud rasulu wa asalu nas albi arifu an Mara de .wahid kelimu ,” hal de ma Bethsheba ,binia ta Eliam, wa hia ma mara ta Huria al Hititte? “ ⁴ Daud rasulu murasulat wa shilu hia ; wa hia ja le huwo , wa huwo num ma hia ( le hia bes tahiru nefsa min wasaka towo ) .yala rija fi bed. ⁵ al mara de hamil ,wa hia rasulu wa wori le Daud ,hia kelim “ Ana hamlan. “ ⁶ Yala biga Daud rasulu le Joab ,” rasulu le ana Huria al Hatite .” yala Joab rasulu le Daud ⁷ wokit Uriah wosulu ,Daud asalu huwo kef nas Joab ,kef al Jesh gi amulu ,wa kef al harib mashi . ⁸ Daud kelim le Uriah ,” Ruah le bed taki wa kasulu kura taki .” yala Uriah ruah sibu kasri ta Melik ,wa melik rasulu hadiya wara ta Uriah baad huwo tala . ⁹ Lakin Uriah num fi baab ta Kasri ma kulu kadamiin ta said towo ,wa huwo ma ruah fi bed towo ,” ¹⁰ Wokit humon wori le Daud ,Uriah ma ruah fi bed towo ?” Daud kelim le Uriah , ita ma ja min mamuria ? le ita ma ruah le bed ?” Uriah juwabu Daud ¹¹ ,” Al tabut al ahat ,wa Israel wa Yahusa gi geni fi kema ,wa kaaid tai Joab wa Kadam ta said tai fi Mukaimat fi maidan fadi .kef ana bi ruah le bed tai ashan akulu wan um ma Mara tai ? ana bi akid le inta ze ana aish ana ma bi amulu de .” ¹² Daud kelimu geni hini allele Kaman ,wa bukura ana bi sibu ita ruah “ yala Uriah geni fi orshelim yom dak wa tani yom . ¹³ wokit daud nadi huwo ,huwo akulu wa asurubu gidam towo ,wa Daud amulu huwo shakran kalis . fi misa Uriah ruah wan um fi serir towo ma kadamiin ta said towo ,huwo ma ruah le bed towo . ¹⁴ Yala fi sabah Daud katifu risala le Joab ,wa rasulu ma yeden ta Uriah. ¹⁵ Daud katifu fi risala gal,” kutu Uriah fi gidam ta Harib al saab ,wa yala insehip minu ashan bi durubu wa matu .” ¹⁶ Ya Joab ainu hisar le Medina ,Huwo wodi Uriah le Mahal al huwo arufu al guwa ta jesh ta adau al gowi bi harib minu. ¹⁷ wokit rujal ta medina tala ashan harib junut ta Joab jusu min kadamiin ta Daud maatu ,wa Uriah al Hattite maat hinak . ¹⁸ Wokit Joab rasulu le Daud kabar kulu an al Harib le Melik, ¹⁹ Huwo amiru al murasula ,kelimu ‘’Wokit kan ita kalasu wori le huwo aiya haja an al harib, ²⁰ huwo bi hasil al Melik bi tala zalan ,wa huwo bi kelim le itu ruah jambu medina ashan harip ? itu ma arif gal humon bi durubu min heta ? ²¹ Munu yau katulu Abimelek weled ta Jerub-besheth ?itu ma arif de Mara yau jada murkaka fogu min heta ashan huwo bi mutu fi thebez ? le itu ruah gerib ma heta ? yala ita bi juwabu ,’kadam taki Uriah al Hattite mutu Kaman.” ²² biga al murasula de ruah wa wori le huwo aiya haja al Joab rasulu huwo ashan kelim . ²³ yala al murasula kelim le Daud ,” al adu kan gowiin min ena fil awel ; humon ja lena fi midan ,lakin ena turudum wara le baab ta matkal . ²⁴ yala al danga darabu fi jesh tena min heta ,wa juzu min jesh katulu ,wa kadam taki Uriah al Hittite Kaman .” ²⁵ yala Daud kelim le murasula ,” kelim de le Joab ,keli de ma habitu inta al sef bi kata wahid wa atani . amulu al harib taki gowi did al medina . wa aglibu ,wa shejau . ²⁶ yala wokit al mara ta Uriah asuma gal Uriah mutu rijil towo , hia kore shedid ashan rajil towo ²⁷ wokit husun towo kalas ruah , Daud rasulu wa shilu hia le kasri towo , wa hia biga Mara towo wa weledu le huwo weled . lakin al Daud amulu Yahweh ma murta .